(1) منهجي في تعليم التجويد للمبتدئين ((لخصته في ثلاث كلمات)) "المُقدِمة" الدرس الأول

[0:19]السلام عليكم ورحمه الله وبركاته يا اهل القران، اهلا ومرحبا بكم في صفحه حروف القران. جزاكم الله خيرا على قدومكم على طلب اشرف العلوم وهو علم التجويد، علم التجويد هو التحسين والاتقان، هو علم التنوير. فهو العلم الذي ننال به السعاده والحسنات والخيرات والرفعه في الدنيا والاخره، لانه يتعلق بكلام الله عز وجل. طبعا قبل ما نبدا في اي معلومه او نتكلم في الدرس لابد طبعا ان احنا ما يفوتناش ان احنا نتكلم في فضل القران. فضل القران يحتاج عمر كامل عشان نذكر فيه الفضل ولا يكفي ان شاء الله. لكن سبحان الله يكفي قول الرسول صلى الله عليه وسلم خيركم من تعلم القران وعلمه. اذا قرانا هذا الحديث او سمعناه بقلوبنا، سبحان الله يعني سنفهم ما معنى الخيريه في من تعلم القران وعلمه خيركم. هذا شرف كبير جدا، يعني لا يعادلها اي منصب على وجه الارض. فده يخلينا عندنا حرص شديد جدا ان احنا نكون نتعلم ونعلم. وسبق الذي يتعلم سبق المتعلم ليه؟ لان الذي يتعلم هو المفروض انه يعلم. فالذي يتعلم يصبح معلم بفضل الله عز وجل ثم بفضل القران. ننتقل الى مرحله التعليم، مرحله التعليم دي لو تخيلناها سبحان الله اتخيلها في اربع محاور. مهم جدا جدا على اي انسان يقبل على اي اي ماده علميه او اي شيء هيتعلمه لازم يعرف اربع حاجات مهمين جدا هياثروا معاه في مرحله التعليم. اول حاجه اول محور خالص اللي هو محور المعلم. المحور الثاني المتعلم. المحور اللي بعد كده الصح والمحور الرابع الخطا. طيب المعلم لازم يكون له دور ودور ثابت. والمتعلم لازم يكون له دور ودور ثابت. وانفعال المعلم والمتعلم بالنسبه للصح والغلط لازم يكون في انطباع صح عشان النتيجه التعليميه تطلع ممتازه. تمام كده؟ عندي المعلم لازم ايه يعمل ايه المعلم؟ اول حاجه يصبر. يصبر على تجميع الماده العلميه وباخلاص مع ربنا سبحانه وتعالى. لازم يكون عنده رحمه بالمتعلم لان المتعلم ده زي السائل، وطبعا شرف له ان هو يطلب القران، ده اكبر شرف له. يبقى المعلم لازم يصبر ويبقى عنده رحمه، وكلمه رحمه دي يعني لازم المعلم يحسها بصدق بينه وبين الله عز وجل. لازم يكون متقن، ولازم يحسن في المعلومه وهو بيديها، لازم يتفنن في توصيل المعلومه. مش ان انا ادي معلومه واتهم الطالب بالغباء يعني اعوذ بالله. الطالب ده يعني مش بيفهم، الطالب ده مخه واقف وهكذا بقى من ال يعني المصطلح المصطلحات اللي احنا بنسمعها من من بعض المعلمين او المعلمات. لا هو حضرتك لازم تستخدم اكثر من طريقه ما تستخدمش طريقه واحده ده بالنسبه للمعلم. بالنسبه للمتعلم، ايضا زي ما المعلم هيصبر برضه المتعلم يصبر، يصبر على التدريب واداء الواجب، ويصبر على طلب العلم، لان الصبر هنا صبر طاعه بيبقى بيصبر على طاعه. المتعلم لازم يخلص يشوف هو بيتعلم ليه يعني سبحان الله ان نيته في كده. لازم يجتهد ويواظب ويتدرب. وكمان اهم شيء بقى هيعمله عشان ربنا يبارك له في العلم اللي خده ويثبت معاه ان يعلم ايه اللي اتعلمه. طيب هتقولي لي لا ده لازم ياخد اجازه ولازم ياخد يعني شهاده مكتوبه ويا ولازم ياخد ويختم الحاجه الفلانيه. سبحانك ربي يعني انا دلوقتي لو اتعلمت مثلا ان المد في القران لما يجي وراه همزه امده اربع حركات. ده كده انا عايزه شهاده بالكلمه دي؟ لا انا لسه بتعلم فعلا لكن ا انا ما كملتش تعليم، طب لو اللي سالني سالني ا قال لي مثلا طيب لو جه مد بعده شده او بعده سكون اعمل ايه؟ اقول له لا لسه دي ما عرفتهاش. امال عرفت ايه؟ انا عرفت بس المد لما يجي وراه همزه هعمل ايه؟ خلاص يبقى انا هعلم في الحدود بس اللي انا اخذتها وفقط، واذا حد سالني مش هتفنن بقى انا مش هتفنن هقول له لحد هنا انا اخذت الله اعلم لسه لا اعلم شيء. تمام؟ كده هتثبت معايا هتثبت معايا المعلومه. كده ما شاء الله بننشر العلم على قد ما نقدر. وكمان اصبحت معلم يعني اصبحت يعني طالب متعلم ومعلم في نفس الوقت. بس ده ما يفتحش المجال لي ان انا اتفنن ان انا بقى اعيش دور المعلم فعلا بقى وايه واجاوب على اللي انا اعرفه واللي ما اعرفوش ده انا بحذر منه. انا بقول اهوت عشان ده كلام هبقى مسؤوله بيه قدام ربنا عز وجل. اللي هياخد معلومه من يعني من فم المعلم بالضبط زي ما اخذتها بالضبط لا يزيد ولا ينقص بالضبط يبدا يعلمها. تمام؟ طيب ايه علاقه الصح والغلط؟ الصح طبعا بنتعامل معاه معامله ايجابيه، بنرحب بيه ونستبشر بيه وهكذا وهكذا وهكذا. اما الخطا بقى للاسف الشديد احنا بنخاف منه، وبالنسبه لنا حاجه سلبيه، بنتعامل معاه معامله سلبيه. طيب امال هننتعامل مع الخطا ازاي؟ الخطا يا جماعه ما نخافش منه لان الخطا هو الاساس في النجاح هو سبب النجاح هو سبب التفوق. لولا الخطا سبحان الله ما اصبحت انا معلمه. في قصه ان شاء الله هحكيها ان شاء الله عشان تكون رساله لكل معلمه باذن الله عز وجل مع الطالبه بتاعتها. عندي الصح لولا الصح اا لولا الخطا مكان الصح يعني لو الخطا مش موجود اصلا ما كانش الصح هيكون اوجد. ف ما نخافش من الخطا بل بالعكس يعني اهم حاجه ان احنا يعني نستبشر ونحاول ثاني وثالث وما نياس باذن الله عز وجل. ننتقل الى النقطه اللي بعد كده وهي منهجي في التعليم. طبعا اا معذره الفيديو ده لازم نعرف فيه كل حاجه زي عقد كده زي عقد بيني كمعلمه وبينكم زي كمتعلمين. لازم تعرفوا كل حاجه المنهج اللي هتاخذوه ايه؟ اسلوبي ايه؟ اا يعني طريقتي ايه؟ منهجي ايه؟ بحيث ان احنا هنبدا صح. يعني ده لازم لازم تعرفوه. طيب بالنسبه لطريقه تعليمي، طريقه تعليمي بتتبني اول حاجه خالص عن طريق التخيل. طريقه تعليمي انا بحب اعلم الاول وليس القن. يعني في طريقه التعليم وطريقه التلقين. طريقه التلقين هي لها مميزاتها ولها عيوب. اما طريقه التعليم هي سبحان الله محتاجه صبر، طريقه التعليم ان انا نتفق نتفق انا والمتعلم على قاعده ونبدا ننفذها. نخلص القواعد ونبدا في مرحله التدريب ومن مرحله التدريب لمرحله التطبيق وبعد كده بنحفظ. ده بالنسبه لمنهجي. اما بالنسبه للتلقين انا بشوف فيه عيوب، العيوب ديت ان هو بيكون يعني عرضه للضياع العلم. لاني انا لما افضل القن اللي قدامي قول كده قل اعوذ برب الناس هو يقول قل اعوذ برب الناس. لا مش كده ان الناس لا مش كده لا مش كده لا مش كده، طبعا المتعلم مش فاهم هو غلط ليه؟ والمعلم مش قادر يفهمه ولا ده قادر يوصل لده ولا اسرار يعني لحد ما تيجي ممكن تيجي معاه بالبركه اقول له احسنت خلاص كده ما يعرفش اصلا هو احسن في ايه؟ ده بالنسبه للتلقين، فيه ايه العيب الثاني؟ ان انا ما اقدرش اعلم غيري في التلقين. لاني انا مش عارفه ايه القاعده اصلا اللي خلتني اقلت الطريقه دي في التجويد او ما قلتهاش. طبعا الخطا لما يكون الطالب او المتعلم عارفه او عارف السر ده او اللي هو يعني ايه السبب ان هو قال صح؟ بيقدر يقوله من اول القران لاخره. لان القران سبحان الله القواعد كلها متكرره ده بالنسبه للمنهج بتاعي. يبقى المنهج بتاعي انا تخيل ونتعلم القواعد وبعدين هناخد معاه اللي هو التدريب والتطبيق فهيصبح معانا العلم نقدر نعلمه لغيرنا ونبقى عارفين الصح من الغلط. افضل من ان انا ابتدي معاكم في سوره يلا ونفضل بقى بالثلاث سنين والاربع سنين على ما نخلص القران وفي الاخر برضه لو انا حد سالني في كلمه من كلمات القران مش هعرف اعلمها له ولا اي حاجه هو تعليم لنفسي وبس. طب التلقين كده يعني هيبق خلاص كده مش هنعلم بالتلقين؟ لا ابدا هو ممكن نعلم الاطفال الصغيرين. ممكن مثلا نعلم اللي هو يعني مايئوس خالص في التجويد او مش سبحان الله بيقدر يحفظ خالص التجويد وهكذا. طيب بالنسبه بقى للماده التجويد هناخدها ازاي مع بعض؟ ماده التجويد احنا هنعتبر نفسنا ان احنا رايحين مشوار. طبعا قلت لكم منهج هيبقى التخيل فنتخيل مع بعض. انا رايحه مشوار خلاص يبقى انا مثلا هاخد معايا زادي هاخد العربيه بتاعتي هاخد هاخد هاخد لحد الى اخره وهكون عارفه العنوان اللي انا رايحاه بالظبط. طيب ده مثال المثال الثاني ان انا مثلا لو انا عايزه اتعلم السواقه. السواقه محتاجه معلم محتاجه سياره محتاجه ان انا اكون فاهمه الرموز والاتجاهات والاشارات وهكذا. طب ده علاقته بالتجويد؟ علاقته بالتجويد ان انا من اول المصحف من اول الفاتحه حتى سوره الناس هو ده بالنسبه لي مشوار. لازم اخد فيه كل الادوات وكل الحاجات اللي هتساعدني ان انا اقرا صح واطلع الحرف صح واطلع الصوت صح ودي اشاره الرمز صح. ودي الحركه صح، تمام؟ فانا النهارده لخصت لكم التجويد في ثلاث كلمات. عايزين نتخيل مع بعض ونعيش المعلومه بقلوبنا مع الله عز وجل مش عايزين ناخذ المعلومات صلبه وده بقوله كتير جدا في فيديوهاتي. التجويد في ثلاث كلمات نعم في ثلاث كلمات. اول حاجه خالص الاصوات. ثاني حاجه الرموز ثالث حاجه التشكيل. اصوات يبقى انا بسمع صوت في القران. رموز يبقى انا بشوف رمز اشاره يعني تشكيل احنا كلنا عارفينه من ابتدائي. خلاص وهنكتشف ان في حاجات لسه مش هنعرفها الا النهارده او وقتها ان شاء الله ما ناخدها. الاصوات عندي ا لما انا اجي اسمع القران او اجي سبحان الله اقرا القران بيبقى في عندي اصوات انا طبعا لو مش عارفه لو مش عارفه تجويد او مش عارفه تجويد بقول انا مش يعني الاصوات انا بقولها مش ممكن تكون مش مضبوطه معايا. ولو انا مش متعلم اكيد مش هتبقى مظبوطه طبعا. زي اصوات مثلا المدود والغنه والحروف. لما انا اقرا كده مثلا في قولها عز وجل يا ايها الذين امنوا ولا الضالين. كل دي اسمها ايه؟ يا الض ده صوت مدود ده صوت مدود. مطلوب مني انا كطالب هتعلم ان انا اظبط صوت المد ده الحركه والصوت والزمن وطلعه بطريقه صحيحه. مش مش مماله ولا كذا ولا كذا، يبقى المطلوب مني في الحلقات ان انا هتعلم اصوات المدود صوت صح. طيب بالنسبه لصوت الغنن لو انا قلت مثلا في قولها عز وجل من الجنه والناس. دي صوت الغنه اهي من الجن ده صوت الغنن اهو ان ثم وهكذا بقى في جميع الغنن اللي في القران الكريم برضه لازم يكون لها ميزان ولازم يكون لها صوت يعني طالع الغنه بطريقه صح لازم يكون الزمن صح وهكذا. عندي صوت الحروف لما انا اقول مثلا في قولها عز وجل لم يكن الذين كفروا من اهل الكتاب لم يكن ساعد الحروف لم يكون الحروف دي سبحان الله لازم اكون عارفه المخرج كويس يا ترى بيطلع منين؟ لازم اكون عارفه صفه الحرف، لازم اكون عارفه الميزان بتاع الحرف نفسه. ليه عايزين ده نعرف الحاجات دي عشان نبقى مهره في قراءه القران الكريم. لو انا عرفت الاصوات دي يبقى كده ما شاء الله عرفت يعني جزء كبير جدا من القران. نيجي بعد كده للرموز الرموز عندي لازم لما اشوف القران في القران ميم ميم نسخ يا ترى الميم النسخ ايه؟ والميم الركع ايه؟ لما اشوف حرف الجيم لما اشوف صله لما اشوف قله لما اشوف عندي اللام اللي هي علامه لا. الست نقط اللي جنب بعض دول عباره عن ايه؟ عندي صفر مستطيل ومستدير، عندي صفر شبه المعين، صفر مسدود خالص اللي هو يعني لون اسود كده. عندي راس صاد سين وسين ثانيه عليها علامه السكون وعندي الف اللي هي الف صغننه كده بين يعني في وسط الكلمات. عندي ياء كده مقلوبه عليها علامه مد اللي هي علامه الموجه دي، في نون صغيره بتبقى على الحروف وهكذا. عندي دي ايه الرسمه دي لما تقابلني في القران؟ والرسمه دي ودي؟ عندي التشكيل ده اقوله ازاي صح؟ انا احنا خدنا في ابتدائي الفتحه والكسره والضمه بس طبعا ما خدناش يعني انشكله هو اسمه تشكيل ليه؟ لانه بتشكل بيه اللسان وعندي الشفتين وعندي الفكين. دول مسؤولين على تشكيل الحرف بالفتح والكسر والضم. عندي التنوين بنلاقي تنوين مساوي لبعضه وتنوينه سابقه تنوينه وعندي التنوين معاه قوس اللي هو الضم وضمين، كل ده ان شاء الله عز وجل هنعرفه من اول حلقه الى اخر حلقه باذن الله. وده معلش انا بعتذر لو طولت عليكم في الفيديو ده بس هو فيديو تعريفي لازم تعرفوا عني كل حاجه منهجي طريقتي الخريطه اللي هنمشي عليها مع بعض ده طبعا مهم جدا جدا. يتبقى ان انا اذكركم ان شاء الله عز وجل ان احنا هناخد في الفيديوهات القادمه اربع حاجات قبل قبل ما نبدا قصه حرف لان انا وعدتكم ان احنا هنعمل قصه حرف وده طبعا ان شاء الله باذن الله عز وجل لازم نعمله اللي هو الحرف صفته مخرجه القاعده بتاعته بس قبل ما ندخل على الحرف بال التعريفات دي او بالتعليم ده هو لازم قبلها اكون عارفه الفتحه ازاي والضمه ازاي والكسره ازاي يعني اكسره وافتحه واضمه ازاي؟ ولازم اكون عارفه علامات الوقف ولازم اكون عارفه الحرف ده مفخم ولا مرقق على الاقل ليه عشان نبقى يعني بنطلعه بطريقه صحيحه في التطبيق. وبكده يبقى انتهى الفيديو. اتمنى ان انتم يعني سبحان الله تدلوا الاخوات المبتدئات رجاء الله يجزيكم خير لان مهم جدا ان هم يتابعوني من اول حلقه ودل على الخير كفاعله. جزاكم الله خيرا ونفعنا واياكم يا رب العالمين سبحانك اللهم وبحمدك اشهد ان لا اله الا انت نستغفرك اللهم ونتوب اليك والسلام عليكم ورحمه الله وبركاته.