[0:00]فانا عايز النهارده بنعمه رب بنعمه ربنا اكلمكم عن الغربه. ازاي نفكر ان احنا عايشين في الارض في غربه. ان احنا مش مستوطنين في الارض. ما فيش حد عايش فينا في الارض على طول، لا ده هم يومين ورايحين للسماء. يومين وماشيين. معلمنا بولس الرسول بطرس الرسول بيقول لنا اطلب اليكم كغرباء انكم تمل تفكروا ان انتم عايشين في حاله الايه؟ الغربه دي. وفكره الغربه ان الانسان غريب وعايش في غربه موجوده من العهد القديم. من اول ابونا ابراهيم لما ربنا قال له سيب ارضك وعشيرتك وامشي روح للارض اللي انا هاعطيك فيها. فابونا ابراهيم ساب اهله ومشي فاللي بيسيب اهله وبيمشي ده بيحصل له ايه كده؟ بيتغرب وبيعيش في الغربه دي بقى. ومشي بالايمان و وسمع صوت ربنا لدرجه كده يتقال في الكتاب المقدس بالايمان تغرب ابونا ابراهيم في ارض الموعد. بالايمان ابونا ابراهيم تغرب في ارض الموعد. وفكره الغربه فضلت مع اباء كتير في العهد القديم وكانوا ما يبنوش ليهم بيوت. ما كانش يبني بيت من ال من الطوب، كان تملي يعملوا خيمه يعيشوا في خيام. ليه؟ يقول لك اصل انا هاعيش هنا شويه وايه؟ وامشي، يعني هابني بيت ليه؟ وانا قاعد هنا هم شويه وامشي. وفضلت يعيشوا في خيام يقعدوا ويمشوا ويقعدوا ويمشوا فضلت فضلت الفكره الغربه دي موجوده في دماغ اباء العهد القديم. لحد لما جه السيد المسيح له المجد واكد لنا احنا ولاد العهد الجديد، اكدت لنا ان احنا برضه عايشين في غربه. والسيد المسيح قال عن نفسه انا لست من هذا الايه؟ العالم، انا مش من هنا. انا لست من هذا العالم. وقال عن تلاميذه ان هم برضه ليسوا من هذا العالم. لو كانوا من العالم لكان العالم ايه؟ يحبهم، لكنهم ليسوا من هذا العالم. يبقى المسيح واولاده مش من هذا العالم. ولما جه الملك في الاخر خالص بيحاكمه يقول له هو انت ملك؟ قال له مملكتي ايه؟ ليست من هذا العالم. انا ملك اه بس مملكتي مش من هنا، مملكتي ليست من هذا العالم. اذا فالمسيح جه الارض وعاش فيها كغريب وقال انا لست من هذا العالم. انا رايح للسماء ومملكتي مش من هنا، مملكتي في السماء. وقال عن تلاميذه انتوا كمان هتبقوا غرباء عن الدنيا والدنيا مش هتحبكم. وفي انجيل النهارده بيقول هتكونوا مبغضين من الجميع. ليه يا رب مبغضين من الجميع؟ ما اصل انتوا هتعيشوا في الدنيا كانكم غرباء عن الدنيا. لو كنتم من العالم لكان العالم يحبكم. بس انتم لازم تعيشوا في الغربه اللي انتم فيها تعيشوا كانكم منورين. زي ما قال انا نور العالم وانتم برضه ايه؟ نور العالم، لازم تعيشوا في العالم وتنوروه، تبقى انتم النور اللي منور كده في الدنيا. بولس الرسول يقول ايه؟ في وسط جيل معوج وملتوي في وسط الجيل المعوج والملتوي ده اولاد ربنا يحصل لهم ايه بقى؟ يضيئون كأنوار في العالم. وسط جيل معوج وملتوي وسط الجيل اللي احنا فيه ده ولاد ربنا ينوروه كان هم ايه؟ انوار في العالم. حتى الترنيمه اللي احنا بنحفظها في ترنيمه كده جميله كنا بنقولها زمان للاسف ما بقيناش نقول الترنيم بتاع زمان. الترنيمه بتقول لكننا مش من هنا، انا ليا ايه؟ وطن ثاني، انا مش من هنا، انا ليا وطن ثاني. طب ليه بتقول كده؟ ما انا فعلا مش من هنا. انا مش من الارض انا ليا وطن ثاني فين؟ في السماء. والغربه بتاعتي ابتدت يوم المعموديه، الغربه ابتدت يوم المعموديه، اشمعنى يوم المعموديه؟ ما اصل انا لما اتولدت من ابويا وامي كنت بني ادم اتولدت بني ادم ترابي من العالم. فبقيت من العالم كده زي زي بتوع العالم. اول ما اتولدت الولاده الجسديه من الاب والام بنتوولد كبني ادمين عاديين. ونعيش في الدنيا كاننا اولاد الدنيا لحد لما نتعمد اول ما نتعمد بنتوولد منين بقى؟ من الماء والروح وبناخد شهاده ميلاد جديده شهاده ميلاد ايه بقى؟ من السماء بنتوولد من الماء والروح. وناخد باسبور سماوي شهاده ميلاد سماويه وبنبقى اولاد السما. طب انت ابن السماء يبعتوك على السماء على طول. لا انا هقعد بس كام يوم في الارض وامشي.
