[0:00]خلونا نكون صريحين مع بعض. كم مره سالنا فلان او فلان تشفيك بحياتك علامك مو مترقع يقول لك والله انا محسود. او والله سكوني يا عين يا فلان علامك انت طول عمرك فاشل والله انا محسود يا فلان علامك صارت لك هذه المشكله وما قدرت تطلع منها والله سكوني عين. لدرجه ان الناس قامت تخاف تسوي اشياء خوف من الحسد والعين. السؤال السؤال هل فعلا العين والحسد موجودين في حياتنا اليوميه؟ هل فعلا العين والحسد لهم تاثير قوي جدا في حياتنا؟ هل في ناس انصابوا بالعين والحسد؟ موضوع العين والحسد موضوع كبير بحر بحر عميق جدا فهذا باذن الله راح يكون موضوعنا في هذا الفيديو. يا هلا ومرحبا قبل لا نبلش بهذا الموضوع الجميل لا تنسون اشتراك في قناتي وهذا شيء راح يشرفني جدا انكم انتم تنشرون هذا الفيديو لكم لاحبابكم وعائلاتكم واصحابكم على وعسى نستعم هذه الفائده باذن الله. بعد لا تنسون اللايك وانكم تفعلون جرس التنبيه بحيث انه توصل لكم او يوصل لكم اي فيديو انا انشره. الله سبحانه وتعالى لما خلق سيدنا ادم اعطاه مواصفات معينه والله سبحانه وتعالى كذلك لما خلق ابليس الرجيم اعطاه مواصفات معينه. لكن لما الله سبحانه وتعالى امر الكل كل الموجودين اللي الله سبحانه وتعالى خلقهم قال لهم اسجدوا لادم منو اللي قال لا انا ما راح اسجد له وشاف نفسه ابليس. ابليس قال ايش معنى انا اسجد حق هذا انا خلقتني من نار اسجد حق هذا هني بدا موضوع الحسد. ابليس حسد ادم عليه السلام خلقتني انا من نار كيف تبيني اسجد حق هذا فالله سبحانه وتعالى طرده من الجنه وقال له روح انت رجيم. فابليس هو اول من بدا بالحسد واول ما بدا بالحسد الله سبحانه وتعالى على طول طرده من الجنه والعنه. عشان نكون بالصوره العين والحسد تقريبا متشابهين لكن فيهم فوارق معينه شنو هذه الفوارق؟ الفوارق هذه المعينه ان الحسد اني انا اشوف النعمه وصلت حق غيري واتمنى هذه النعمه لي ايش معنى فلان وصلت له هذه النعمه وانا لا؟ اش معنى فلان عنده السياره الفلانيه وانا ما عندي؟ اش معنى فلان عنده البيت الفلاني الضخم جدا قصر وانا قاعد عايش بشقه؟ فالحسد هو تمني زوال النعمه من الغير لاني انا اتمناها لي لنفسي انا. اما العين فهي نفس قويه تطلع من نفس الانسان اللي شاف شيء جدا جميل ومن قوه هذه النفس ممكن انها هي تسبب ضرر حق اللي رايحه له هذه العين. على سبيل المثال واتوقع وايد شفناها سياره مره جدا جميله اخر موديل وتبارك الرحمن ممتازه وغاليه شفناها بالشارع اوف ولا شنو هالسياره؟ هنا انا شنو؟ نفس طلعت مني انا ما اقصد اني انا اعطيه عين انا ما اقصد اني انا يعني ابي له الخراب للسياره او ابي له الشر لا هي نفس طلعت اعجاب. انعجبت بهذا الشيء اللي انا شفته فهني تطلع النفس هذه القويه وتنصب على هذا الشيء اللي انا انعجبت فيه. فهني احيانا تصدف هو قضاء وقدر اكيد فهني احيانا تصدف ان هالشئ اللي انا انعجبت فيه انه يحوش ضرر. على سبيل المثال هذه السياره اللي انا عجبت فيها تحترق قدامي على طول فعشان كذي دائما نقول ان لا بد ان ذكر الله سبحانه وتعالى يكون بلساننا. شفنا شيء جميل لا اله الا الله تبارك الرحمن ما شاء الله ذكر الله سبحانه وتعالى بلساني هذا درع. ذكر الله سبحانه وتعالى درع لي ولهذا الشيء اللي انا انعجبت فيه خلوني اقول لكم على هذه القصه الجميله اللي حصلت في عهد النبي صلى الله عليه وسلم. النبي صلى الله عليه وسلم كان مسافر مع صحابته من المدينه الى مكه. فمن كثر ان ما كان الطريق جدا متعب طبعا ما كانوا عندهم سياير او