[0:10]بسم الله الرحمن الرحيم أعزائي الطلاب اسمحوا لي النهارده ناخد مع بعض تاني محاضرة من محاضرات الإبثيليوم بعنوان Glandular & specialized epithelium. بمعنى الإبثيليوم اللي هو هيشتغل كإنه gland أو غدة بتفرز و specialized type اللي هو الإبثيليوم المتخصص. النهارده الأجندة بتاعتنا هتبقى عبارة عن إيه؟ هنعرف مع بعض أول حاجة التعريف بتاع Glandular epithelium. هناخد مع بعض التقسيمة بتاعت Glandular epithelium. ودول النقطتين دول هيبقوا عبارة عن أول جزء من المحاضرة بتاعتنا. أما تاني جزء هيحتوي على الـ Special types of epithelium. وهنختف بالوظايف بتاعة الإبثيليوم. وهنشوف مع بعض إزاي ربنا هيأهل هذه الأنواع عشان تقدر تقوم بالوظيفة بتاعتها. لما نقول مع بعض Glandular epithelium معناها إيه؟ أول ما تسمع Glandular epithelium تفتكر كلمة gland أو غدة. وأي غدة وظيفتها إنها تفرز. يبقى إذًا هذا النوع من الإبثيليوم وظيفته إنه هو يفرز لك إيه؟ يفرز لك سائل. طيب يا ترى Glandular epithelium ده طالع منين؟ إيه منشأه؟ بيقول لك والله منشأه من الـ covering epithelium. اللي هو خدناه في المحاضرة اللي فاتت، اللي هو عبارة عن الإبثيليوم المغطي، المبطن للأسطح بتاعت إيه؟ الأورجان والأعضاء بتاعتك.
[1:36]طب هو إزاي نشأ من الـ covering epithelium؟ بيقول لك إن الخلايا بتاعت الإبثيليوم المبطن بتيجي وتزيد في العدد. وبعدين تبتدي إن هي تهاجم الـ connective tissue أو النسيج الضام اللي هو بيبقى موجود تحت الإبثيليوم. فتعمل لك كده كورة من الخلايا. الخلايا دي بتتخصص في وظيفة إيه؟ secretion إنها تفرز. الخلايا دي بتتبع حاجة من حاجتين، يعني مسارين. أول واحد يا إمتى الخلايا دي بتفضل متصلة بالسطح بتاع الإبثيليوم عن طريق قناة أو duct. الخلايا دي بتيجي وتفرز السائل ده على هذه القناة ويطلع السائل ده على سطح الإبثيليوم. وفي هذه الحالة بنقول على الـ gland دي زي ما هناخد بعد شوية إنها Exocrine gland. وهنعرف كلمة exocrine يعني إيه؟ يعني إنها بتفرز الـ secretion بتاعها أو الإفراز بتاعها على قناة. أو الاحتمال التاني إن هذه الخلايا تفقد اتصالها بالإبثيليوم تماما وتقوم جاية محوطة بنفسها بمجموعة من الـ blood vessels أو الأوعية الدموية. وفي هذه الحالة أسمي هذه الخلايا أو هذه الـ gland Endocrine gland.
[3:05]وكلمة endocrine معناها إيه؟ إنها غدة صماء، يعني بتطلع الإفراز بتاعها على الـ blood vessels أو الأوعية الدموية. طب يا ترى إيه هي أنواع Glandular epithelium؟ والله أنا بقسمه لأنواع تبعًا لست معاير. إيه هم الست معاير دول؟ أول حاجة تبعًا لعدد الخلايا اللي بتكون لي هذه الـ gland. تاني حاجة تبعًا هل هذه الـ gland ليها قناة؟ ليها duct system ولا ما لهاش؟ تالت حاجة تبعًا للـ mode of secretion أو الـ mechanism of secretion يعني إيه؟ يعني الإفراز بيطلع من هذه الخلايا إزاي بأنهي طريقة؟ رابع حاجة تبعًا للـ nature of secretion يعني إيه؟ يعني طبيعة الإفراز ده عبارة عن إيه بالظبط؟ خامس حاجة تبعًا للشكل بتاع الـ secretory portion أو اللي بقول عليه وحدة الإفراز. وهنعرف بعد شوية يعني إيه المقصود بوحدة الإفراز. وسادس حاجة والله لو هذه الـ gland ليها قناة، هل يا ترى ليها gland واحدة ولا أكثر من قناة؟ هل ليها وحدة إفراز واحدة ولا أكثر من وحدة إفراز؟ اللي بنسميه الـ branching أو التفرع بتاع القنوات ووحدة الإفراز. و خلينا نبتدي مع بعض بأول معيار تبعًا لعدد الخلايا اللي بتكون لي هذه الـ gland. خليني أقول لك إن أنا تبعًا لعدد الخلايا أنا عندي في نوعين من الـ gland. أول نوع اللي بقول عليه Unicellular gland. وكلمة uni يعني إيه؟ واحد.
