كشف حقيقة محكمة الجن بالمغرب🔥 | و قصة ملك ملوك الجن شمهروش

[0:00]جميع المعلومات اللي غاتسمعوا فهاد الحلقة كلها خديتها من كتب ومصادر موثوقة، يعني حتى شي حاجة ما جبتها من راسي وملاحظة بغيت نقولها لكم، من بعد ما شفت بزاف د الفيديوهات في يوتيوب كيدويوا على هاد الموضوع ديال شماهروش، لقيتهم في الحقيقة كلهم متشابهين ونفس الهضرة اللي كيقولها هذا كيقولها الآخر، والأهم فهادشي كامل والنقطة الحساسة ماتقاتش وتا حد ما دوى عليها ولا جبدها ولي هي أصلاً علاش درت هاد الحلقة واللي غاتعرفوها الخوت في الآخر ديال الفيديو، بلا ما نزيد نطول عليكم بزاف بسم الله وعلى بركة الله نبداو.

[0:37]أغرب الطقوس والممارسات اللي ما يطيحوش لكم على بالكم، أفكار ومعتقدات اللي في الحقيقة غادي تصدمكم.

[1:07]قرابين وذبائح لغير الله، بقر و خرفان ومعز وفرارج كاملين كيتذبحوا في حضرة ملك ملوك الجان شماهروش أو كما يطلق عليه قاضي قضاه الجن. وهادشي كامل وهاد الطقوس كاملة فين؟ في المقام ديالو، اللي كاين هنا في المغرب. ورا كاينين الناس كيجيو كيجيبوا 2 ذبيحات في النهار وعجل وجوج خروف وواحد عتروس، ذبحوهم هنايا وفرقات لهم شي مليون وستين ألف ريال. أسرار غامضة وحقائق غريبة خباوها لمئات السنين، فهاد الحلقة جيت باش ندوي عليها ونحط لكم كلشي قدام عينيكم. اليوم غادي نكشف لكم هاد الأسرار كاملة اللي باقا مدفونة ليومنا هذا.

[2:02]كلنا كنعرفوا بلي حنا الإنس عندنا محاكم وعندنا قضاه اللي كيحكموا ما بين الناس بالعدل. إلا كان شي واحد آذى لآخر ولا شفر لآخر ولا دالي فلوسه ولا نصب عليه ولا شي واحد قتل لآخر، المهم كاينا واحد المحكمة اللي كتفصل بيناتنا وواحد القاضي اللي كيفصل بيناتنا هادشي كامل عارفينه. لكن واش عمركم ما سمعتوا بمحكمة ديال الجن، يعني محكمة كتفصل ما بين الجن زائد كتفصل ما بين النزاعات والخلافات اللي ما بين الجن والإنس. فإلا كنتي يا عزيزي المشاهد عمرك ما سمعتي شي حاجة بحال هكا فمرحبا بك معنا في الحلقة ديال اليوم. طريق إلى أعلى قمة جبلية في منطقة شمال إفريقيا اللي كدي لجبل تبقال كاينا تماك واحد القرية صغيرة اللي سميتها سيدي شماهروش. بزاف د الناس كيقطعوا واحد المسافة اللي طويلة سواء مشيا على الأقدام أو في البغال والحمير. هاد الناس كاملين كي قصدوا هاد المقام ديال ملك ملوك الجن السبعة شماهروش كيتعتبر ملك من ملوك الجن السبعة اللي كاينين في الأرض. كيجيو الناس يقصدوه باش يحل لهم المشاكل ديالهم والنزاعات ديالهم ويفصل بيناتهم وبين هذاك الجني اللي كيتعدى عليهم أو اللي كيسكنهم. سيدي شماهروش أو شماهروش أو قاضي قضاه الجن كينزل كل يوم الخميس باش يصدر الحكم ديالو. وحسب ما يقال أن إبليس بنفسه كيحضر للمحاكمة ديالو.

