[0:00]ازيكم عاملين ايه انا ازيس وده اليوتيوب تشانل بتاعتي وده اول فيديو ليا على اليوتيوب.
[0:08]في الفيديو ده كنت عايزة أتكلم معاكم عن المنتجات اللي استخدمتها لشعري وعجبتني، تابعوا معايا الفيديو لو عايزين تعرفوا أنا استخدمت إيه. أول خطوة دايماً علشان نبدأ نتعامل مع الشعر الكيرلي لازم إن إحنا نسلكه، وتسليك الشعر الكيرلي ممكن أستخدم حمام كريم أو أستخدم بلسم علشان أبدأ أسلك الشعر الأول تحت الماية. لأن أنا لو بدأت إن أنا أسلك الشعر على الناشف ده ممكن يقطع الشعر ويتلفه. فأنا بحب أستخدم حمام كريم هير كير، أو مثلاً حمام كريم منك أو أي بلسم تحبوه مش هتفرق. المهم أن هو يكون تحت الماية، بحط شوية بلسم أو حمام الكريم على شعري بس هو بالنص كده وبحط حمام الكريم. وأسيبه تحت الماية وأسلك فيه بالمشط ده بيخلي تسليكه أسهل وأسرع. تاني خطوة بتيجي بعد كده هي الشامبو، بصراحة أنا من الناس اللي كانت ماشية على روتين الشعر الكيرلي مكنتش بستخدم حاجة فيها سيليكون ولا سلفيت. بصراحة كده زهقت، حسيت إن الموضوع صعب جداً إن أنا أنفذه في مصر. الحاجات اللي موجودة في مصر كلها مش يعني مليانة بالمواد ديت وكل الحاجات الخالية من السلفيت والسيليكون غالية. وكلها مستوردة فالمستوردين بيخلوا سعرها عالي جداً، فأنا رجعت أستخدم حاجات عادية جداً فهوريكم شوية شامبوهات أنا جربتها وتطبعت معاها. أول شامبو استخدمته كان الكانتو ده كان ب200 جنيه كان حلو جداً، بس مش أحسن اختيار. كان بينشف الشعر شوية فهتحتاجي بعده حمام كريم كويس وبلسم كويس، لو خلص مش هجيبه تاني. لكن طالما هو موجود كنت بستخدمه ومكنتش متضايقة منه أوي يعني. لكن منصحش حد بيه لأن الناس بتبيعوه في مصر سعره غالي جداً، فلا فيه اختيارات أحسن. أحسن شامبو بعد كده جربته هو الألفيف بتاع طول الأحلام، ده من أحلى الشامبوهات اللي أنا جربتها. جبت العبوة الصغيرة وخلصتها كلها كانت ب35 جنيه، حلو جداً جداً جداً وبتخلي الشعر طري مش بتنشف الشعر أوي. وأنصح أي حد أن هو يستخدمه سواء شعره طويل أو شعره مش طويل، شايفه أن هو ممتاز. تاني شامبو هو أيفون، شامبو أيفون يعني بنسبة كبيرة شبه الكانتو بس ده سعره أرخص كتير تقريباً كان ب50 جنيه والعبوة كبيرة جداً 700 ملي. الكانتو كان 400 ملي وفارق طبعاً في السعر فلو عايزين حاجة مشابهة أنا شايفة أن الأيفون بيبقى كويس جداً. بردو هتحتاجي بلسم حلو شوية وحمام كريم بعده، وأنصحكم إن أنتم تجربوه لأن حجمه كبير وحلو يعني مش وحش.
