[0:00]الراجل ده كان اسمه الي مالك ومراته كان اسمها نعومي واولاده واحد كان اسمه محلون والتاني كان اسمه كاليون. وبعد كام سنة مات الي مالك واولاده الاتنين اتجوزوا من مؤاب. واحد اتجوز واحدة اسمها عرفه والتاني اتجوز واحدة اسمها راعوث. وتفوت عشر سنين وبرضه يموت ولاد نعمي الاتنين.
[0:41]بقول لكم ايه يا بنات. قولي يا امي. انا سمعت ان ربنا مبارك في الارض والزرع في بلدي بيت لحم. انت عايزة تسيبي مؤاب ولا ايه؟ انا بفكر ارجع لبلد تاني، انا هقوم احضر حاجتي. يلا بينا. ارجعوا انتوا على بيوت اهاليكم، ايه بس اللي هيجيبكم معايا؟ ما تقوليش كده، انت زي امي، ده انا مرات ابنك. شوفوا حياتكم، ربنا يبعت لكم ولاد الحلال. على العموم معاكي حق انا هرجع لاهلي، ربنا يتولاكي برحمته. مع السلامة. وانت يا راعوث ربنا. ما تكمليش اللي هتقوليه انا مش هسيبك، ما تحاوليش تقنعيني اني ممكن اسيبك وارجع لاهلي، محل ما تروحي هروح ومحل ما تعيشي هعيش، ناسك هم ناسي وربك هو ربي مش هيفرق بينا الا الموت.
[1:59]اجينا على اخر السكة.
[2:05]البلد ما تغيرتش. مين اللي جاية من هناك دي؟ معقولة؟ دي بين انها نعومي. ومين اللي معاها دي؟ اهلا اهلا يا نعومي عاش من شافك.
[2:22]نعومي ايه؟ نعومي ايه؟ ما عادش في ولا نعومي ولا غيرها. احسن لكوا تقولولي مره مش نعومي. ايه بس الحكاية؟ بتبكي ليه؟ خرجت من هنا بايدي مليانة ومعايا جوزي واولادي. واديني راجعه بايدي فاضية، لا جوزي معايا ولا اولادي. ده انا اتذليت واتكسر قلبي.
[3:16]ايه رأيك يا امي انا بفكر اروح اشتغل. تشتغلي ايه بس يا بنتي؟ دلوقتي الحمد لله، الزرع طلع والناس كلها شغالة في جمع الغلة. وانا انا كنت بفكر يعني اروح اجمع الغلة اللي تقع من ورا الناس اللي بتجمع، ايه رايك؟ الشغل مش عيب، روحي اشتغلي وربنا يحبب فيك الخلق.
[3:59]اشتغلي يا راعوث ربنا يرزقك. الحمد لله والفضل ليك انك مخليني القط الغلة وراك. ده كله فضل الله والرزق عليه هو العاطي. الله ينور عليكم يا رجالة. تعيش يا سيبوعز، ربنا يزيدك من نعيمه. اشتغلوا يا رجالة ربنا معاكم. الله يبارك لك يا سيبوعز. شدوا حيلكم يا رجالة، مين اللي بتلم الغلة ورا الرجالة اللي هناك دول؟ دي ست من مؤاب رجعت مع نعمي لما رجعت البلد. وطلبت انها تلم الغلة من ورا الرجالة وهي بتشتغل من الصبح لغاية دلوقتي. دي باين عليها بنت حلال. خدي يا ايوه انت. عمرك يا سيدي. خليكي هنا معانا دايما القط الغلة مع البنات اللي تبعنا، وانا هوصي الرجالة ما حدش يكلمك ولا يضايقك. وان حسيتي انك عطشانة ابقي روحي اشربي من الزير اللي هناك ده. الله يخليك يا سيدي، ازاي تعمل معايا كل ده وانا غريبة مش من هنا. كل المعروف اللي عملتيه مع حماتك نعمي سمعت عنه، ومع ان جوزك مات فضلت جنها واكرمتيها. انا ما عملتش حاجة تستاهل يا سيدي. ازاي بقى ده انتي سبتي بلدك واهلك وجيتي تعيشي غريبة وسط ناس ما تعرفيهمش ولا يعرفوكي واتكلتي على الله وحمايته. ده اقل واجب يا سيدي. ربنا يكافئك على قد عملك ويديكي جزائاتك كاملة ويحميكي. الله يبارك لك يا سيدي، يا ريت اكون على قد ظنك فيا وترعى عني. يلا يا رجالة ريحوا شوية وتعالوا وقولوا لكم لقمة، يلا يا رجالة يلا. تعالي يا راعوث مدي ايدك وكلي لك لقمة، انا سامع انك ما ريحتش من الصبح. الله يكرمك الله يكرمك يا سيبوعز، ده كله فضلت خيرك. كلي يا راعوث كملي اكلك. الحمد لله الاكل كتير ولسه فاضل كتير. لازم اقوم اشتغل شوية.
