[0:06]ولك شو بتعمل بهذا الجو؟ انس اتركني بحالي عم اشتغل على مبدا الكهرباء الساكنة وعلاقتها بالبرق. شو دخل الكهرباء الساكنة وعلاقتها في البرق؟ شوف عندك عنا غيمة هون وعندنا غيمة لما بيقرب القطب الموجب لهالغيمة على القطب السالب لهالغيمة بيصير في عنا برق فهمت؟ ما فهمت.
[0:28]هلا فهمت؟
[0:40]الكهرباء الساكنة هي تجمع الشحنات الكهربائية على الأجسام وتنشأ نتيجة زيادة أو نقص في الإلكترونات.
[0:55]معقول؟ ليش الورق لزق بالمسطرة؟ بيحتوي كل جسم على عدد مساوي من الشحنات السالبة والشحنات الموجبة. لما بنحك المسطرة بالشعر، بعض الشحنات السالبة بتنتقل من الشعر للمسطرة. عدد الشحنات السالبة على المسطرة بيصير أكبر من عدد الشحنات الموجبة. وهالشحنات السالبة بتجذب الشحنات الموجبة الموجودة على قصاصات الورق. وهي هي الكهرباء الساكنة.
[1:28]بالون، سكر، معلقة، صحن.
[1:40]خليني اشحن هالبالون بشحنات سالبة.
[1:53]ليش طار السكر؟ لما فركت البالون بشعري انتقلت شحنات سالبة من شعري لسطح البالون، لما قربنا البالون من جزيئات السكر القطب الموجب انجذب فورا لسطح البالون المشحون بشحنات سالبة.
[2:16]بنستنتج أنه قوة الجذب يلي ولدت الكهرباء الساكنة على البالون أكبر من قوة الجاذبية الأرضية للسكر.
[2:24]خليني اشحن هالبالون بشحنات سالبة بس هالمرة بشعر أنس.
[2:39]لما فركت البالون بشعر أنس، انتقلت شحنات سالبة من شعراته للبالون. هالشحنات السالبة على سطح البالون جذبت الشحنات الموجبة الموجودة على سطح العلبة فحركتها.
[2:56]هالمرة رح نكرر التجربة بشكل مختلف، بالون، قنينة مي مثقوبة، و وعاء، ونبلش.
[3:17]شو يلي صار؟ عرفنا أنو حك البالون بالشعر بينقل شحنات سالبة من الشعر للبالون، وهالشحنات بتصطف على سطح البالون مثل ما حكينا. أما جزيء المي فبيتكون من ذرتين هيدروجين شحنتها موجبة وذرة أوكسجين شحنتها سالبة، لهيك لما بقرب البالون من المي الشحنات السالبة الموجودة على سطح البالون بتجذب القطب الموجب لجزيئات المي. سائل جلي، شاليمون، البالونة تبعتي.
[3:54]رح أنفخ فقاعات من هالصابون، وألعب فيهم شوي.
[4:03]جاهزين؟
[4:09]يا سلام.
[4:13]لك لك لك كيف عم تتحرك.
[4:18]هلا فيكم أنتو تفسرولي شو اللي صار هون، مع تحياتي.