[3:29]هاد القرية ديال إمليل تقريبا بعيدة على مدينة مراكش بـ 60 كيلومتر. وإمليل هي آخر قرية كتوصل لها وسائل النقل الحديثة، زائد أنها كتعتبر نقطة الإنطلاق إلى شماهروش. وبالضبط باش توصل لشماهروش خاصك تمشى على الأقدام حوالي ساعتين. في الحقيقة هاد المسافة سواء كتقطعها على رجلك أو كتركب في البغال والحمير اللي الناس كيكريهم تماك وكي وصلوك بالفلوس. وبمجرد أنك غادي توصل تماك غادي يبداو يبانوا لك شي منازل متواضعة وقبة بيضاء. غادي يبانوا لك بزاف د الطيور واللي هما الغربان واللي في الحقيقة كيقولوا أنها هاد الطيور مسكونة. إلى جيتي لهاد البلاصة وشفتي هادشي كامل اللي قلنا فهنا عرف راسك أنك وصلتي لشماهروش. ملي كتزيد تدخل لهاد القرية واللي جات بالضبط في سفح تبقال كتزيد توغل أكثر كتلقى بزاف د الشموع تماك شاعلين و طافيين. بزاف د الشموع جابوها الناس معاهم تماك وشعلوها لغايات متعددة. وحدة واحد المسجد صغير في القرية غادي تلقاو واحد التجويف في واحد الصخرة كبيرة بيضاء. فوق منها كترفرف أعلام بيضاء وخضراء، زائد واحد البلاكة اللي كاتبين عليها يمنع دخول غير المسلمين إلى هنا أو التصوير من الداخل. ملي عرفنا دابا المكان والمقام ديال شماهروش فين جا وفين كاينا البلاصة ديالو بالضبط. أجي دابا نتعرفوا على شكون هو هاد الشماهروش أصلاً وشن هي القصة ديالو. على حسب القصص الشعبية المتداولة فشماهروش هو ملك وقاضي قضاه الجن ورئيسهم فوق الأرض. وكيتعتبر أحد ملوك الجن السبعة وأكبرهم سناً، وكيعتبروا البعض بمتابة الأب الروحي للجن الأرضيين. فوسط هذيك الصخرة فين كاين المقام ديال ملك ملوك الجن شماهروش تماك فين كان الملجأ ديالو للتعبد والخلوة. ويقال أن شماهروش كان كيجي لهذيك البلاصة بالضبط فين كان كيعبد الله، حيث شماهروش جن مسلم. أما بالنسبة للعرش ديالو فهو عبارة على واحد القبر صغير مغطى بثوب أخضر. داير به حيوطه وألواح اللي مكتوب عليها بعض الأدعية الدينية وآيات قرآنية. وعلى حسب الموروث المحلي والثقافة الشعبية وعلى حساب كتب الجن يقال أن عدد ملوك الجن الأرضيين هما سبعة. وكل نهار ديال واحد فيهم، مثلاً يوم الأحد فهو الملك عبد الله المذهب اللي كيلبس واحد التاج ديال الذهب الخالص وراكب فوق حصان. وكايحكم 360 قبيلة من الجن، أما بالنسبة ليوم الإثنين فهو ديال مرة أو لا ميرة. أما الثلاثاء ديال أبا محرز الأحمر واللي كيتعتبر ملك شرس كيمتاز بالخدع العسكرية. والطبع ديالو جدي بزاف وعصبي، أما بالنسبة ليوم الأربعاء فهو ديال الملك برقان أبو العجائب واللي ملقب بفارس الإسلام. أما يوم الجمعة فهو ديال الملك الأبيض واللي كيتعتبر هو النائب ديال شماهروش في القضاء. أما يوم السبت كيبقى لسيدي ميمون أبانوخ واللي كيتعتبر أقوى الملوك الأرضيين. أما اليوم الأخير اللي بقى فهو يوم الخميس واللي ديال شماهروش. فهاد اليوم كاينين جوج الألوان اللي مقدسين واللي خاص الناس يلبسوهم واللي هما الأخضر والأبيض. هاد الألوان كيتعتبروا هما المفضلين عند شماهروش داكشي باش يستحب أن الناس اللي غادي يدخلوا لديك المحكمة يكونوا لابسين هاد الألوان يوم الخميس. واللي كيتعتبر هو يوم المحاكمات، كيجيو