[0:20]Ramzan ka mahina mubarak ho. Shukriya Allah ka. Allah Ta'ala khair-o-afiyat se hamein ibadat ki aur mahine ka maximum mafaad hasil karne ki taufiq ata farmaye. Aur dupehar ke neem ki qurbani de ke yahan aane walon ki behtareen izzaz farmaye. Haan. Bohot acha time hai kuch log toh daant bhi dete hain. Aap logo ne bachpan mein kahani suni hogi na baap bete aur gadhe ki. Kahani nahi suna rahi magar hamare saath wohi hota hai. Hum subah rakhte hain toh dupehar wale daatte hain. Dupehar wala rakhte hain toh subah wale naraaz ho jaate hain toh phir Allah ka naam le ke phir humein wohi dekhna padta hai jo sab main jinka ghar hai. Ya jo karne walon ke liye suitable hota hai. Toh Allah se madad maang ke humne plan rakha hai. Humein ummeed hai Insha'Allah ke yeh cheez hamare liye ba barkat sabit hogi aur is ek mahine ki 18 din ki yeh practice jis mein Insha'Allah aap aur main yahan baith kar koi Allah ke kalam mein se choti choti baatein seekhne ki koshish karenge. Aur saath saath jo Ramzan ka mahina hai uski ibadat hamare baqi 11 months ke upar bhi Insha'Allah reflect karegi. Allah ka naam le kar shuru karte hain. Alhamdulillah hi Rabbil Alamin, Was Salatu Was Salamu Ala Ashraf il Anbiya'i Wal Mursalin Wa'ala Alihi Wasahbihi Waman Ista'na Bi Sunnatihi Ila Yaum id Din. Allahumma Jalna minhum wamin al-ladhina aamanu wa amilus salihati wa tawasaw bil haqqi wa tawasaw bis Sabr. Amin Ya Rabbal Alamin. Thumma amma ba'd fa'audhu billahi minash shaitanir rajim Bismillahir Rahmanir Rahim. Rabbishrah li sadri wayassir li amri wahul uqdatan millisaani yafqahu qawli. Allahumma sabbitna indal mauti bi La Ilaha Illallah. Ae hamare Allah, hamein hamari maut ka kalma La Ilaha Illallah par sabit kadam rakhein. Amin Ya Rabbal Alamin. Alhamdulillah, aapke paas flyer pahuncha, aapke paas dawaat pahunchi aur aapne irada kiya ke ab is program ka hissa banay. Ramzan ka program, Alhamdulillah, kayi angles se aapko fayda de sakta hai. Humne is martaba sirf ek surah ke tadabbur ke upar baat karne ka faisla kiya hai aur aapko booklets dene ka maqsad khas tor par yehi hai. Agar kisi ko na maloom ho toh na maloom, aapke paas se na maloom jagah tak agar kisi kuch logon ko na maloom ho ye baat ki yahan booklets available hain toh diya hai aap logon ke liye booklets khas tor par phase karwaye hain. Taake aap log in 18 dinon mein jo ilm hasil karein usmein se jisko aap apne paas jama karna chahte hain retaining power apni badhane ke liye. Alhamdulillah, yahan bohot se chehre aise baithe hain jo is baat ko aage pahunchane wale hain. Toh aapke liye ilm ko mahfooz rakhna bohot fayda dega, chahe aap aage pahunchane wali hain ya aap aage pahunchane wali nahi bhi hain aur aap apne amal ki behtari ke liye ilm hasil kar rahe hain. Toh likhne ki koshish kijiyega Insha'Allah, aapko do mahine ke baad, teen mahine ke baad iska ek part apni zindagi mein khud mahsoos hoga. Ek hum Surah Yaseen Insha'Allah karenge. Number do, 18 din ka ek tarah ka yeh course hai. Jab main koi surat karati hoon, pichhle teen saal se Alhamdulillah isi ghar ke andar, hum surat hi kara rahe hain. Sabse pehle Surah Fatiha karayi thi aur humne 20 din mein Surah Fatiha ki thi. Pichle Ramzan mein aap mein se jo hamare saath the, humne Suratul Kahf ki thi, woh bhi 20 din ka woh hamara plan tha. Is martaba Insha'Allah 18 din hain aur Surah Yaseen hai. Surah Yaseen ko hum in depth is waqt tadabbur ke angle se kehte hain. Hum is angle se is surat ko Insha'Allah samjhenge aur hum waqt lagane ki koshish kyon kar rahe hain? Yeh is tarah se 18 din ek hi surat ke upar. Taaki