[4:46]يعني gland بتتكون من خلية واحدة فقط بتوحد ربنا. المثال الوحيد والحصري الذي لن تجده في جسمك إلا في الـ goblet cells أو اللي بقول عليها الخلية الكأسية. وهي ليه اتسمت بالخلية الكأسية؟ لأن هي شبه الكاس. Goblet يعني كاس. شبه الكاس إزاي؟ يعني الجزء اللي تحت منها بيبقى ضيق، والجزء اللي فوق كده بيبقى منفوخ، بص كده بالظبط شبه إيه؟ أو شكل إيه؟ شكل الكاس كده اللي بيبقى منفوخ بالإيه؟ بال أو جواه بيبقى فيه إيه؟ بيبقى فيه التلج. فشكلها بالظبط واخد شكل الكاس. الجزء اللي فوق بتاعها المنفوخ ده إيه اللي نفخه؟ نتيجه إنه هو بيبقى فيه الحبيبات اللي هو بتحتوي على الـ secretion أو الإفراز بتاعها. الإفراز بتاعها اللي هو عبارة عن إيه؟ عبارة عن مخاط، مخاط، mucus. فإذًا هذا النوع أو هذه الـ goblet cell بتبقى موجودة فين؟ بتبقى موجودة بكثرة في الـ intestine، في الأمعاء، خاصة الـ small والـ large intestine اللي هي الأمعاء الدقيقة والأمعاء الغليظة. وليه موجودة في هذه الأماكن؟ علشان المخاط بتاعها اللي بتفرزه بيجي ويقعد على الجدار بتاع الـ small والـ large intestine عشان يحميها من الاحتكاك، الاحتكاك بإيه بالظبط؟ يعني في الـ small intestine يحميها بالاحتكاك بالإيه؟ بجزيئات الأكل اللي هي راحت على الأمعاء الدقيقة عشان يكمل فيها عملية الـ digestion أو الهضم ويحدث فيها عملية الامتصاص. وفي الأمعاء الغليظة علشان إيه؟ علشان يحميها من الاحتكاك بالـ stool أو البراز. فهي عشان كده الـ goblet cell بتبقى موجودة بكمية كبيرة جدًا أكثر من في الـ large intestine عن الـ small intestine. طب يا ترى الـ goblet cell موجودة فين كمان؟ فاكرين يا شباب؟ فاكرين النشيد القومي للـ respiratory system. الـ pseudostratified ciliated columnar with goblet cell. وقلت لكم وقتها إن الـ goblet cell دي بتيجي تفرز مخاط يقعد على سطح الإبثيليوم. فايدة المخاط ده إن هو بيعمل إيه؟ فائدته إن لما حضرتك تيجي تتنفس هوا، داخل في ميكروبات أو أتربة، تيجي الأتربة دي أو هذه الجزيئات تلزق في المخاط، فتخلي الـ cilia أو الأهداب اللي موجودة على سطح الإبثيليوم تتحرك، فتطرد لك هذا المخاط بالجزيئات اللي فيه بره الجهاز التنفسي بتاعك على شكل sputum أو بصاق أو اللي بالعامية بنقول عليه بلغم، واللي حضرتك يا إمتى بتفوه يا إمتى بتبلعه وينزل في الـ stool أو في البراز. طب تيجي السؤال اللي هتسأله لي، طب ليه يا دكتورة إيمان هم اعتبروا الـ goblet cell إنها gland؟ إنها غدة؟ خليني أقول لك لأن الـ goblet cell دي بتبقى خلية متنطورة ما بين خلايا إبثيليوم تانية مختلفة عنها. فاعتبروها إنها قائمة بذاتها إنها gland، يعني ما بيبقوش كده متجمعين كلهم جنب بعض كده كلهم نفس النوع عبارة عن goblet cell، بيبقوا متنطورين كده زي ما أنت شايف وسط خلايا تانية مختلفة عنها في الوظيفة. فعشان كده اعتبروها هي لوحدها كأنها gland قائمة بذاتها. تاني نوع من الـ gland تبعًا لعدد الخلايا هقول إن هي عكس الـ uni هتبقى إيه؟ الـ Multicellular gland. يعني إيه multicellular؟ يعني متعدد. يعني إيه متعدد؟ يعني هذه الـ gland بتتكون من مجموعة من الإيه؟ من الخلايا. ودي بتمثل معظم الـ gland اللي هي بتبقى موجودة في جسمك. زي إيه مثلًا؟ زي البنكرياس، زي الـ salivary gland اللي هي الغدد اللعابية، زي الـ sweat gland الغدد العرقية وهكذا. نروح على تاني معيار اللي هو تبعًا لوجود أو عدم وجود قناة.
[8:56]فإذًا أول نوع عندي هلاقيه اللي هو عبارة عن إيه؟ اللي هو بقول عليه Exocrine gland. وكلمة exocrine يعني إيه؟ Exocrine يعني على بره على الخارج. Cryne يعني secretion أو إيه؟ أو إفراز. فإذًا هفهم من الكلام ده إيه؟ هفهم إن الـ secretion أو الإفراز ده بيروح على إيه؟ على duct system أو قنوات. المثال الشهير لهذه الغدد اللي هي عبارة عن الـ salivary gland أو الغدد اللعابية.
[9:32]بتفتح على تجويف موجود مثلًا في الفم بتاعك زي الغدد اللعابية. بتفتح على خارج الجسم خالص زي مثلًا الغدد العرقية. فهو ده المقصود بكلمة exocrine يعني الـ secretion بتاعها طالع على بره، على الخارج، بره الإيه؟ بره الجسم خالص أو على إيه؟ على تجويف. طيب تاني نوع عندنا اللي أنا بقول عليه إيه؟ اللي أنا بقول عليه الـ Endocrine gland أو اللي بنسميه الـ ductless gland. كلمة endocrine بالعربي اللي هي الغدد الصماء. ولما نيجي نترجم كلمة endo و cryne معناها إيه؟ Endo يعني على جوه و cryne يعني إيه؟ يعني secretion. يعني secretion طالع على جوه، على جوه إيه بالظبط؟ على جوه وعاء دموي. وكلمة ductless يعني إيه؟ Less لما تلزق في كلمة تنفيها، يعني ما لهاش قناة. عارفين كده زي ما قلنا الـ A لما تلزق في كلمة فيها زي avascular معناها إنه هو ما لوش blood vessels أو ما لوش أوعية دموية فـ ductless معناها إيه؟ إنها ما لهاش إيه؟ ما لهاش قناة. فإذًا أمثلة الشهيرة للغدد الصماء اللي هي بتطلع الـ secretion بتاعها على الـ blood vessels زي إيه مثلًا؟ زي الـ suprarenal gland اللي هي بقول عليها الغدة الفوق كلوية أو الغدة الكظرية اللي بتفرز لك هرمونات زي مثلًا إيه؟ زي هرمون اسمه الألدوستيرون، زي هرمون الكورتيزون، أكيد كلنا عارفينه. زي مثلًا الـ thyroid gland اللي هي الغدة الدرقية اللي بتفرز لك إيه؟ هرمونات الغدة الدرقية. زي مثلًا الـ pituitary gland اللي هي الغدة النخامية اللي هي بتفرز لك هرمونات كتيرة جدًا بتنظم لك كل الهرمونات بتاعت إيه؟ بتاعت جسمك. حتى بيسموها الـ maestro بتاعت الجسم بتاعك. زي مثلًا برضه حد يقول لي مثال تاني للغدد الصماء؟ برافو عليكم في gland برضه مهمة جدًا يا شباب اسمها الـ pineal gland أو الغدة الصنوبرية اللي هي بتفرز لي هرمون اللي هو الميلاتونين الميلاتونين وده إن شاء الله بإذن الله هتاخدوه في الفسيولوجي. تالت مثال عندنا اللي بقول عليه الـ mixocrine gland من اسمها mixo يعني إيه؟ يعني مخلط. يعني إيه مخلط؟ يعني gland في جزء منها بيبقى exocrine بيطلع الإفراز بتاعها على قناة وجزء تاني بيبقى endocrine يعني بيطلع الإفراز على blood vessels. زي إيه مثلًا؟ زي البنكرياس. البنكرياس في بيبقى جزء منه بيفرز اللي هو الـ digestive enzyme أو اللي هو العصارة الهاضمة بتاعت البنكرياس أو الإنزيمات الهاضمة بتاعت البنكرياس. الإنزيمات الهاضمة دي بتطلع من خلال القناة بتاعت البنكرياس وبتروح على التجويف بتاع الـ small intestine أو الأمعاء الدقيقة عشان تشارك في عملية الهضم. كمان الـ endocrine بيحتوي على جزء اللي بقول عليه الـ Islets of Langerhans أو غدد Langerhans أنا آسفة أو جزر Langerhans اللي هي إيه؟ اللي هي بتيجي وبتفرز هرمونات بتروح على الـ blood vessels. فبيعتبر هذا الجزء إن هو إيه؟ إن هو endocrine part. أكيد كلنا سمعنا عن جزر Langerhans اللي هي فيها الخلايا اللي بتفرز لي هرمونات أشهرها الإنسولين. وطبعًا جزر Langerhans اتسمت على اسم الإيه؟ العالم اللي جنسيته إيه؟ Langerhans ده ألماني. ألمانيا أم الدنيا، 80% من العلماء بيبقى جنسيتهم إيه يا شباب؟ جنسيتهم ألمان. يبقى إذًا زي ما قلنا mixocrine معناها إن هو له جزء exocrine بيطلع الإفراز على قنوات وجزء endocrine اللي هو بيطلع على blood vessels. في مثال تاني غير البرضه يعني غير الموجود قدامنا؟ اه الـ organ الرشق في كل مصلحة الـ liver. الـ liver برضه يا شباب في جزء منه exocrine اللي هو عبارة عن إيه؟ إن الـ liver ده هو اللي بيفرز لك العصارة الصفراوية الـ bile اللي بتطلع من خلال قنوات بتروح برضه على الـ small intestine أو الأمعاء الدقيقة عشان بتشارك في عملية هضم الدهون. نفس الكلام الـ liver برضه بيفرز لك كمية كبيرة من البروتينات زي الـ plasma protein وبيفرز لك مجموعة من الهرمونات هتاخدوها برضه في الفسيولوجي بتروح على الـ blood. فبرضه بيعتبر الـ liver إن هو إيه؟ إن هو mixocrine gland. تالت معيار عندنا تبعًا للـ mode of secretion أو الـ secretory mechanism. الـ secretion بيطلع من الـ gland إزاي؟ أول طريقة اللي بقول عليها الـ Merocrine gland. وحوش هقول لكم دلوقتي merocrine وبعدين هقول لكم معناها إيه؟ احنا قلنا إن إن أنا الخلية اللي بتيجي بتفرز بروتين البروتين ده بعد ما بيتصنع في الـ rough يروح على الـ Golgi apparatus عشان يعبيه في حويصلات. الحويصلات دي تيجي تتجه ناحية غشاء الخلية تندمج معاها وتفرز المحتوى بتاعها على بره بالطريقة اللي قلنا عليها أو سميناها الإيه؟ الـ Exocytosis. واسألك هل في هذه الطريقة حصل فقد لأي جزء في الخلية؟ لأ. هو ده المقصود بـ merocrine secretion. Merocrine secretion معناها إن الـ granules أو الـ secretion ده اللي اتعبى في الـ granules جاء وفضل المحتوى بتاعه بره الخلية بطريقة الـ exocytosis من غير الخلية ما تفقد أي جزء منها. أشهر مثالين عندي اللي هم عبارة عن إيه؟ عبارة عن البنكرياس أثناء ما بيجي بيفرز الـ digestive enzyme أو الإنزيمات الهاضمة بتاعته.