شيء لا لا كانوا يسافرون على الاقدام وعلى الجمال وشمس وحر فتعبوا. فقالوا لا بد ان احنا خلاص نرتاح وفعلا ارتاحوا اللي خذاله تحت ظل شجره ونام واللي خذاله مكان وحط راسه ونام واللي ود الجمال لمكان في ماء يشربون منه. احد الصحابه اسمه سهل سهل راح شاف نفس مكان في ماي فقال ها خلوني اغتسل يبي يغسل جسمه شويه. وفعلا راح وكشف شيء من ثيابه وقام يغتسل منو شافه شافه صحابي ثاني اسمه عامر. فلما عامر شاف سهل قال يا سهل ما رايتك اليوم ولا جلد مخباه يعني ما شفت جلد مثل جلدك في يوم من الايام. كانه كانه يعني امراه غطت جسمها خوف من الشمس ما رايتك اليوم ولا جلده مخباه. على طول لما قال عامر هذه الجمله حق سهل شو اللي صار بس هل سهل على طول طاح من طوله طاح وسقط بالارض قدام الصحابه ويوا الصحابه شالوا سهل وراحوا وقالوا حق منه حق النبي صلى الله عليه وسلم. والنبي صلى الله عليه وسلم قال لهم انتوا تشكون بحد انتوا سمعتوا احد؟ قالوا له يا نبي الله سمعنا عامر يقول حق سهل ما رايتك اليوم ولا جلد مخباه. ذكر الله لا قال ما شاء الله لا قال تبارك الله لا قال لا حول ولا قوه الا بالله لا قال ما رايتك اليوم ولا جلده مخباه. انعجب بجسم سهل فعلى طول النبي صلى الله عليه وسلم راح للصحابه وهو غضبان وهذه المواقف من المواقف اللي النبي صلى الله عليه وسلم غضب فيها. فلما راح النبي صلى الله عليه وسلم الى الصحابه قال على ما يقتل احدكم اخاه اذا رايتم ما يعجبكم باخيكم فادعوا له بالبركه. ادعوا له ما شاء الله تبارك الرحمن عسى الله يبارك لك لا حول ولا قوه الا بالله تبارك الرحمن ما شاء الله لا تعطون النظره. احنا طبيعي بشر وايد شغلات تعجبنا في الحياه يعجبنا بيت يعجبنا جسم انسان يعجبنا وجه انسان يعجبنا طفل صغير تبارك الرحمن. ما شاء الله لا حول ولا قوه الا بالله نحصن انفسنا ونحصنه من هذا الاعجاب اللي انا طلع مني. فعلى طول النبي صلى الله عليه وسلم في موقف سهل وعامر طلب من عامر انه يغتسل وخذ غسل عامر وراح وصب على ظهر سهل واول ما صب النبي صلى الله عليه وسلم هذا الغسل على ظهر سهل على طول سهل قام ولا كانه في شيء. هذا يدل يا جماعه الخير ان العين حق انا ما اظن ان الصحابي عامر كان يقصد انه هو يعطي الصحابي سهل عين. لكنها كانت نظره اعجاب لشيء كان موجود وهو ما يملكه النبي صلى الله عليه وسلم يقول ان العين حق تدخل الرجل القبر والجمل القدر. زين الحين احنا شفنا موقف من حياه النبي صلى الله عليه وسلم وشلون الواحد ممكن تطلع نظره اعجاب لشخص اخر ويعطيه عين. الحين بنشوف موقف ثاني هذا الموقف صار في عهد الخلفاء مو الخلفاء الراشدين لا الخلفاء والملوك يعني. الخليفه الملك سليمان بن عبد الملك كان يعني انسان جدا جميل وسيم تبارك الرحمن الله سبحانه وتعالى حط فيه الجمال. وكان هذا الانسان صاحب جسم وقوام تبارك الرحمن وكان في صغر سنه هو الملك هو الخليفه. ففي يوم من الايام في القصر قاعد يتصنع يلبس ثياب جدا جميله قبل لا يطلع من القصر راح وشاف نفسه في المنظر المرايه. وقال حق نفسه هذه الكلمات اه يا سليمان اه يا سليمان من مثلك. شاب غني جميل وفوق هذا كله خليفه وملك من مثلك يا سليمان. قال ما شاء الله ما قال قال تبارك الله ما قال من بعد ما قال هذه الكلمات سليمان بن عبد الملك على طول حس بالمرض. كل يوم المرض يزيد كل يوم عن الثاني المرض اقوى واقوى ما عاد الشهر الا وسليمان بن عبد الملك الخليفه يودع الدنيا ويموت. قضاء وقدر اي نعم قضاء وقدر لكن الحراس كانوا يقولون من اول ما طلع من الغرفه اللي كان يمدح فيها نفسه وهو مو بوعيه وهو مو صاحي. مو صاحي القصد انه هو يحس بمرض الملك سليمان بن عبد الملك اصاب بنفسه عين والله اعلم انت ممكن تقول الحين هل فعلا ممكن اني انا اعطي نفسي عين؟ اي نعم. ما سمعت المثل اللي يقول لك ما ينظم المال الا لاصحابها طبعا يت فقره اني انا اشارككم بعض اراء الناس اللي قالوا عن الحسد والعين وكانت تبارك الرحمن الردود جدا جدا جدا جميله وفي قصص بالردود في قصص قصص ناس. هذا احد الاشخاص يقول حسب علمي ان العين اعجاب والضر بسبب الاعجاب والحسد حقد وتمني زوال النعمه من شخص الله يبعدهم عنك خصوصا بهالزمن مع قله ذكر الله حتى لو تكرم وتعطي ناس يحسدونك. احفظ الله يحفظك والحاسد اذا ما قدر لك النار اللي بداخله تاكله بدل ما تضرك هذا الشخص يقول الله در الحسد ما اعدله بدا بصاحبه فقتله. اللي يستهين فيها يندم واللي يوسوس فيها يتعب حافظوا على الاذكار ولا تصورون كل حياتكم للناس. هذا شيء جدا مهم للاسف الحين في عصر السوشيال ميديا صارت حياه الناس كلها بالتليفون. يا رجل تبي تعرف حياه انسان تشوفه بتليفونه تشوفه بالانستغرام تشوفه بسناب تشوفه بتويتر يكتب لك قصه حياته كامله ويصورها له ما عنده اي مشكله. هذا الشخص ممكن ليته صافيه وقلبه ابيض وصافي ويصور وعادي نيته انا ابي الناس تستمتع وتشوف اللي انا اشوفه شكرا على حسن نواياك. لكن للاسف نوايا الناس مو مثل نواياك الحسد والعين يوقف مستقبل ويهدم جسد وقد يتفن روح ويدرف دموع وانتم لا تعلمون فاذكروا الله على كل شيء. تخيل اقربك يحسدونك ويكرهونك يحقدون عليك وانت ما سويت شيء اخ والله شعور يوجع القلب اي نعم عظه اسد ولا نظره حسد. العين انا تعرضت لها ولازلت بشكل قوي خصوصا بكل سياره اشتريها لازم تخرب وتطفي بدون سبب والماكينه تخرب والتواير بدون مبالغه كل اسبوعين بنجر. وصارت لي هسالفه بكل سياره شريتها ولازلت متعقده من هذا الموضوع. هذا الشخص يقول حسبي الله ونعم الوكيل فيني عين من سنين واعراضها فيني وحاولت اتعالج باكثر من طريقه ولم تخرج من جسدي. بسببها تطلقت ثلاث مرات حسبي الله ونعم الوكيل فيك يا حاسدي ليل نهار اتالم بسبب الابتلاء اللي فيني. العين والحسد دخلتني مستشفى والدكاتره عجزوا وقالوا ما فيك شيء ودخلت ابوي للقبر ولكن بعدها عرف دواءها سوره البقره واذكار الصباح والمساء والتسبيح بلا اله الا الله وحده لا شريك له الملك وله الحمد وهو على كل شيء قدير والله خير الحافظين. العين ذبحتني لا لي ليل ولا نهاري نهار الله يكون بالعون الله يكون بالعون هذا يقول لي احدثك عن قصه حصلت لي انا شخصيا كنت في عمر 18 سنه. تقريبا وكان لدينا غنم اكرمك الله وكانت امي اطال الله في عمرها هي من تقوم بخدمتها ورعيها وذات يوم سقطت امي واصابها كسر في الرجل فكنت انا اصحى كل يوم واقوم بعمل امي. ذات يوم لاحظت قريب لي يناظرني ونظرته المتني وتشاءمت منه بنفس اليوم احسست بالم في عظامي وحمه وفي اليوم الثاني ساءت حالتي واخبرتها لي ان فلان راني وهو سببي بالفعل اخذنا من اثره والله ثم والله اني شفت العافيه من بعد اخذ الاثر ولله الحمد. فعلا العين حق اذا شخص شاف شيء يعجبه يذكر الله ما راح ينقص منك شيء. هذه الاخت تقول بنتي عمرها ست سنوات تعرضت العين واصيبت بالسكر والان على الابر لها كم شهر واللي يشوفها طويله اكبر من عمرها وغيره وغيره وغيره يعني اللي يشوفها يقول ما شاء الله ما يقوم ما شاء الله طويله اكبر من عمرها وغيره وغيره وغيره والحمد لله. لا بد يا جماعه