بزاف د الناس بزاف د الرجال وبزاف د العيالات لهاد المقام باش يزوره. كل واحد شنو واقع ليه وكل واحد والمشكل ديالو، كاين اللي عندو مس كاين اللي عندو سحر كاين اللي عندو حسد كاين اللي عندو عين، كل واحد وشنو عندو وكل واحد أو بالأحرى شنو كيعتقد أنه عندو. لكن واخا هكاك هاد الناس كاملين كيجتمعوا في يوم واحد لغاية واحدة هو أنهم غادي يوقفوا قدام الحضرة ديال شماهروش في المحكمة ديالو. لكن بطبيعة الحال ماشي غير كيجيو ويدخلوا، لا القضية ماشي بحال هكا. إنما ضروري خاصهم يجيبوا معاهم هدايا وقرابين، هاد الهدايا كتكون عبارة على السكر، الحليب، البخور، العود، الحنة وبزاف د الحوايج. أما بالنسبة للقرابين فتقدر تكون بقرة، ثور، حولي، معزة، دجاجة، كل واحد وعلى حسب داكشي اللي عندو. يعني هذاك السيد أو هذيك السيدة ملي كيبغيوا يدخلوا لتماك سوا كيقولوا لهم جيبوا بقرة سوا كيقولوا لهم جيبوا معزة سوا كيقولوا لهم جيبوا دجاجة على حسب القضية ديالهم كيفاش دايرة. المهم كيف قلنا هاد اليوم كيكون واحد اليوم اللي مقدس ديال الجن المسلمين باش يوقفوا أمام الحضرة ديال الملك شماهروش. أي جن مسلم واقعة ليه شي حاجة فكيمشي للمحكمة باش شماهروش يحكم بالحق وبالعدل، أي أي جن واقع ليه شي مشكل ولا عندو خلاف مع شي واحد فكيمشيو لهديك المحكمة. وبطبيعة الحال شماهروش قاضي قضاه الجن كينصف بيناتهم وكينصف المظلومين والمشتكين. ويقال أن من العلامات اللي كتبين أن شماهروش حضر للمحكمة هذوك الناس اللي كيكونوا تماك واللي كيكون عندهم مس كيبدا هذاك الجن اللي فيهم كيبدا يدوي وكيبداو يديروا شي تصرفات وشي حركات وشي حوايج اللي غريبة.

[9:17]كيبداو يديروا شي شطيح وكيبداو يتمرغوا في الأرض وكيديروا شي حوايج يعني اللي غريبة، زائد أن السماء حتى هي كتبرق على أن المحاكمة غادي تبدا. أما بالنسبة للطقوس اللي كيتداوا بها الناس اللي عندهم سحر ولا مس ولا أي حاجة كتمتد لـ 3 أيام. في النهار الأول كيكون الذبح ديال القرابين وإراقة الدم ديالها وهاد القرابين وهاد الخيرات وهاد اللحوم كاملة كيوزعوها سلالة إد بلعيد بينهم. والعائلة ديال بلعيد هي اللي توارثات الخدمة ديال هذاك المقام ديال شماهروش من سنوات كثيرة هادي. المهم على أين كيف قلنا اليوم الأول كتكون فيه هذيك الذبيحة وهذوك القرابين وفي اليوم الثاني كتكون الحضرة أو الزاره. وفي هذه الحضرة هذه كيكونوا فيها بزاف الطقوس الشعبية، هذاك الممسوس أو هذاك السيد اللي فيه الجن أو هذيك السيدة اللي كتقول أنها فيها جن. كتلبس أحد الألوان المفضلة ديال ملوك الجن، سواء كتلبس اللون الأسود أو الأصفر أو الأحمر أو الأبيض أو البنفسجي أو الأزرق أو الأخضر. وتماك هذاك السيد المسكون كيبدا يدير الرقصات وكيبدا يدير حركات اللي في الحقيقة هيستيرية يعني كيكونوا كيبلوا بالمزامير وراكم عارفين هذاك الجو ديال الحضرة كيفاش كيكون. زيد عليها روائح ديال البخور وكلمات وهمهمات وشي حوايج اللي كتبقى غير تشوف، المهم هذاك السيد المسكون كيبقى في هذيك الحضرة كيجذب كيتحير كيتعوج كيبقى يدير شي حوايج حتى لواحد اللحظة يغمى عليه. وفي حالة أن هذا السيد المسكون دار هاد الطقوس