[5:14]هتطلع امتى طيب؟ معرفش يمكن اطلع دلوقتي ولا السنه الجايه ولا السنه اللي بعديها ولا كم سنه، المهم يعني كم وقت كده كم سنه وماشي. ونفتكر ان احنا غرباء على الارض. فكر الغربه ما بيمشيش من فكر الاباء القديسين. فاكرين يعقوب ابو الاباء لما جه مصر قابل فرعون. لما جه مصر يوسف ابنه جابوا مصر. فقابل فرعون ففرعون بيقول له انت عندك كم سنه؟ عندك كم سنه؟ فقال له انا ايام سنيا غربتي 130 قليله رديئه. ايام سنيه ايه؟ غربتي. هم عارفين ان هم كانوا عايشين في الارض ايام غربه. حتى لو 130 سنه اسمها ايام غربه برضه، اهو شويه وماشيين. وعشان كده المسيح قال لنا لا تكنزوا لكم كنوزا فين؟ في الارض اكنزوا لكم كنوزا فين؟ في السماء، ليه؟ عشان انتم غرباء على الارض هتعيش شويه وماشي، هتسيب كنزك ليه؟ هتعمل كنز في الارض وتمشي، اكنزوا لكم كنوزا فين؟ في السماء. حتى الكنيسه لما تيجي بتصلي اوشيه المسافرين، احنا كل يوم في القداس بنصلي اوشيه المسافرين. بنقول له اذكر يا رب اللي ابانا واخواتنا المسافرين اللي ماشيين في البحر والجو ومعرفش ايه. كن معاهم ورجعهم الى بيوتهم بالفرح فرحين وبالعافيه معافين.
[6:48]وفي نفس اوشيه المسافرين دي نيجي في الاخر نقول ايه؟ ونحن ايضا يا رب. ايه يعني؟ ونحن ايضا يعني احنا مسافرين؟ لا ونحن ايضا يا رب ايام غربتنا في هذا العمر احفظها بغير مضره ولا عاصف ولا قلق الى الانقضاء. يعني احنا كمان ايام غربتنا كاننا مسافرين. وكاننا واحنا بنصلي اوشيه المسافرين للناس اللي مسافره هنا وهنا وهنا بنفتكر نفسينا ان احنا كمان مسافرين. مسافرين ازاي؟ ما احنا متغربين سايبين الدنيا سايبين السما ومتغربين في الارض وماشيين. اذا ففي كل الايات اللي قلتها لكم بتؤكد ان الكنيسه او المسيح له المجد بيرسخ فينا فكره ان انا غريب. وان انا عايش في الارض كغريب. والانسان المسيحي المفروض يحط دي جواه. حتى تلاقوا ايه؟ لما يكون انسان مسيحي بيشتغل في مصنع. والمصنع ده كله ناس مش امناء وناس بياخدوا رشاوي وناس بيزوقوا من من غير غير مواعيد العمل. ولما يلاقوا مثلا واحد مسيحي كده امين قوي وموثق قوي وما يمشيش غير في وقته بالظبط. فتلاقي الناس بتزعق فيه تقول له ايه؟ يقول له انت غريب يا اخي، انت غريب. انت غريب قوي. هو غريب؟ ايوه هو غريب. غريب يعني ايه؟ غريب عن الدنيا، مش من هنا. ايوه هو متغرب، والمتغرب بيسموه ايه؟ بيسموه غريب. يا ريتك كده في كل مكان في انت فيه تشهد للمسيح ويقولوا لك انت غريب عن هنا، انت مش زينا. ايوه انا مش زيكم عشان انا من السماء. في كل المقدمه اللي فاتت دي احنا قلنا ان احنا غرباء في هذا العالم. عايشين في الدنيا سنه اثنين ثلاثه خمسه 10 20 وماشيين بعد كده رايحين وطننا السماوي. لكن انا مش من هنا انا ليا ايه؟ وطن ثاني. طب ايه صفات الغربه بقى؟ لو في واحد ساب مصر وسافر ايطاليا ولا امريكا ولا دبي ولا عشان يشتغل له سنتين ثلاثه يتغرب يعني سنتين ثلاثه ويرجع ثاني. وهو في الغربه ايه صفات الغربه اللي هو فيها دي؟ وتبقى هي دي صفات ايامنا على الارض. رقم واحد اول صفه من صفات الغربه هي تعب، الغربه تعب. ليه؟ تفتكروا واحد شاب عايز يكون نفسه قوم يسافر في بلد اوروبي ولا حاجه. يروح هناك يتنخ يروح يرتاح؟ لا. يقول لك انا جاي هنا عشان ايه؟ اتعب انا هتعب لي سنتين واكون لي قرشين واروح بلدي بعد كده. فيقعد يتعب ويمكن يشوف له شغلانه ثانيه فوق الشغلانه بتاعته. يعني لو كان اشتغل شغلانه مثلا من الصبح للساعه خمسه يقول لك انا هروح اعمل ايه؟ وانا قاعد لوحدي اروح اعمل ايه؟ اشوف لي شغلانه ثانيه من خمسه ل 11. طب ما انت هتتعب، يقول لك وماله. انا جاي هنا عشان ايه؟ انا جاي هنا عشان اتعب. فانا هتعب لي وتعب قوي هم سنتين، اتعب بس كون لي قرشين حلوين اخدهم وايه؟ واسافر. فالغربه تعب. وطول ما احنا ايام غربتنا في الارض الارض دي اسمها ارض الشقاء والتعب. طول ما انت في الارض ما تحاولش ترتاح، اتعب. اتعب من اجل الله. ولما يجي الشيطان يقول لك انت كده بتتعب قوي، قول له هم يومين وماشي. هم يومين وماشي. وعشان لما اروح السماء تعبي ده كله يكون متشل فين؟ في السماء. فالناس اللي عايشه على الارض ايام راحه، لا خلي بالك من نفسك الارض مش للراحه. الارض للشقاء. الارض للتعب. الارض للتحويش عشان تحوش. الراحه الوحيده هتبقى فين؟ في السماء مكان الراحه الابدي هيبقى في السماء. فالغربه رقم واحد هي مكان للتعب فلما تتعب يقولوا ماشي وماله؟ هم يومين وماشي. نمره اثنين الغربه محدوده. محدوده. ما حدش بيتغرب طول عمره. حتى لو طولت شويه بس كده كده انا هرجع بلدي. فالغربه محدوده ودي تحطها في بالك ان غربتك على الارض محدوده. وبما انها محدوده قول معلش، هم شويه وهانت، هم يومين وماشيين. فلو الدنيا غلست عليك شويه، قول معلش، هم يومين واكملهم وامشي. غربه محدوده، مش غربه يعني انا مش هقعد هنا على طول. يعني لما يكون واحد مثلا مسافر بره. وبعدين ال وهو قاعد في السكن بتاعه الجيران يدقوه. ويغلسوا عليه، فبيقول لنفسه ايه؟ معلش ما انا يومين وماشي. مش مهم هم غلسين غلسين، بس هم يومين وماشوا خلاص، هو انا قاعد معاهم، انا سايبهم وماشي. فبيصبر نفسه بكلمه ايه؟ هم يومين وانا ماشي. جيران حلوين بقى جيران وحشين هم يومين وانا ماشي. طيب لو جيراننا في الارض حبوا يغلسوا علينا زي ما المسيح قال لنا كده تكونون مبغضين من الجميع. نصبر نفسينا ونقول ايه؟ معلش هم يومين وماشيين. وبصبركم تقتنون ايه؟ انفسكم بصبركم ده انتم هتكسبوا السماء. اذا فايام الغربه رقم واحد هي ايام تعب، نمره اثنين ايام ايه؟ محدوده. نمره ثلاثه اللي في الغربه بيحوش ويبعت لاهله. صح كده؟ لما يكون في شاب سافر ايطاليا ولا دبي ولا امريكا بيعمل ايه هناك؟ قلنا بيتعب عشان يجيب فلوس، والفلوس اللي بيجيبها يعمل فيها ايه؟ يبعتها لاهله هنا في مصر بقى. يقول لهم كل ما اشتغل كل ما اكون فلوس هبعتها لكم. وتشيلها لي عندكم هنا. يقول يابا انا خلي بالك يابا كل ما هكون قرشين هبعتهم لك، حطهم لي في البنك بقى لحد اما اجي. والواد يشتغل ويبعت والاب يحوشهم له، الواد يشتغل ويبعت والاب يحوشهم له، سنتين ويخلصوا الواد يرجع فين الفلوس يابا؟ في البنك يا حبيبي اهي زي ما هي. فيرجع يلاقي كنزه موجود في البنك بقى. وده اللي احنا بنعمله على الارض. نتعب ونحوش ونبعت فين؟ نبعت للسماء. ونقول له يابا خل لنا دول عندك، شيل لنا دول عندك، شيل لنا دول عندك، اب ده بقى هو مين؟ هو المسيح له المجد. ابعت تعب وابعت صلوات وابعت مطانيات وابعت خير بتعمله مع الفقراء. كل تعب بتتعبوا من اجل الله هو عباره عن تعب انت بتحوشه وبتبعته على السماء. اكنزوا لكم كنوزا فين؟ في السماء. عشان لما تقض ايام غربتنا على الارض ونرجع لوطننا فين يابا الحاجه اللي انا شلتها عندك؟ ايه يا حبيبي حاجتك معاك اهي. يعني واحد زي الانبا ابرهام ده كان بيعمل ايه طول عمره؟ بيحوش للسماء بيحوش ويبعت للسماء، بيحوش ويبعت للسماء. ولما تدوا له فلوس عشان يبني مطرانيه قال لهم انا بنيت مطرانيه في كمان فين؟ في السماء. فلما سافر بقى الانبا ابرهام ورجع لبلده ثاني رجع للسماء ثاني لقى فلوسه كلها وحاجته كلها وتعبه كله موجود في السماء. لكن لو عشت ايام غربتك وما بعتش حاجه لابوك ينفع؟ ينفع هو شاب يسافر يقعد سنتين يشتغل وما يبعتش قرش لابوه. طب لما ترجع بلدك ثاني هتعمل ايه؟ هترجع تقول لي ما كما خلقتني زي ما رحت زي ما جيت. هكذا الانسان اللي بيتعب في الارض من اجل الارض. وما بيبعتش حاجه للسماء. ربنا يقول لك انا سبتك في الارض 20 و30 و50 سنه ما بعتليش حاجه خالص؟ ما فيش حاجه بعتها للسماء، ده انا عمال اقول لكم اكنزوا لكم كنوزا في السماء. من ضمن صفات الغربه كمان انه الانسان اللي بيعيش في الغربه لغته مختلفه عن ارض الوطن عن ارضهم. لغته مختلفه. حتى لو اتعلمها بس برضه بتبقى لكنه مش مش مش مضبوطه. صح كده؟ يعني لو في واحد اجنبي جانا مصر.
