[0:00]Alhamdulillah. Alhamdulillah. Nahmaduhu wanasta'inuhu wanastaghfiruhu wanuminu bihi wanatawakkal alaih. Wa naudzubillahi min sururi anfusina wa min sayyiati a'malina. May yahdihillahu fala mudillalahu wa may yudlil fala hadiyalah. Wanashhadu an la ilaha illallahu wahdahu la syarikalah. Wanashhadu anna sayyidana wa maulana Muhammadan 'abduhu wa rasuluh. Amma ba'du fa'auzubillahiminasyaitanirrajim. Bismillahirrahmanirrahim. Alif Lam Mim. Dzalikal kitab la raiba fih hudallil muttaqin. Allahumma salli ala Muhammadin wa ala ali Muhammadin kama sallaita ala Ibrahima wa ala ali Ibrahima innaka Hamidum Majid. Allahumma barik ala Muhammadin wa ala ali Muhammadin kama barakta ala Ibrahima wa ala ali Ibrahima innaka Hamidum Majid. Aaj Fajr ki namaz mein maine Quran-e-Karim se Surah Baqarah ki pehli 20 aayat tilawat ki. In mein pehli paanch aayat mein Allah Ta'ala ne Tawheed aur Mumineen ka zikr farmaya hai. Dusri do aayaton mein Kuffar ka zikr farmaya hai. Aur uske baad 13 aayat mein Munafiqeen ka zikr farmaya hai. Aap isse andaza farmayen ke yeh mazameen kitne aham honge. Guzashta safar mein isi jagah par maine Suratul Fatiha ka saat din dars diya tha. Aur har roz ek aayat par baat ki thi ke mukammal Suratul Fatiha ko sun len. Toh pehli aayat mein Allah Ta'ala ne zikr farmaya hai Mumineen ki sifaat ka. Ek baat yeh zehen nasheen farma len ke Quran-e-Karim ki 114 suratein. In mein pehli surat Suratul Fatiha yeh batore muqaddama aur batore khulasa ke hai. Aur uske baad 113 suratein yeh Quran-e-Karim ki phir tafseer shuru ho jati hai. Jis tarah sabak padhane wala ustaad yeh baat kahe ke aaj mera ek ghante ka bayan hoga. Aur pehle aap teen minute mein usi bayan ka khulasa sun len aur isi par maine tafseel se baat karni hai. Toh isi tarah Suratul Fatiha mein Allah Ta'ala ne aage 113 aayat mein jo mazameen bayan farmaye hain, toh unka khulasa bayan farmaya hai ke yeh khulasa hai aainda 113 suraton ka. Is par main tafseel se baat kar chuka hoon. Pure Quran-e-Karim mein Allah Ta'ala ne chhe mazameen ko bayan farmaya hai. Number ek tawheed, number do qayamat, number teen risalat, number char ahkam, number paanch manane wale aur number chhe na manane wale. Aur in chhe ka tazkira Suratul Fatiha mein farmaya hai. Alhamdulillah Rabbil Alamin, Ar-Rahmanir-Rahim Tawheed ka bayan kiya hai. Malik-e-Yawmiddin yahan Qayamat ka bayan kiya hai. Iyyaka na'budu wa iyyaka nasta'in yahan Ahkam ka bayan farmaya hai. Siratalladhina an'amta 'alaihim sabse pehle Risalat ka bayan hai aur phir manane walon ka. Ghairil maghdubi 'alaihim walad-dallin mein na manane walon ka. Ab tafseel shuru ho rahi hai Alif Lam Mim. Dzalikal kitabu la raiba fih. Isliye main mukhtasar si pichhli tafseel arz kar raha hoon, mukhtasar si baat. Hum jab namaz padhte hain toh har rakat mein Suratul Fatiha padhte hain. Aur agli surat Suratul Fatiha ke sath koi aur milate hain. Har rakat akele hain toh khud padhte hain. Jamaat ke sath hain toh Imam padhte hain. Toh hum Imam ke pichhe hote hain. Toh har rakat mein Suratul Fatiha aur sath kuchh zaaid. Aur Farz ki aakhri do rakaton mein aur Maghrib ki aakhri rakat mein sirf Suratul Fatiha. Is ki wajah kya hai ke Allah chahte hain ke mera banda mere samne khada ho kar mera Quran sunaye. Toh pura Quran aadmi ek rakat mein padhe toh mumkin nahi hai. Isliye pehle pure Quran ka khulasa suna de. Aur uske baad kuchh tafseel bhi suna de. Toh Alif Lam Mim se tafseel shuru hoti hai. Ab aap dekhen jo Quran-e-Karim ki tafseelat Suratul Baqarah se chal rahi hain. In mein sabse pehla lafz hai Alif Lam Mim. Aur Quran-e-Karim ke bare mein humara Ahlus Sunnat wal Jamaat ka aqeedah hai ke yeh Allah Ta'ala ki sifat hai. Allah Ta'ala ki sifat hai aur Allah Ta'ala ki tamam sifaat qadim hain. Qadim ka ma'na kya hai? Hamesha