كاملة وما خرجش منو هذاك الجن اللي فيه فهنا كيكون الأمر ضروري خاصو يدوز للمحاكمة. لكن قبل ضروري خاص يكون واحد الإغتسال من واحد النهر اللي خارج من واحد الصخور وبالضبط من بعد العاصر. عاد ديك الساعة يقدر يدوز في المحاكمة، وكيقول محمد الحفيد ديال إد بلعيد اللي شيد هذاك المقام ديال شماهروش سنة 1929. أن شماهروش الإسم ديالو الكامل هو الشيخ أبا الوليد شماهروش، لكن الأهم هو أن شماهروش هو جن مسلم. كيحكي لنا محمد الحفيد ديال إد بلعيد أن شماهروش كان من الصحابة اللي عايشوا الزمن ديال الرسول صلى الله عليه وسلم. يعني هذا الجن عندو أكثر من 14 قرن، زائد انه والد بزاف د الأولاد. منهم عبد الرحمان والوليد والمجلجل والهمل وداعوس وماكوس وشبراق وبرمهيون ومرجع وكندش وكيموش. وعندو حتى بزاف د البنات واللي منهم عائشة و رقية وهيلانة ومفوعة ونورية وسيافة وهمامة وحمامة. لكن السؤال المطروح الخوت واللي كيدور لكم في بالكم دابا هو علاش شماهروش اختار بالضبط هذيك البلاصة اللي كاينا تماك اللي كاينا في المغرب. علاش اختار هذيك البلاصة بالضبط من دون الأرض كاملة، كيفاش حتى اختار هذيك البلاصة وشن هي القصة ديالها؟ التاريخ ديال ظهور شماهروش في هاد المنطقة كيرجع لمئات السنين. وعلى سبيل المثال هاد السلالة ديال إد بلعيد أو هاد العائلة ديال إد بلعيد اللي مكلفة بهاد المقام ديال شماهروش كيرجع التاريخ ديال الوجود ديالها بهذيك المنطقة لسنوات 1760. يعني هاد العائلة حتى هي راه من زمان وهي تماك، لكن شماهروش كيفاش حتى جا لتماك وكيفاش دار هذاك المقام ديالو تماك. فهنا كتقول الأسطورة على أن شماهروش غادي يجي غير بمثابة ضيف، يعني جا غير ضيف عند واحد الراجل اللي كاين في واحد الدوار تم اللي سميتو إرمذ. وهاد الدوار كينتمي لقبيلة أيت ميزان، اختلفوا الناس على الاسم ديال هاد السيد اللي جا عندو شماهروش كضيف. كاينين الناس كيقولوا أن كان الإسم ديالو هو موسى بن إدريس. وكاينين الناس كيقولوا أن كان السمية ديالو بلعيد، وذكر لنا الباحث حسن رشيخ في الكتاب ديالو اللي دار شماهروش الطقوسي والسياسي في الأطلس الكبير. أن الروايات الشفهية اللي كيتداولها الناس كتقول أن شماهروش ملي مشى ضيف عند هذاك السيد فمشى عندو في الصفة ديال كلب. وكيقول لنا الباحث حسن رشيخ أن هذاك السيد اللي مشى عندو شماهروش فمن المؤكد غادي يكون الإسم ديالو هو بلعيد. وبحكم أن هذيك الأسرة اللي كتسهر على هذاك الضريح واللي مكلفة به فالإسم ديالها هو أيت بلعيد. لكن حنا ما كيهمناش هذاك السيد شكون هو وبقدر ما كيهمنا شنو هي القصة ديال شماهروش وكيفاش حتى جا لتماك. ويقال أن شماهروش ملي جا عند هذاك السيد كضيف لكن في الصفة ديال كلب هذاك السيد تهلا فيه وكلو شربو يعني كان معتني به وبالضبط للمدة ديال أسبوع كامل. شماهروش كان في النهار كامل في الصفة ديال كلب لكن ملي كان كيوصل الليل كان كيمشي للبلاصة فين كاين العود ديال هذاك السيد. كيمشي للبلاصة اللي فيها هذاك العود وكيتحول للهيئة ديالو الحقيقية وكيركب فوق العود وكيمشي للبلاصة فين كاينا دابا شماهروش. علاش كان كيمشي لتماك؟ كان كيمشي باش يتلاقى مع بعض الأصدقاء ديالو اللي من الجن. كانوا كيتلاقاو تماك كيتشافو وكيتسابقوا بهذاك الخيل اللي عندهم، يعني شماهروش كان كيدير هاد القضية كل نهار. لكن هنايا هذاك السيد بلعيد بدا كيحس بلي بلي شي حاجة ماشي هي هذيك وكايشوف بلي الخيل ديالو كيلقاه عرجان وكيلقاه عيان. فهنا دخلو الشك وبغى يعرف السبب كيفاش، هنا في واحد الليلة غادي ينوض غير بشوية وغادي يبدا يتسلت باش يشوف شكون هو هذا اللي كي شفر ليه الخيل ديالو. هنا غادي يتفاجأ بلي شي واحد كيعيط لشماهروش، يا ملك شماهروش يا ملك شماهروش هذاك السيد بلعيد ملي خرج عند هذاك الكلب فجأة. قال ليه شكون أنت؟ وهنا في الحقيقة شماهروش قرر باش يكشف على الهوية ديالو. غادي يدوي معاه وغادي يقول ليه أنا جن أنا جن مسلم وهنا غادي يبان ليه في الهيئة ديالو الحقيقية. غادي يتحول للهيئة ديالو الحقيقية بلباس ملكي وتاج فوق راسه، غادي يعاود ليه شكون هو وغادي يقول ليه بلي راه هو ملك من ملوك الجن وغادي يشكرو على داكشي اللي دار فيه ديال الخير. مباشرة شماهروش غادي يأمر هذاك السيد باش يد معه جوج د الرجال كل راجل من القرية أو من دوار. وبالفعل داكشي اللي دار بلعيد غادي يد معاه جوج د الرجال واحد من قرية إمليل والآخر من قرية إمريك وهاد القريات بجوجهم كينتميو لدوار أيت ميزان. دار معاهم هذوك الرجال بجوجهم وقال لهم خاصنا نتلاقاو في هذيك البلاصة الفلانية بالليل، وخاصنا نديو معنا واحد الذبيحة اللي غادي نذبحوها تماك. وهادشي كامل بطبيعة الحال من الأمر ديال شماهروش هو اللي قال ليه دير هادشي، من بعد هذيك الليلة شماهروش غادي يدي كاع الناس ديال هذيك القبيلة، كاع الناس ديال القبيلة عيط لهم تبعوه وداهم للمقام ديالو. وقف حدا المقام ديالو شير ليه بيديه وقال لهم بلي هاد السيد بلعيد اللي ضايفوا غادي يكون هو الوارث ديالو. غادي يقول لهم بلي كاع الذبائح اللي غادي تنحر فهاد المقام غادي توزع على الأغنياء والفقراء. أما بالنسبة للجلود والرؤوس ديال هذوك الغنائم زائد الهدايا المالية وغيرها غادي ياخدها فقط هاد السيد اللي ضايفني والأولاد ديالو. وهكا شماهروش خلى هاد الوصية ديالو اللي باقا ليومنا هذا. كاع الناس اللي كيمشيو لسيدي شماهروش سواء نساء أو رجال ملي كيكونوا في الطريق ديال العودة ديالهم كيكونوا فرحانين أنهم تخلصوا من هذاك الجني اللي ساكنهم. كيكونوا فرحانين أنهم تهنوا منو وأنهم دازوا في المحكمة ديال شماهروش قاضي قضاه الجن. وكيقولوا بعض النساء اللي مشاو تماك أنهم ذبحوا بعض الخرفان وبعض المعزات اللي اللي من بعد ما رشوهم بالماء زهر والحليب. لكن الأهم هو أنهم قدموا الهدية لهذاك الجني اللي ساكنهم يعني بحال عطاووه مقابل باش يخرج. وبطبيعة الحال هاد الهديه هاد الغرامة المالية وهذيك الذبيحة أو هذاك اللحم ديالها كياخدوها الناس اللي في الضريح والخدام ديالو. واخا مزيان الخوت من بعد ما سمعتوا هادشي كامل دابا بغيت نسولكم واش فايت تفرشتوا فهذاك المسلسل ديال يوسف الصديق القصة ديال يوسف عليه السلام. واش تفرجتوا في هذاك المسلسل فاش كانوا هذوك الكهنة ديال ديال المعبد هذوك الكهنة ديال آمون كيقولوا للناس بلي آمون هو الإله ديالهم هو إله الآلهة.