[15:48]واتعلم عربي بس وهو بيتكلم عربي برضه بنحسه ان هو ايه؟ غريب مش مش بتاعنا ده. فبرضه الانسان مننا الانسان السماوي اللي عايش في الارض يعيش في الارض ولغته ايه؟ غريبه، يقول لك انت غريب. انت لغتك مش مش زي بتوعت الارض. مش واخد اللغه بتاعه اليومين دول.
[16:47]لا انا مش من هنا، انا لغتي سماويه، لغتي انجيليه، لغتي فيها ايات كلامي حلو، كلامي مليان بايات الانجيل وبكلام ربنا، بتكلم دايما عن ربنا. ماحلفش ابدا اقول كلمه صدقني اقول كلمه بامانه ونعيش بامانه ونتصرف بامانه. نعيش في وسط الناس كانوار للناس، لغتك تظهرك. الناس الغرباء بتبقى لغتهم مش زي لغه الناس اللي عايشين في وسطهم. حاجه كمان في الغربه اللي بيعيش في الغربه لا يحزن على شيء في غربته. يعني ايه؟ يعني مثلا لو واحد عايش في امريكا في البلد الفلانيه. وخلاص عرف ان ايام غربته خلصت فدوله شهر ورجع مصر. ماشي وبعدين. وهو هناك لسه في امريكا الشارع اللي ساكن فيه بهدلوه، يعني كان متسفلت فبهدلوا الشارع. هو يحزن على الشارع؟ لا ما بهدلوه ولا ما بهدلوش انا كده كده ايه؟ سايبه وماشي. ما بيحزنش على حاجه. كان في مدرسه هنا وقعت، انا مالي ما تقع. انا كده كده ماشي. فاهمين ازاي؟ فاللي عايش في غربه ما يحزنش على الغربه. هكذا برضه المسيح قال لنا لا تحزنوا على شيء في هذا العالم ابدا، ابدا. ما تحزنوش على حاجه في الدنيا، الحاجه الوحيده اللي تحزنك ان مكانك اللي في السماء ممكن يروح منك بس. لكن اللي في الدنيا مش مهم. شالوني من الشغل الفلاني حطوني في الشغل الفلاني، مش مهم. ظلموني ما اعرفش مش مهم. انا لا احزن على شيء في هذه الدنيا ليه؟ لان كده كده غريب كده كده ماشي. انا مش من هنا، انا ليا وطن ثاني. فتشيله وتحطه تسفلته ما تسفلتوش انا مش من هنا اساسا انا ليا وطن ثاني. اخر حاجه الانسان الغريب دايما يحن لوطنه. يعني ايه دايما يحن لوطنه؟ يعني الانسان المصري مثلا اللي عايش في امريكا في ايام غربه عايش في الغربه سنه واثنين وثلاثه. اول ما تيجي سيره مصر ها؟ قال له يتحرك كده يا نفسي ارجع بقى. اول ما يفتح الراديو يلاقي اغنيه مصريه يقول يااه من زمان ما سمعتش الحاجات المصريه دي، نفسي ارجع بقى. وتمل يبقى عنده حنين ل ال للوطن بتاعه. هكذا برضه الانسان السماوي دايما لما تيجي سيره السماء يقول يا يا رب نفسي اجي لك بقى. زي ما بولس الرسول كان بيقول لي اشتهاء ان انطلق واكون مع المسيح في السماء. طب ما انت عايش في الارض يا بولس ما تصبر شويه، لا انا مش عايز الارض انا غريب في الارض وتمل بحن الوطن الايه؟ السماوي. عايز اقول لكم ان احنا غرباء في هذا العالم، احنا غرباء في هذا العالم. والغريب بيتعب والغريب ايامه محدوده والغريب بيحوش ويبعت للسماء. والغريب كل ضيقه بيشوفها يقول هانت ما هي ايام محدوده. والغريب لغته مختلفه عن لغه الارض، والغريب لا يحزن على شيء في هذا الارض لانه غريب. اخيرا الغريب دايما بيحن للسماء، ربنا يدينا هذا الشعور عشان ما نبكيش على حاجه في الدنيا وتملي نحل للسماء لالهنا المجد الدائم الى الابد امين.