[3:00]فلا عادي ممكن أجربه بحس أن هو ممكن أخليه إيه بديل لما أبقى مش عايزة استهلك في الشامبو الحلو اللي أنا بستخدمه أو مثلاً قاعدة في البيت فمش عايزة. يعني أخلص في الشامبو الحلو اللي أنا بحبه، فبخلي الأيفون ده بديل كنت عايزة أقول لكم أن أنا مسامية شعري عالية والبروتين عالي عشان بس تبقوا فاهمين المنتجات دي كلها. فإيه اللي نفع على شعري إيه بس صدقوني يعني أنتم لو جربتوا مش هتخسروا حاجة سواء مثلاً هي عالية أو مثلاً هي منخفضة، بروتين عالي أو بروتين منخفض. عالي جداً ودليل أن أنا كنت دايماً بسمع إن جوز الهند مش حلو للمسامية والبروتينات العالي. أنا مش دكتورة عشان أحد بصراحة بس أنا شايفة أن تريسمي جوز هند الشامبو تحفة جداً نفع على شعري جداً. وده من أحلى الشامبوهات اللي استخدمتها يمكن أحلى من ألفيف كمان هو كان سعره مش فاكرة حاجة و60 تقريباً بس تحفة تحفة ولو خلص طبعاً هجيبه تاني ده غير إن ريحته حلوة جداً. حجمه كويس جداً مش بينشف الشعر خالص وأنصح أي حد بيه الشامبو اللي بعد كده وده معجبنيش تماماً. مع أن هم بيقولوا أن هو مافيهوش سلفيتس وكده هو بليس بتاع الشعر المظبوط مكانش حلو خالص. كان بينشف الشعر ده غير أنه مش بينضف الشعر، أنا مش عارفة ليه، يعني كان ممكن أغسل شعري بيه مرتين ورا بعض عشان ينضف وبردو ما بينضفش. بيخلي الشعر عبارة حرفياً عن سلك مواعين حاجة سيئة جداً يعني مش عارفة هم ليه بيقولوا أن ده الشعر كيرلي يعني. وكان مش فاكرة كان بحاجة و40 أو كده مش قادرة أفتكر بصراحة آخر حاجة معايا هي الدراي شامبو. ده هو حلو مش وحش بس مش عملي بالنسبة لي أنا بصراحة كشعر كيرلي مش شايفه أن هو عملي. بحس أن أنا محتاجة أن أنا أغسل شعري مش هعمل شعري بال بال الشامبو ده خالص غير في أوقات كده اللي هو مضطرة. لكن مش هعتمد عليه في حياتي يعني هو لسه أصلاً مليان هو أنا كنت جايباه من برة بصراحة مش عارفة بيبقى في مصر بكام. أنا أنصح بيه لو حد شعره ناعم، شعره عادي مش شعره كيرلي لأن الشعر الكيرلي هو مش عملي أوي. بس كده ده بالنسبة للشامبوهات كده الشامبوهات معايا خلصت الخطوة اللي بعد كده هي البلسم. البلسم أنا جربت منه حاجات كتير بس اللي أنا معايا دلوقتي وبحبهم جداً هم أربعة. أول واحد هو الكانتو ده كان ب200 جنيه زي الشامبو، هو حلو جداً وبيرطب الشعر، حلو جداً بس بعد الشامبو بتاعه لأنه زي ما قلت لكم بينشف الشعر شوية. بس هو يعني على سعره اللي هو 200 جنيه بغير وفيه حاجات أحلى وأرخص، لكن هو مش وحش دي رابع علبة أنا جربتها منه. بس يعني فيه بدايل أرخص لكن لو عايزين تجربوه ما فيش مانع لأنه فعلاً حلو من الحاجات اللي أنا حبيتها أكتر بكتير هو البلسم بتاع تريسمي جوز الهند. ده كان تقريباً ب60 جنيه وساعات بتلاقوه ب80 يعني على حسب الصيدلية أو المكان اللي بتجيبوه منه. ده أحلى بكتير من الكانتو يمكن ده أحلى بلسم أنا جربته لحد دلوقتي وأنصح أي حد بيه وزي ما قلت لكم أنا مسامية عالية وبروتين عالي ولفع معايا جداً ويمكن أحلى حاجة نفعت معايا. وأنا متأكدة إن أنا مسامية عالية وبروتين عالي بس مستغربة أن هو نفع معايا فعشان كده بقول لكم جربوا مش هتخسروا حاجة، وبالذات البلسم ده حلو جداً. البلسم اللي بعد كده واللي كل الناس جربته واللي أنا مهما بطلته هرجع أجيبه دايماً هو بانتين. كان ب85 جنيه غالي جداً بصراحة فلو محتارة تجيبي بانتين أو تجيبي تريسمي لا جيبي تريسمي طبعاً. هو حلو هو حلو مش وحش أنا مهما بطلته برجع أجيبه تاني وطبعاً طبعاً هكرره كتير بعد كده. يمكن ده من البلسم اللي بستخدمه لما أبقى مش خارجة أو مش ورايا حاجة مهمة فمبحبش أعلك الحاجات اللي أنا بحبها فبستخدم ده زي الفكرة من شامبو ايفون كده. اللي بعد كده وهو آخر واحد البلسم بتاع طول الأحلام من ألفيف حلو جداً جداً جداً كان برده ب35. يمكن هو ترطيبه مش أعلى حاجة لكن مش وحش بالنسبة لسعره وكده حجمه صغنن يعني ممكن تجربوه لو نفع معاكم كويس. هو حلو للشعر الطويل وهيبقى أحلى للشعر القصير أنا شايفة كده مش للشعر الطويل. القي شعر الطويل بيحتاج حاسه أن هو الترطيب مش بيوصل للشعر كله مش عارفة إزاي، فأنا حاسه لو شعره قصير هينفع معاه أكتر لكن جربوه مش هتخسروا حاجة وقولولي رأيكم.
