رحلة بولس الرسول التبشيرية الاولي . الحلقة الثالثة

[0:00]الحلقه الثالثه.

[0:04]اتحرك بولس وبرنابا ويوحنا من بافوس وراحوا لمدينه اسمها برجه.

[0:13]برجه، اول لما وصلوا ميناء برجه يوحنا سابهم ورجع لاورشليم فاتبقى بولس وبرنابا بس. ودي صوره لمستنقعات برجه في زماننا النهارده.

[0:27]اتحرك بولس وبرنابا من برجه وراحوا انطاكيه بيسيديه.

[0:33]انطاكيه بيسيديه. في انطاكيه بيسيديه طلب رؤساء المجمع انهم يوعظوا الشعب فقام بولس ووعظ الشعب وكلمهم عن ازاي المسيح جه من نسل داوود. وبعد كده ابتدى يكلمهم عن المسيح اللي اتصلب وقام من الاموات وانه هو الطريق الوحيد للخلاص. وبعد ما خرجوا من المجمع طلب الامم اللي هم مش من شعب اسرائيل انهم يوعظوهم السبت اللي جاي كمان. في السبت اللي بعده اتجمعت كل المدينه تقريبا علشان تسمع بولس فاول لما اليهود شافوا الجموع غاروا جدا وقاوموا كلام بولس. فبولس قال بما ان اليهود رفضوا كلمه ربنا فاحنا هنبشر الامم بالمسيح. لكن اليهود حركوا المدينه كلها ضد بولس وبرنابا وطردوهم بره المدينه.

[1:21]بولس وبرنابا سابوا انطاكيه بيسيديه وراحوا الى ايقونيه.

[1:29]في ايقونيه دخل بولس وبرنابا مجمع اليهود وبشروا الناس وامن بالرب يسوع ناس كتير من اليهود واليونانيين. لكن اليهود غير المؤمنين منعوا الامم انهم يؤمنوا وحرضوهم ضدهم. فقام اليهود والامم علشان يرجموهم بالحجاره لكن بولس وبرنابا هربوا.

[1:51]وهنعرف في الحلقه اللي جايه بولس وبرنابا هربوا وراحوا فين.