[15:20]لإنها عبارة عن بروتينات بتخرج بالـ exocytosis. والـ salivary gland. الـ salivary gland إزاي؟ لأن يا شباب الـ salivary gland دي بتفرز إنزيم اسمه أماليز إنزيم، والأماليز إنزيم ده اللي هو بيشارك في هضم الـ carbohydrate أو النشويات. فالأماليز إنزيم ده عبارة عن بروتين. بيتعبي في secretory granule وبيطلع بالـ exocytosis بالطريقة اللي هي عبارة عن الـ merocrine gland. تاني طريقة لطلوع الـ secretion عندي اللي بقول عليها الـ apocrine mode. يعني إيه apocrine mode؟ كلمة apo معناها apical يعني الجزء إيه؟ العلوي القمة بتاعت الخلية. Cryne يعني إيه؟ secretion. اه يعني إيه المقصود بها؟ المقصود بها إن الـ secretion لما بيجي بيطلع بره الخلية بياخد معاه الجزء العلوي من إيه؟ من السيتوبلازم بتاع الخلية، يعني الجزء العلوي كده من الخلية السيتوبلازم من غشاء الخلية بينفصل عن الخلية. المثال الوحيد حصريًا حصريًا exclusive لن تجده إلا في الـ mammary gland. إيه الـ mammary gland دي؟ عبارة عن الغدة بتاعت الثدي. بس طبعًا في حالة لما نيجي نتكلم عن female وليس الـ male. فبالتالي الراجل ما عندهوش الـ apocrine mode. ليه؟ لأن الراجل ما بيفرزش اللبن. الست هي اللي بتفرز اللبن. فبالتالي هذه الطريقة بتحدث أثناء إفراز الـ milk أو اللبن. إزاي الكلام ده؟ خليني أقول لك إن الـ milk ده عبارة عن مكونين: جزء منه بروتين وجزء منه دهون. البروتين بعد ما بيجي بيتكون جوه الخلية بيجي و بيتعبي في حويصلات وبيجي الحويصلة دي تندمج مع غشاء الخلية وتخرج عادي خالص خالص بالـ exocytosis بالـ merocrine method اللي احنا قلناها. الله! أمال الـ apocrine ده خاص بمين؟ لا ده خاص بالدهون اللي موجودة في الخلية. الدهون اللي هي هتكون لك الإيه؟ الـ milk. الدهون دي يا شباب مشكلتها إيه؟ مشكلتها زي ما خدنا إنها non-membranous. ما لهاش غشاء. ما لهاش غشاء يجي يندمج مع غشاء الخلية. فهذا الدهون عايز يطلع من الخلية، يعمل إيه؟ يزق الخلية من كل ناحية، من هنا ومن هنا ومن هنا ومن هنا ومن هنا. فأثناء ما هو عمال يزق الخلية، يحصل إيه للخلية؟ تنفجر كلها، كلها تنفجر.
[18:04]فعشان كده ده اللي بقول عليه الـ holocrine method. ده يا شباب بعكس الـ apocrine. يعني الـ apocrine الجزء العلوي فقط هو اللي إيه؟ اللي تم فقده. ليه؟ لأن الدهون بتبقى متجمعة فقط في الجزء العلوي. فلما هتيجي تزق هتزق لك فقط إيه؟ أو هتاخد لك فقط إيه؟ الجزء العلوي.
