[0:03]Here's for you, ma.
[0:21]Maa ko sab pata hota hai. Hamare dil aur dimag ka naksha inke zehn mein chhupa hota hai. Shayad isi liye hamari khabar humse zyada inhe hoti hai. Haan, kabhi khitpit bhi hoti hai, daant bhi padti hai, kabhi khatta, meetha toh kabhi kadwa bhi bol deti hai. Fir gussa ho jao toh saamne laakar khane ki thali rakh deti hai.
[0:59]Inki daant mein bhi pyar chhupa hota hai. Maa ko sab pata hota hai. Maa hamare sachche dost ek nazar mein pehchan leti hai. Is matlabi duniya ko bahut acche se jaanti hai. Isi liye toh hadd se zyada khayal rakhti hai. Bukhhar hume hota hai, chinta inhe. Thand inhe zyada lagti hai, sweater hume toh pehnati hai. Maa aksar khud ka kaam bhool jaya karti hai. Par hamari khwahishe, woh inhe bina bataye yaad rehti hai.
[1:45]Hum chahe hasi ka nakaab gham par lagaye ya gham ka nakaab hasi par ya hazaar baar samjhaye. Maa, sacchi kuch nahi hua hai. Accha beta, fir munh kyu itna utra hua hai? Inhe kahi ankahi har baat ka andaaza hota hai. Maa ko sab pata hota hai. Maa ke pyar ki hadein nahi hoti hai. Apne baccho ke saamne inke liye koi mushkil badi nahi hoti hai. Jaan basti hai inki hummein aur hamari inmein. Isi liye subah subah uthkar aawaz deti hu, suraj aata hoga apne waqt par, main toh apna suraj maa ki surat mein hi dekh leti hu.
[2:43]Jab aas paas sirf andhere dikhai dete hai toh aankh mund, unki muskan yaad kar leti hu. Turant unki aawaz sun leti hu. Par kamaal ki baat yeh hai ki maa chahe kitni bhi door kyu na ho, phone par ek hello se bhi dil ka haal pehchan leti hai.
[3:09]Par apna gham, maa apna gham kabhi lafzon se bayan nahi karti. Aankhe padni padti hai unki. Khud chahe kitni bhi pareshan kyu na ho. Hamari ummeed ka pul kabhi joodna nahi bhoolti hai. Jaise maa pyar karti hai na, waisa koi nahi kar sakta. Warna phook marne se bhala kaun sa zakhm bharta hai?
[3:42]Inki baahon mein jannat aur baato mein khuda hota hai. Kyu ki maa ko sab pata hota hai. Thank you. Thank you. Thank you for hearing.