[8:11]الخطوة اللي بعدها وهي حمام الكريم برده جربت حاجات كتير بس بصراحة رميت الأكياس والعلب فأنا ممكن هسيب لكم الصور بتاعتهم. اللي معايا دلوقتي هم اتنين، حمام الكريم بتاع لوريال برده اللي هو طول الأحلام أنا كنت مجربة المجموعه كلها مع بعض. حلو جداً جداً بيرطب الشعر بس لو عايزين نصيحة أنتم لو استخدمتوا المجموعه كلها التلات حاجات مع بعض هتاخدوا أحسن نتيجة. يمكن حمام الكريم مش مش بيدي النتيجة الفظيعة أوي لما بخلطه مع حمام تاني اللي هو أستخدم شامبو تاني مع بلسم تاني. لكن المجموعه كلها على بعض حلوة وأنصحكم بيها جداً وحمام الكريم أنصحكم أن أنتم تجربوه مش هتخسروا حاجة. حمام الكريم اللي أنا مستحيل أنصح أي حد بيه كان أسوأ أسوأ أسوأ حاجة شفتها في حياتي كنت بستخدمه أن أنا أسلك بيه شعري. حمام كريم تريشوب أسوأ حاجة شفتها في حياتي أنا مش متخيلة إزاي ده بيتحط في الاسواق وبيتباع حاجة كده بتنشف الشعر وبتخلي الشعر خشن حتى وأنتم تحت الماية حاجة غريبة جداً. يعني أنا مش عارفة ليه هو ده كان اللي هو هو ماسك الزيت الساخن المعالج للشعر المانع للتساقط. حاجة كده وحشة جداً أنا خلصته كله أصلاً كانت ريحته وحشة أوي ريحته سيئة أنا مخلصاه كله بس عشان كنت بسلك بيه شعري مش أكتر يعني. جربت حمام كريم دوفيا، حمام كريم دوفيا اللي عايزة أقوله أن هو الأكياس حلوة.
[9:56]الأكياس مركزة كده وحلوة جداً لما جربت العلبة معجبنيش مش عارفة إيه الفكرة بس تقريباً هم بيحطوا اللي هي. اللي هي العبوات الصغيرة اللي هتجربوها أحلى بكتير من العلبة الكبيرة وكانت طبعاً أرخص كانت ب18 جنيه فأنصحكم بيها. وحمامات الكريم برده اللي أنصحكم بيها حمام كريم مينك بحبه جداً جداً جداً بيرطب الشعر وبينعم الشعر جداً. رغم أن سعره رخيص يعني علبة كبيرة وتقريباً واصل 27 جنيه بس فبردو ده اختيار حلو جداً لحمامات الكريم. جربت باي باي هو كان حلو مش وحش بس مش أحسن اختيار. كان برده في أكياس وجربت منه العلبة الاتنين شبه بعض مفيش فرق بس مش أحسن اختيار بصراحة يعني ممكن تجربوا بداله حمام كريم مينك أحلى وأرخص وعبوته كبيرة. بس كده ده بالنسبة لحمامات الكريم، الحاجة اللي بعد كده جربتها الأيفونشيه كان ال هو سائل كده. هو عبارة عن سائل يعني هو رازبيري فينجر كان زي خل كده بتحطوه وإحنا بنخلص بقى غسل الشعر خالص. هو مش عارفة هو حلو ولا وحش ممكن أنا مش عارفة أستخدمه لو عرفت أستخدمه إزاي هقول لكم بس أنا مش بنصح بيه خالص. كان غالي على على أن هو اتركن كان غالي على أن هو اتركن هو مكنش غالي أوي كان ب100 وحاجة تقريباً. فيه ناس كتير بتقول أن هو مفيد للشعر أنا محسيتش ده حسيت بالعكس أنه بينشف شعري يعني لو عرفت أستخدمه إزاي هقول لكم. بس أنا مش بنصح بيه بصراحة حاجة كده كانت رفاهية يعني لكن مش أحلى حاجة. آخر خطوة بتبقى دايماً الستايلنج الشعر، الطريقة اللي إحنا بنعمل بيها شعرنا كيرلي أحلى حاجة أنصح بيها دايماً وجربتها. خلصت منه تلات علب الكانتو ده بالشيه وده بالأرجان تحفة تحفة تحفة حاجة كده وهمية من أحلى الحاجات اللي أنا جربتها بصراحة. بس عايزة أقول لكم أن بالارجان دوت بيخلي الشعر ينشف بوقت أكتر شوية لكن اللي بالشيه كان بينشف شعري أسرع. يعني أنا مثلاً لو خارجة ومحتاجة أنشف شعري بوقت أسرع هستخدم الشيه مش هستخدم الأرجان، اللي بيخلي الشعر ديفايند أكتر هو بالارجان. لكن في المجمل الاتنين حلوين كانوا ب250، فيه ناس بتبيعهم بأغلى بكتير لا متجبهوش بأغلى من كده. مش هحس أن هو تشتروه بسعر أغلى من كده الحاجة اللي بعد كده استخدمتها كانت الكرياتين بتاع إيفا.