[19:37]لكن هنا أنا عندي الدهون متواجدة في كل ناحية من الخلية. فلما تزق هنا وهنا وهنا وهنا يبقى إيه؟ هتدمر لك الخلية كلها. وتيجي تقول لي يعني معنى كده يا دكتورة إيمان إن الخلية دي لما اتدمرت كده خلاص يعني الـ gland دي فقدت الخلايا بتاعتها شوية بشوية؟ لا عايزه أقول لك إن في خلايا جذعية زي ما هناخد بعد كده بتبقى موجودة في هذه الـ gland بتنقسم وبتعوض أو بتجدد الخلايا اللي تم إيه؟ فقدها. هشبه لك كده التلت طرق من طلوع الـ secretion بإيه؟ لو أنت كده رحت عند حد ضيف، خلاص؟ أخدت قعدتك وشربت شاييك وأخدت بعضك ومشيت، هل أنت عملت أي حاجة في البيت؟ لا ما عملتش أي حاجة. ده اللي هو عبارة عن الـ merocrine method. لكن افرض بعد ما قعدت واتضفت وأنت طالع أخدت لك ضرفة الباب. يبقى أنت كده عملت إيه؟ apocrine method. طب افرض أنت قعدت واتضفت وقبل ما تمشي قمت جيت ضربت إيه؟ قنبلة في هذه الشقة، يبقى ده عبارة عن إيه؟ الـ holocrine method. اتفقنا يا شباب؟ ده كده animation بسيط موضح لك الثلاث أنواع من الـ mode of secretion. طبعًا هذا النوع اللي هو في الـ secretion بيتعبي في حويصلة، الحويصلة دي تيجي يندمج غشائها مع غشاء الخلية وتطلع المحتوى، يبقى ده الـ merocrine اللي ما حصلش أي فقد من إيه؟ في أي جزء من الخلية. لكن في هذا الجزء أنا عندي في secretion، الـ secretion ده ماله؟ كبير في الحجم، جه زق زق زق زق الخلية لحد ما أخذ لي الجزء العلوي بتاعها بالغشاء يبقى ده الـ apocrine. لكن هنا الـ secretion وهو طالع دمر لي الخلية تمامًا يبقى ده عبارة عن الـ holocrine.
[22:11]نروح على رابع معيار بتاعنا تبعًا لطبيعة الـ secretion. الـ secretion ده أو الإفراز ده عبارة عن إيه بالظبط؟ والله الإفراز ده ممكن يكون serous. Serous يعني إيه؟ يعني عامل زي الماية. ممكن يكون mucus. Mucus يعني إيه؟ يعني عامل زي المخاط. ممكن يكون مخلط. مخلط يعني إيه؟ mixed يعني mucus مخاط ومعاه إيه؟ serous يعني زي الماية. طيب هنحفظ الأمثلة بتاعتهم إزاي بالظبط؟ خلي بالكم احنا خدنا مثال في أول المحاضرة لـ gland بتفرز مخاط. اللي هي مين؟ الـ goblet cell. برافو عليكم. قلنا إنها بتفرز مخاط. لكن أنا دلوقتي عايزة أحفظ أمثلة تانية لـ serous ولـ gland برضه بتفرز mucus تانية غير الـ goblet ولـ gland مخلطة. هحفظهم إزاي؟ خليك معايا. أمثلة للتلاتة دول اللي هي عبارة عن الـ salivary gland أو الغدد اللعابية. وخليني أقول لك إن الغدد اللعابية عبارة عن تلات غدد. أول واحدة اللي بقول عليها الـ parotid gland أو الغدة النكفية اللي بتبقى موجودة قدام الودن. تاني gland بقول عليها الـ submandibular gland الغدة اللي بتبقى موجودة ورا الفك شوية وتحته كده. والتالتة اللي بقول عليها الـ sublingual gland اللي بتبقى موجودة من اسمها تحت اللسان.