[6:09]على فكرة عايزكم تاخدوا بالكم من راعوث، سيبوها تلقط الغلة من وراكوا وما حدش يكلمها. ورموا لها انتوا غلة بالاصد علشان تلمها دي بنت حلال وتستحق المساعدة. مساء الخير يا امي. انت جيتي يا راعوث؟ حمد لله على السلامة، ايه ده كله؟ ده انت راجعة محملة غلة. الحمد لله ربنا وفقني في غيط بتاع راجل طيب خدي ادي الاكل اللي فاض مني في الغيط. الله يبارك صاحب الغيط. قولي لي غيت مين؟ انا عارفاهم كلهم دول اهل بلدي. غيت واحد اسمه بوعز، باين عليه راجل طيب تعرفيه؟ بوعز ربنا يباركه طيب ده قرايبنا ومن عيلة الي مالك جوزي الله يرحمه. الحمد لله الحمد لله.
[7:15]الا قولي لي يا راعوث. نعم يا امي. ما بتفكريش يا بنتي تتجوزي؟ ازاي بس ومين اللي اتجوزه؟ ان كان على مين اللي تتجوزيه انا عندي ليكي راجل ولا كل الرجالة. وكمان ده يعتبر ولي امرنا ومسؤول عنا. ولي امرنا ومسؤول عنا تقصدي مين؟ بوعز. بوعز. ايوه بوعز، بوعز اللي اشتغلتي في غيته مع البنات. بس انا فين وبوعز فين؟ انت بس اسمعي كلامي اللي هقوله لك ده ونفذيه وربنا يديكي على قد نيتك. قولي لي واديني سامعاكي. دلوقتي بوعز ده قريبنا والليلة دي هو هيحرس الغلة في المكان اللي بيدريها فيه. ايوه. وعليكي انك توضبي نفسك وتلبسي احسن لبس عندك وتروحي على المكان اللي فيه الغلة. بس المهم انه ما يحسش بيكي لغاية ما يخلص اكله وشربه. وبعدين؟ ولما كل واحد من الناس اللي معاه ينام على الارض اعرفي المكان اللي هو هينام فيه وروحي بعد ما ينام ارفعي الغطا من عليه ونامي جنب رجليه المتعريا. فلما يصحى من البرد يشوفك وبعد كده هو هيقول لك على اللي هتعمليه. بس يا اما. ما بسش روحي واعملي اللي قلت لك عليه. هعمل اللي قلت لي عليه وربنا موجود.
[9:07]ايه ده؟ ايه اللي عند رجلي ده؟ مين؟ ايه اللي جابك هنا؟ انا خدامتك راعوث. راعوث مين؟ راعوث المؤابية، استرني ده انت قريبي وولي امري. راعوث ربنا يباركك يا بنتي، انت كل يوم بتبينلي انك صحيح بنت اصول. وكفاية انك عمرك ما كنت تتهافتي على اي شاب غني ولا فقير وكل اهل البلد عارفين انك ست عظيمة. ما تخافيش انا هساعدك. ربنا يكافئك يا سيدي. ومع اني قريب المرحوم جوزك لكن في واحد اقرب مني على العموم روحي نامي دلوقتي والصباح رباح.
[9:52]شوف يا صاحبي عايزك تسمع كلامي ده قدام الرجالة العشرة دول وترد عليا عايز تعمل ايه؟ قول يا بوعز انا سامعك وهرد عليك. بقى نعمي عارفها طبعا. نعمي ايوه عارفها مالها؟ نعمي عايزة تبيع الارض بتاعت الي مالك قريبنا فايه رأيك تشتريها ويبقى زيتنا في دقيقنا. خلاص اشتريها الواجب واجب والاصول اصول. بما انك راجل تعرف الواجب والاصول تبقى برضه عارف ان الاصول انك يوم ما تشتري الارض تتجوز راعوث. اتجوز راعوث؟ بس ده طبعا عشان اسم الميت يبقى على ورثه. الحقيقة ما اقدرش في الحالة دي اشتري الارض. اشتريها انت بدالي. خليكوا شاهدين يا رجالة، النهارده انا بشتري كل املاك الي مالك واولاده كاليون ومحلون من ايد نعمي. شاهدين طبعا شاهدين طبعا شاهدين. وكمان هتجوز راعوث المؤابية مرات محلول. شاهدين شاهدين شاهدين. ربنا يبارك لك ويخلي راعوث تخلف لك زي راحيل وليقة اللي خلفوا اليعقوب.
[11:15]الف مبروك يا نعمي الف مبروك المولود يا نعمي حمد لله على سلامة راعوث، ربنا يبارك المولود ويوسع رزقه. دي راعوث مرات المرحوم ابنك يا نعمي احسن لك من سبع اولاد. ربنا يرجع لك كده الفرح بتاع زمان ويرد لك السعد من تاني، الولد ده هيرجع لك السعادة اللي اتحرمت منها سنين.