kuch aisa seekhein ke jo hamare zindagi mein aage hamare saath continue kare, hamare saath rahe. Is tarah se yeh hamara pattern chalega Insha'Allah. Aap se guzarish yeh hai, Allah Ta'ala khairiyat rakhein gharon ke andar, aapki tarbiyat mein behtari rakhein, sehat dein. Koshish kijiyega ke jab aapne irada kar liya hai ke aap class join karengi, toh phir aap regularity se aayein. Hum koi aapko 18 din mukammal karne par certificate toh nahi de rahe ya de rahe honge, lekin yeh ke aapke apne fayde ke liye zaruri hai ke aap regular rahein, taaki jo maqsad hai woh maqsad hum aakhir mein hasil kar sakein. Alhamdulillah, Ramzan ka mahina Quran ka mahina kehlaaya jata hai. Shahrur Ramazan unzila fihil Quran. Allah Ta'ala ne is Ramzan ke mahine mein Quran nazil farmaya. Toh Quran ka aur Ramzan ka ta'alluq aapko hamesha se bohot strongly mahsoos hota hai. Aap aur main jab bhi Quran padhte hain aur Alhamdulillah hum sab ki koshish honi chahiye, chahe aap tajweed ke angle se bohot slow bhi padhti hain, koshish kya honi chahiye ke main kitne Quran padhungi kam se kam ek Ramzan mein? Kya koshish honi chahiye? Minimum ek Quran ki tilawat main mukammal karungi. Agar aapko lagta hai ke aapki tajweed khuda na khasta bohot zyada kharab hai toh woh ek alag case scenario ban jata hai. Lekin agar aapka flow acha hai aur aap tajweed seekh chuki hain, aap harakat ki galti nahi karti, aap zabar ko zer aur zer ko pesh nahi banate, toh kam se kam ek Quran ki tilawat, tilawat-e-Quran mukammal karne ki koshish zarur kijiyega. Isliye ke yeh Sunnat-e-Rasool Sallallahu Alaihi Wasallam hai. Jis saal aapka intiqal hua hai uske ilawa, baqi sab saalon mein Jibrail Alaihis Salam har Ramzan mein aaya karte the aur aap Sallallahu Alaihi Wasallam ko jitna Quran aap par nazil ho chuka hota tha, uska daura karwaya karte the. Usi se sunnat nikli hai hum Musalmanon ke andar Dauratul Quran ki, Quran ka daura karna. Yakeenan usmein hum tarjuma zyada padh rahe hote hain, arbi kam padh rahe hote hain, lekin woh Sunnat-e-Rasool Sallallahu Alaihi Wasallam se connected hai. Aksar hamare zehnon mein sawal hote hain ke kya humne woh bid'at toh nahi ijaad kar li? Toh apne zehen ko clear kar lijiyega, woh bid'at nahi hai. Isliye ke Ramzan Quran ka mahina hai aur Quran ka jitna fehm hasil kiya jayega, Allah ke Rasool Sallallahu Alaihi Wasallam ki talimat ki roshni mein, woh sab ka sab part of shariah hoga. Toh isi tarah se Quran ke upar tadabbur karna, tafakkur karna, Quran ko samajhna, us par reflections karna, yeh sab bhi Quran se attach hone ka hi ek zariya hai. Jab aap Quran ki tilawat karte hain, toh aapko baaz auqat aayaat milte hain jin mein Allah Ta'ala ne Jannat aur Dozakh ka zikr kiya hai. Baaz aayaat aapko milte hain, hum in general baat kar rahe hain Quran ki, baaz aayaat aapko milte hain jis mein Allah Ta'ala ne ahkaamat diye hain. Baaz aayaat aapko milte hain jis mein Allah Ta'ala ne kaaynaat ko gaur-o-fikr karne ki baat ki hai. Agar hum apne aap ko thoda sa evaluate karein toh jab hum kisi course ko bhi join karte hain, ya jab hum kisi bhi class ko join karne ka plan karte hain, toh hamara main focus kya hota hai aur jo ke hona chahiye, primary focus, ke main Quran ke ahkaamat ko samjhungi. Taake main dekh sakoon ke Allah mujhse kya chahta hai aur phir main uske mutabiq apne amal ko badlungi. Yeh hamara primary, main purpose hota hai Quran ke samne baithne ka Alhamdulillah. Aur kya abhi bhi hamara yahi maqsad hai? Hum Quran ke ahkaamat ko samajhna chah rahe hain, kyon? Isliye ke hum dekhna chahte hain ke Allah Ta'ala ne hamare liye