[23:45]وخليني أسألك وأقول لك هو الـ saliva أو اللعاب بتاعتك دي هل هو عامل زي الماية؟ ولا هل هو ممخط؟ ولا هل هو مخلط؟ مايه على مخاط؟ هتقول لي لا أكيد بيبقى بيبقى مخلط، مايه على مخاط. صح ولا غلط؟ بدليل كده إن أنت ممكن تعمل بالونة بالـ بالـ saliva بتاعتك، صح ولا غلط؟ معناها إنها إيه؟ إنها مايه وإيه؟ وممخط وممخطه. بس أسألك سؤال هي مايه ممخطه، بس مين الأكتر؟ المايه ولا المخاط؟ الـ serous ولا الـ mucus؟ لا أكيد الـ serous أكتر. تخيل كده لو الـ mucus أكتر هتبقى حاجة يع صح ولا غلط؟ يبقى هي عبارة عن mainly serous لكن فيها شوية إيه؟ شوية mucus. طب يبقى إذًا مين الـ gland اللي هتبقى مخلطة؟ اللي هتفرز لك الاتنين؟ أكيد الـ submandibular لإن هي دي أكتر واحدة بتشارك في تكوين الـ saliva. طيب ومين اللي هتفرز المخاط؟ أكيد الـ sublingual بما إنها أقل واحدة بتفرز. طب مين رمانة الميزان؟ اللي هتعدل الميزان وتخلي لك الـ serous هو الغالب أكتر؟ أكيد الـ parotid اللي هتفرز الإيه؟ الـ serous secretion أو الـ watery secretion. كده قسمنا الـ salivary gland على التلات أنواع من الـ secretion. لكن أنا في عندي نوع رابع اللي هي gland with special secretion. يعني إيه special secretion يا شباب؟ يعني secretion لا هو مايه ولا مخاط ولا مخلط، حاجة تانية خالص. زي إيه مثلًا؟ زي gland بنقول عليها الـ ceruminous gland. عارفين الـ ceruminous gland دي عبارة عن إيه؟ الـ gland اللي بتبقى موجودة في ودنك اللي هي بتفرز لك الشمع. خلي بالك الشمع ده يعني مش هو ما لوش لازمة لا الشمع ده مهم جدًا ده antibacterial يعني ضد البكتيريا. فالشمع ده بتبقى مادة إيه؟ شمعية، اللي هي مايه ولا مخاط. زي برضه الـ gland اللي خدناها من شوية اللي هي عبارة عن مين يا شباب؟ الـ sebaceous gland أو الغدة الدهنية. واللي قلت لك إن هي بتفرز لك مادة زي إيه؟ زي كده الدهون اللي قلت لك بنسميها الـ sebum واللي هي بتيجي وإيه؟ وبتفرز هذا الـ secretion على الـ hair follicle على البصيلة بتاعت الشعر بتاعتك عشان تعمل لك إيه؟ lubrication. عارفين كده يا شباب؟ أما تيجي فترة الامتحانات وخاصة البنات بقى لما نقعد فترة كبيرة كده ما نغسلش شعرنا بما إننا مش لاحقين بقى من كثر المذاكرة أيام الثانوية العامة أو أيام البكالوريوس بتاعت الطب والجراحة يعني. فتلاقي بقى إن الشعر بتاعك دهنن دهنن. عارف كده تحط كأنك دهنه بزيت؟ عارف دهن ليه؟ نتيجه إفراز بتاع إيه؟ بتاع الـ sebaceous gland. اتفقنا يا شباب؟ خامس معيار عندنا تبعًا للشكل بتاع وحدة الإفراز. وحدة الإفراز اللي بتفرز دي شكلها إيه بالظبط؟ المقصود يا شباب بوحدة الإفراز يعني إيه؟ يعني مجموعة من الخلايا قاعدة على basement membrane على غشاء قاعدي ومحوطة تجويف. هذه هذه الخلايا وظيفتها إنها تفرز. تفرز الإفراز يروح على فين؟ على هذا التجويف اللي منه هيروح بعد كده على القناة. فده اللي بسميه وحدة الإفراز. خلاص؟ طيب وحدة الإفراز دي ممكن يكون شكلها إيه؟ ممكن تكون شبه الأنبوبة فأقول عليها tubular. Tubular جاية من tubule اللي هو تصغير tube، تصغير tube، تصغير أنبوبة tubule ماشي؟ خلي بالكم احنا دايمًا في اللاتيني لما نحب نصغر نحط حرف الـ L. يعني tube tubule، duct ductule. في إيه تاني؟ حد يفكرني. Nucleus nucleolus. organ organelle. بنحب جدًا حرف الـ L في كل التصغير يعني ماشي؟ يبقى إذًا أول احتمال إنها تبقى إيه؟ شبه الأنبوبة. تاني احتمال عندنا إنها تبقى إيه؟ إنها تبقى alveolar. كلمة alveolar يعني إيه؟ يعني شبه الحويصلة الهوائية. أو بمعنى آخر إنها تبقى إيه؟ مدورة كده شبه الحويصلة الهوائية. وساعات بنسمي الـ alveolar acinar. وكلمة acinar جاية من acinus وما معنى acinus؟ Acinus كلمة لاتيني معناها عنب. عنب. لإنها مدورة شبه إيه؟ شبه العنب. العنب ده يا شباب مش لما تيجي تضغط عليه يطلع لك secretion؟ فهي بتبقى شبه إيه؟ شبه العنب.