الخير احنا في هذه الحياه طبعا خلصنا فقره التعليقات التعليقات جدا كثيره اذا بقراها كلها راح ناخذ يوم كامل. التعليقات كلها للاسف يعني مؤلمه اللي تعرض العين اللي عاش مرض اللي دفن اهله اللي بيتهم هدم بسبب هذه العين او الحسد. فيا جماعه الخير لا بد ان احنا نحصن انفسنا اي نعم العين والحسد موجودين في حياتنا لكن علينا التحصين علينا بالحيطه والحذر. وحق كل شخص حاسد وحق كل شخص يتمنى زوال النعمه من غيره ترى هذا الشيء ما راح يزيدك رفعه هذاك الشخص اللي نجح ما اخذ من نجاحك شيء. هذاك الشخص اللي اشترى سياره ما تسلف منك واشترى السياره هذاك الشخص اللي صار دكتور ما اخذ الشهاده والدكتوراه من بيتكم. لا بد ان احنا نفهم اني انا لا بد اني احب الخير للخير عشان اكون مؤمن بالله سبحانه وتعالى النبي صلى الله عليه وسلم يقول لا يومن احدكم حتى يحب لاخيه ما يحب لنفسه. تحب لاخيك الخير مو تحب انه هو يخسر نعم كثيره عشان انت ما جات لك هذه النعمه وانت تدري قاعد تعترض على منو لما انت تحسد فلان ولا فلانه وتعطيه عين. انت قاعد تعترض على امر الله الله سبحانه وتعالى هو اللي قدر هو اللي لطف هو اللي رزق هو اللي عطى فلان وفلان وفلان وفلان مو انت مو انت الحمد لله العطايا والرزق في يد الله سبحانه وتعالى مو بيد الناس. كان احنا الله بالخير وين بالخبر كان احنا الحين خالصين رايحين وليه يعجبك شيء؟ قول ما شاء الله تبارك الرحمن لا اله الا الله عسى الله يزيده ويبارك تبي تتمناه حق نفسك قول يا رب ترزقني مثل ما رزقته وعسى الله يبارك له. اذكر الله اذكر الله بعدين تمن النعمه او تمن النعمه بعدين كيفك بس لا بد ان ذكر الله سبحانه وتعالى يكون موجود بحياتك. شفت سياره ما شاء الله شفت فلوس لا اله الا الله شفت واحد كاشخ ما شاء الله تبارك الرحمن هذه الرساله طبعا كانت حق الحاسد. لكن الرساله الثانيه حقنا احنا حق الناس اللي يطون ان هي محسودين يا جماعه الخير انتوا لا تطلعون عاد كل الخير اللي عندكم والنعم وتتباهون فيها قدام الناس. ترى في ناس بابهم على الله في ناس ما عندهم خبزه تاكلها فشيء طبيعي لما يشوف الخير عندك وقاعد تباهى فيه شيء طبيعي بيطالعك بنظره او بحسدك ايش معنى انت عندك وانا ما عندي؟ وبيطالعك بنظره ممكن تطلع هذه العين وتصيبك ويصيبك الضرر وبعدين والله نقول والله عين والله حسد اي انت جبتها حق نفسك انت تسوي السوايات. واخره شيء تقول والله عين والله انا محسود لا انت مو محسود.
[14:26]انت تبهيت باللي عندك وخليت الناس تشوف اللي عندك خليتهم يتمنون الشيء اللي عندك طبعا كلنا نعرف اما بنعمه ربك فحدث حلو ان احنا نحدث الناس عن النعم اللي موجوده عندنا لكن نحتاط وكل شيء ينقال مو كل شيء يتصور مو كل شيء لازم اني انا اوريه الناس. اذا انا قلبي ابيض ونيتي صافيه ترى مو كل الناس مثل قلبك الابيض ونيتك الصافيه فدير بالك دير بالك حصن نفسك. الاذكار سوره البقره ايات الله سبحانه وتعالى الجميله الكثيره والله سبحانه وتعالى باذن الله يبعد عنا الحاسد والحاقد والعين فدير بالكم يا جماعه الخير والله سبحانه وتعالى باذن الله خير الحافظين. ادري الموضوع جدا طويل وبحر كبير لكن اتمنى اتمنى ناخذ منها الفائده والاستفاده وعسى الله سبحانه وتعالى دائما يستخدمنا لطاعته وخدمته كنت معكم اخوكم فهد البشاره نشوفكم على خير بمواضيع ثانيه مختلفه وجديده وباذن الله نشره فائده جديده في امان الله وحفظ الله ولا تنسون. لا تنسون ذكر الله سبحانه وتعالى دائما وابدا بحفظ الله ان شاء الله.