[16:41]كيف ما شفتوا الخوت هذوك الكهنة كانوا دايرين هذاك الفيلم كامل غير باش ياخدوا الفلوس والهدايا من عند الناس. يعني كانوا كيوهموهم بلي آمون هو الإله ديالهم هو اللي غيدير لهم وغيفعل لهم باش ياخدوا منهم الفلوس وهذوك وهذوك الخيرات ديالو. والمشكلة هو أن هذوك الكهنة بقوا كيمارسوا هادشي بزاف د السنوات وداكشي كيتوارث يعني كيتوارث مع بعضياتهم، ديما كيكذبوا على الناس بلي آمون هو الإله والناس كيجيوا كيعطيو الهدايا وكيعطيو داكشي القرابين وداكشي شكون كياخدوا كياخذوه الكهنة وكيقسموه بيناتهم. كنظن أنكم فهمتوا المغزى اللي بغيت نقول لكم حيت كنشوفوا أنه نفس الأساس، لكن مع ذلك كاينين الناس اللي كيمشيو لتماك. وبالفعل كيتداوا يعني من بعد ما كيكون فيهم على حسب المعتقد ديالهم أن فيهم شي مس ولا فيهم شي حاجه ولا فيهم شي شي سحر ولا جن ولا فيهم شي حاجه، يعني ملي كيمشيو لشماهروش بالفعل كيتداوا وما كيبقاو فيهم والو. يعني شنو التفسير ديال هذا الشيء؟ بكل بساطة الخوت هذاك المريض اللي كيكون كيعاني مثلاً من هذاك المس ولا كيعاني من هذاك يقدر يكون ماشي مس. يقدر يكون غير كيتوهم انه مس وإنما غيكون غير مريض نفساني بشي بشي مرض نفسي اللي اللي ما مثلا يكون مشى عند الطبيب النفسي غيقول ليه شمن مرض عندك وشمن مرض عندك. لكن كيبقى يسمع الأقاويل وكيبقى يسمع الأساطير على هذيك البلاصة ديال شماهروش كيقول إلى مشيت لتماك غادي نتدوا كيسمع هذا أشك يقول وهذا أشك يقول كيسمع القصص ديال الناس. يعني هنا كي تراكموا عندو بزاف د المعلومات على أن هذيك البلاصة بالصح إلى مشى ليها غادي يولي بخير وبالفعل ملي كيمشي لتماك وكيدير هذوك الطقوس. فنفسانيته كترتاح النفسانية ديالو كترتاح وكي اعتقاد أنه بلي بالصح تخلص من داكشي اللي كان فيه. وهكا أوتوماتيكيا كيحس بالتحسن وكيحس براسو بلي ولى بخير وبلي بالصح تداوا. خلاصة القول الخوت خاصكم تعرفوا أن كاينين بزاف د الناس اللي كيستافدوا من هاد الزيارات ديال الأضرحة. يعني بالضبط كاين واحد النشاط التجاري اللي كيستافدوا منو بزاف د الناس، داكشي باش كيبقاو يعظموا في الكرامات وفي الخوارق ديال الولي وكينسبوا ليه. بزاف ديال القصص وكيطوروهم زائد أنهم كيبدعوا بزاف د الطقوس باش يديروهم الناس ملي يجيو لتماك. وهادشي كامل بطبيعة الحال غير من أجل الأرباح المالية اللي كيستافدوا منو، والمثال ديالنا ديال اليوم هو الضريح ديال سيدي شماهروش. كل واحد علاش كيجي كاين اللي كيجي على مس كاين اللي كيجي على حسد كاين اللي كيجي على عين كل واحد وعلاش كيجي. لكن المهم فهادشي كامل والأساس فهادشي كامل هو أن هاد الناس كاملين اللي كيجيوا كيديروا واحد الرواج اللي اقتصادي في هذيك المنطقة. وكيكونوا واحد الأرباح اللي كبيرة ومهمة واللي شماهروش اختار أن هذوك الأرباح لمن غادي يكونوا يعني لمن غيمشيو. أما بالنسبة للناس اللي كاينين تماك فكلهم مستافدين، كاين اللي كيبيع الغنم ديالو كاين اللي كيبيع البقر ديالو كاين اللي كيبيع الدجاج كاين اللي كيبيع الشمع كاين اللي كيبيع البخور كاين اللي كيبيع السكر، يعني الناس مدورة الحركة مزيان. عاد زيد كاينين الناس اللي كيكريو البغال ديالهم والحمير ديالهم حيت كيف قلنا البلاصة ديال شماهروش خاصها واحد جوج د السوايع ماشيين على الأقدام داكشي باش الناس كيمشيو في البغال والحمير وحتى هما كيتكراو وكيخلصوا عليهم باش يركبوا فيهم.