yeh book kyon bheji hai. Aur phir hum usmein se apne amal ke liye kaun si raah nikalte hain. Lekin jo classical scholars hain, unki agar aap tafaseer padhein toh woh is baat ko kayi dafa mention karte hue nazar aate hain. Woh kehte hain ke jab Musalman Quran ko ahkaamat ke liye kholta hai aur ahkaamat sunne aur samajhne ke liye ilm hasil karta hai. Toh zyada tar hota yeh hai ke hum ahkaamat mein itna kho jaate hain ke ahkaamat ke sides par aur jo bracket karte hue alfaz aur phrases aur jumle aur aayaat aa rahi hoti hain hum unko overlook kar jate hain. Aur jab hum unko overlook kar jate hain toh hum bazahir samajhte hain ke humne hukum samajh liya. Hum hukum ka dimension samajhna bhool jate hain. Agar jo classical scholar hain jinko aap Salaf-e-Saleheen kehte hain aur Salaf-e-Saleheen scholars ke andar aap Sahaba se shuru karte hain. Tabe'in, obviously yeh golden generation hai aur uske baad aap taqreeban 15th century tak, jahan tak Musalman scholars aapko milte hain, in sab ko Salaf-e-Saleheen scholars jinko classical scholars kaha jata hai, in mein shamil kiya jata hai. In scholars ka kehna yeh hai ke agar aapko ahkaamat ke aage piche aane wale alfaz ki gehrai samajh aa jaye.
[9:21]Toh aapko hukum ki samajh bohot deep reflections ke saath aati hai. Jaise qanoon-e-virasat, agar aap Quran mein padhte hain aur aap jab bhi uski tilawat karti hongi aapko bohot woh dry nahi lagta hoga agar waqai aapko uska tarjuma samajh aata hai. Jisko tarjuma samajh nahi aayega uske liye bhi usmein ek Allah Ta'ala ne rhythmic beauty rakhi hai. Isliye ke jisko tarjuma nahi bhi samajh aa raha, agar woh sirf pure gadha qanoon padh raha hai, in law of inheritance aap kisi bhi duniya ki law ki book ko utha kar padhiye, aapka sir chakkr aa jayega ek paragraph padhne ke baad. Itna zyada complicated language hoti hai uske andar. Yeh Quran ka ejaz hai, yeh Quran ka mo'ajiza aur miracle hai, ke agar ismein ek pure form mein law bhi laya gaya hai, law of inheritance ya law of divorce, toh usko bhi is andaaz mein bayan kiya gaya hai ke jisko tarjuma samajh aaye woh bhi khoobsurati samjhe. Jisko tarjuma na samajh aaye woh iske rhythm ki khoobsurati ko, iske flow ki khoobsurati ko samajh ke usko aage se aage continue karta hai. Toh hamare jo scholars hain, unka kehna yeh hai ke jab aap gehrai mein din ko samajhte hain, ahkaamat bhi samajhte hain aur ahkaamat ke context mein aaye hain, isko bhi samajhte hain, toh aapke liye Quran ko zindagi ka hissa banana aasan ho jata hai. Hum mein se jitne bhi yahan log baithe hain, kya hum yeh chahte hain ke Quran hamari zindagi ka hissa ban jaye? Alhamdulillah isliye hum yahan uth kar aaye hain, hum isko apni zindagi ka hissa banana chahte hain. Ek hum Musalmanon ke andar jo kami sabse zyada is waqt deeply penetrated hai, woh yeh hai ke humne apne aap ko 'abid' banaya hua hai, humne apne aap ko 'abd' nahi banaya hua hai. Fark hai donon mein? Aap mein se jo log Arbi grammar ko samajhte hain, ya agar Urdu ke hisab se bhi aap achhi Urdu bolne wale hain, toh 'abid' kaun hota hai? Ibadat karne wala. Aur 'abd' kaun hota hai? Ghulam. Allah ka banda. Imam Ghazali ka naam aapne suna hoga, 14th, 15th century scholar, jin ki bohot si kitabein mashhoor hain, lekin unki ek 'Ihya Ulum' bohot mashhoor kitab hai. Imam Ghazali apni kitab mein likhte hain ke ibadat karne wale teen tarah ke hote hain. Ab yeh teen tarah ke targets ho sakte hain kisi ek hi insan ke ke main pehle step number one par aaungi, phir step number two par aaungi aur uske baad main step number three par move karungi. Imam Ghazali