[12:43]ده كريم تصفيف الشعر كان في الأول مش عاجبني لكن بعد كده حبيته، بالمناسبة هو ده اللي أنا عاملة بيه شعري النهاردة. هو الفكرة أن أنا لما أعمل شعري مثلاً ضفاير وأرجع أفكها بيخلي الشعر ناعم جداً وحلو جداً. لكن لو أنا خليت شعري للهواء الطلق كده وسايباه ينشف مع نفسه وحش بينشف الشعر وبيخليه مش حلو لكن هو بالنسبة لي بديل. أن أنا يعني الكانتو عشان لو أنا طبعاً قاعدة في البيت برده ومش عايزة أستخدم الحاجة اللي بحبها وأهلكها على الفاضي بستخدم إيفا. من الحاجات اللي حبيتها برده الموس بتاع ألفن، كان ب65 آسفة كان ب65 حلو جداً بيخلي الشعر ديفايند كده وشكله حلو أوي. بس مشكلته بياخد وقت أوي على ما الشعر بينشف منه لكن مش وحش بحبه جداً وهكرره هي أصلاً قربت تخلص. آخر حاجة بستخدمها والناس بتستغرب مش عارفة ليه هي الجل دي تاني علبة أستخدمها وبتقعد كتير أوي. العلبة الكبيرة دي من ألفن كانت ب35 كنت جايبها من سمير ويليام، مش عارفة الحاجة بتوقع ليه. كانت من سمير ويليام حلو جداً مش بينشف الشعر خالص أنا مجربتش غير اللون الأزرق وزي ما قلت لكم مساميتي عالية وبروتين عالي. فيه ألوان تانية منه بيقولوا أن هو للشعر المسامية المنخفضة وكده بس أنا مجربتش جربت الأزرق كان حلو أوي أوي أوي. وطبعاً طبعاً هبقى أكرره تاني لأنه يعني بيخلي الشعر ماسك نفسه والماد هول بتاعه أربعة فأنصحكم بيه. وبس كده أنا كده خلصت كل الحاجات اللي معايا يا رب يكون الفيديو عجبكم، أنا عارفة أن أنا مش بشرح أحسن حاجة بس عشان لسه في الأول. الكاميرا مش أحسن حاجة ب بتصور بكاميرة الموبايل وعانيت كتير أن أنا ألاقي مكان كويس أصور فيه في البيت. والصوت طبعاً مش هيبقى أحسن حاجة وطبعاً هتلاقوا صوت عربيات وكلاكسات ده غصب عني لأن أنا ساكنة في الشارع ف. مش عارفة أتصرف في الحاجات دي إزاي بس هحاول الفيديوهات الجاية أن أنا أحسن من ده، هو يعني أنا عارفة أن الفيديو مش أحلى كواليتي بس. يعني أنا حاولت بأقصى ما عندي، حبيت أن أنا أبدأ بحاجة بسيطة وعلى أمل أن الموضوع يتحسن وشكراً لأي حد كمل الفيديو للآخر. أتمنى لو الفيديو عجبكم وكنت خفيفة على قلبكم تعملولي سبسكرايب وتعملولي لايك وشكراً أن أنتم كملتوا الفيديو للآخر وبس كده استنوني في فيديوهات جاية باي باي.