[28:19]خلي بالك المنظر ده كده بيبقى المنظر اللي هو بقول عليه 2D يعني إيه؟ منظر ثنائي الأبعاد. لكن هي في جسمك يا شباب بتبقى إيه؟ بتبقى مدورة كده بالظبط شبه العنب ولما أجي أقطعها ألاقيها بتتكون من إيه؟ مجموعة من الخلايا قاعدة على base lamina محوطة تجويف. الخلايا دي بتفرز الإفراز بتاعها على التجويف اللي هو بيروح بعد كده على الـ duct system. فهي دي اللي بقول عليها الـ acinus أو اللي بقول عليها الـ secretory إيه؟ portion.
[28:46]ماشي يا شباب؟ النوع التالت اللي بقول عليه إيه؟ الـ tubuloalveolar. يعني إيه tubuloalveolar أو ساعات بنقول عليه tubuloacinar؟ إن الـ secretory portion أو وحدة الإفراز بتاعتي في منها مدور شبه العنب أو شبه الحويصلة الهوائية وفي منها tubule شبه الأنابيب. اتفقنا يا شباب؟ وأخر معيار عندنا يتبع فقط في حالة الـ exocrine gland، الـ gland الإيه؟ اللي ليها قناة. هل عندي قناة واحدة ولا أكثر من قناة؟ بمعنى هل القنوات متفرعة ولا لأ؟ هل عندي أكثر من secretory portion أو وحدة إفراز ولا لأ؟ فإذًا أول تقسيمة عندي اللي بقول عليها الـ simple gland. وكلمة simple يعني gland بسيطة، يعني إيه؟ يعني الـ gland دي ليها فقط واحدة duct، قناة واحدة مش متفرعة، مش متفرعة. ومش كده وبس، كمان ليها وحدة إفراز واحدة. ممكن تكون مطولة كده شبه الأنبوبة وممكن تكون إيه؟ مدورة شبه الإيه؟ الحويصلة الهوائية. تاني نوع عندي اللي بقول عليه الـ simple branched gland. يعني إيه simple branched gland؟ يعني simple ليها duct واحدة. الله! أمال مين الـ branched؟ لا الـ branched أو المتفرعة عبارة عن الـ secretory portion. بمعنى إن الـ simple branched معناها إن ليها قناة واحدة لكن ليها إيه؟ ليها أكثر من secretory portion، أكثر من وحدة إفراز. يبقى خلي بالكم يا شباب، كلمة simple في حد ذاتها معناها إيه؟ معناها إن أنا عندي duct واحدة مش متفرعة. اتحط جنب كلمة simple branched يبقى مين الـ branched؟ الـ secretory portion هي اللي branched هي اللي أكثر من إيه؟ أكثر من واحدة. وتالت مثال عندي اللي هو عبارة عن الـ compound gland. الـ gland الإيه؟ المركبة. مركبة يعني إيه؟ يعني ليها أكثر من قناة. يعني قنوات كده متفرعة بهذا المنظر وأكثر من وحدة إفراز.