kehte hain jo sabse pehla target ho sakta hai ya jo ek tarah ke insan hote hain, woh hote hain kaise log? Ibadat ul-Abeed. Abeed 'ain', 'ba', 'ya', 'dal' se likhte hain. Ibadat ul-Abeed, yeh kaun hote hain? Yeh woh hote hain jo Allah ke khauf se Allah ki ibadat karte hain. Ibadat ul-Abeed aur zyada tar Alhamdulillah agar aap apni zindagi ko apni nazron mein le kar aayein toh jab aap bachchi thi aur aapne puberty cross ki aur aapke walidain ne aapko namaz aur roze ke bare mein information deni shuru ki, toh kabhi kabhi 90% hum maa ke khauf se namaz padh liya karte the. Aapke bacche aapke khauf se namaz padh lete honge. Ammi samne aa gayi hain, Maghrib ko bohot der ho gayi hai jaldi namaz padh li aur khade ho gaye. Toh ek level hota hai Imam Ghazali ke mutabiq ibadat karne wale ka jo hota hai ibadat ul-Abeed, khauf ki wajah se ibadat karne wala. Ek level Imam Ghazali ne bataya, ek level ya ek tarah ke log hote hain category ke jo ibadat karte hain woh hote hain Ibadat us-Sujjaad, sujjad ajr se hai. Yaani woh log jo ajr ke point of view se, reward ke point of view se ibadat karte hain. Zahiri baat hai, kya yeh khauf se badha hua level hai? Ab aap kisi dar se ibadat nahi kar rahi hain. Aap sirf Allah se dar nahi rahi, baccha sirf maa se dar nahi raha, balki ab aage badh kar usko namaz ka reward chahiye, usko fayda chahiye. Usko ek samajh mein, baaz log hote hain na woh calculator ke upar apni nekiyan count karte hain. Sadqa karne ke agar maine 10 rupaye diye toh 700 guna milta hai, so 10 multiplied by 700. Baaz auqat bacche aisa karte hain, ke iska matlab hai ke mujhe ab itne billion times jo hai woh reward milega isliye ki maine kitna amount sadqa kar diya hai. Toh Ibadat us-Sujjaad, yeh bhi buri baat nahi hai, ek level hai ibadat ka, ke jismein banda rewards ke liye ibadat karta hai. Aur Imam Ghazali kehte hain ke ek aur highest level hota hai insan ka, Musalman ka, Allah ki ibadat karne ka, aur woh hota hai Ibadat ul-Ahrar. Ahrar 'hamza', 'ha' halak wali 'ha' se likhte hain. Hamza par zabar hai aur 'ha' halak wali jo hoti hai. Ibadat ul-Ahrar, un insaanon ki ibadat jo ke enslaved nahi hain kisi bhi cheez ke, kisi bhi hasti ke, kisi bhi nafs ki khwahish ke, siwaye ek Allah ke.
[14:26]Yeh ibadat hoti hai highest level ki ibadat. Aur yeh woh ibadat ka level hota hai jismein aap aur main sirf abid nahi hote. Kya ban jaate hain? Abd ban jate hain. Abid hona aur abd hona in donon mein fark hai. Aur hum is Ramzan mein apna plan yeh karenge ke hum Insha'Allah in 30 dinon ke andar, jab roze rakh ke Shawwal ke mahine mein dakhil honge, toh hum abid se abd ban chuke honge, Insha'Allah. Aur Allah ki madad hamare saath hogi, hamari apni Insha'Allah intention hogi, toh Allah Ta'ala isko hamare liye zarur aasan bana denge. Aapne aur maine abid se abd kaise banana hai? Main iski aapko practical example dena chah rahi hoon, isliye ke kabhi kabhi aap jab ilm hasil kar rahe hote hain toh aapke samne theory hoti hai. Agar aap usko practicality se connect nahi karte hain toh theory, theory reh jati hai, aur aap ek theory ke dimension mein paun rakhe hue hote hain, jab aap ghar jate hain toh aapki ek bilkul alag dimension hoti hai. Usmein aap cheezon ko uske saath aram se mix and match nahi kar pate. Hamare yahan Musalmanon mein, aur yeh overall aapko poori duniya mein ek trend nazar aata hai ke jismein pata chalta hai ke Deen ek taraf hai, duniya ek taraf hai. Hum Musalman, overall poori duniya mein jahan par bhi maujood hain Alhamdulillah, aap agar majority ko dekhein, toh hum abid ho jayein. Hum abd nahi hote.