se. Allah Ta'ala bhi hamesha se Allah Ta'ala ki sifaat bhi hamesha se. Isliye aqeedah rakhen ke Quran-e-Karim yeh hamesha se hai. Toh un mein Alif Lam Mim yeh Allah ki sifat hai. Ab aap ke zehen mein aayega ke Alif kaise sifat hai, Lam kaise sifat hai, Mim kaise sifat hai? Toh yeh baat zehen nasheen farma len ke Alif Lam Mim yeh Quran hai aur Allah ka ilm hai. Aur ilm Allah ki sifat hai. Lehaza Alif Lam Mim bhi Allah ki sifat hai. Ab Allah Ta'ala ki jo sifaat hain, buniyadi taur par woh do qism ki hain. Number ek muhkamaat, number do mutashabihat. Muhkamaat un sifaat ko kehte hain jo bilkul wazeh hain. Jis ka ma'na saaf saaf samajh aata hai. Rabbul Alamin Allah ki sifat hai aur pata chal raha hai is ka matlab kya hai? Malik-e-Yawmiddin sifat hai aur samajh aa rahi hai is ka ma'na kya hai? Ar-Rahmanir-Rahim sifat hai aur samajh aa rahi hai is ka ma'na kya hai? Aur baaz sifaat woh hain ke jo mutashabihat hain. Mutashabihat un sifaat ko kehte hain ke jin ka ma'na samajhna bande ki ikhtiyar mein na ho. Bande ko na samajh aaye ke in ka ma'na kya hai? Allah Ta'ala ki sifaat do qism ki hain. Number ek Sifaat-e-Zatiyyah, number do Sifaat-e-Fe'liyyah. Sifaat-e-Zatiyyah un sifaat ko kehte hain ke Allah Ta'ala us sifat ke sath mausuf ho, lekin us sifat ki zidd ke sath mausuf na ho. Aur yeh saat hain. Number ek Hayat, number do ilm, number teen Qudrat, char Irada, Kalam, Sama' aur Basar. Yeh Allah Ta'ala ki woh sifaat hain ke jinhen kehte hain Sifaat-e-Zatiyyah. Dekhen Hayat Allah ki sifat hai. Allah Hayyun hain. Aur Hayat ki zidd Maut. Mayyitun. Allah Hayyun hai Mayyitun toh nahi ho sakte na? Yeh Allah ki sifat-e-zati hai. Ilm Allah ki sifat-e-zati hai. Is ka ma'na Allah Aleem hai. Aur Aleem ki zidd kya hai? Ilm ki zidd Jahalun. Aur Sahib-e-Jahal Jahalun. Toh Allah Aleem toh hain, Alayazubillah Jahil toh nahi hain na? Achha isi tarah Kalam. Mutakallim Allah ki sifat hai. Aur Kalam ka zidd kya hoti hai? Goonga hona. Toh Goonga hona toh Khuda ki sifat nahi ho sakti na? Sama'un ka ma'na hai sunna. Sami' yeh Allah ki sifat hai. Aur Sami' ki zidd kya hai? Behrapan. Toh Allah behre toh nahi hain? Isi tarah Irada. Allah Ta'ala Fa'alullima yureed. Aur jis ka koi Irada, usse kehte hain Mutaraddid. Yeh kya program hai? Mera ghar jane ka Irada hai, aap ka? Samajh nahi aa rahi. Yeh Irade ki zidd hai Taraddud. Toh Allah toh Irada farmate hain na? Toh yeh saat sifaat Allah Ta'ala ki Sifaat-e-Zatiyyah hain. Hayat, Ilm, Qudrat, Sama', Basar aur Kalam. Qudrat. Qadir hona. Is ka zidd kya hai? 'Ijz, 'Ajiz hona. Toh woh sifaat jo Allah ki sifat banen aur us ki zidd Khuda ki sifat na ban sake, inhe kehte hain Sifaat-e-Zatiyyah. Aur dusri qism hai Sifaat-e-Fe'liyyah. Sifaat-e-Fe'liyyah un sifaat ko kehte hain ke woh sifat bhi Allah ki sifat ho,
[9:06]aur us ki zidd bhi Allah ki sifat ho. Us ki misal Ihyaa. Ihyaa ka ma'na Zinda karna. Aur zinda karne wale ko kehte hain Muhyi.
[9:25]Ab Ihyaa ki zidd kya hai? Imaatah. Aur marne wala Mumeet. Toh Allah Muhyi bhi hain Allah Mumeet bhi hain. Toh jo Allah ki sifat banen aur us ki jo zidd hai woh bhi sifat banen.
[9:56]Achha, isi tarah ek hai 'Izzat. Mu'izz. 'Izzat dena. Is ki zidd kya hai? Izlal. Muzil. Zaleel karna. Toh Allah Mu'izzun bhi hain Allah Muzillun bhi hain. Allah Hadi bhi hain Allah Muzil bhi hain.
[10:24]Toh Sifaat-e-Muhkamaat ki do qismein hain Sifaat-e-Zatiyyah aur Sifaat-e-Fe'liyyah. Aur Sifaat-e-Zatiyyah saat hain. Baqi sifaat fe'liyyah. Is ke alawa aur bhi aap ko sifaat milengi. Toh woh Sifaat-e-Zatiyyah ke tahat aa jayengi. Woh Sifaat-e-Masalan. Allah Hakeem hai. Allah Hakeem hai. Ab yeh toh nahi hai Allah Hakeem na ho. Toh Sifat-e-Zati hui nahi. Halanke yeh un saat ke andar nahi hai. Is ka ma'na yeh hai ke un saat ke tahat kisi na kisi sifat ke andar hi aati hai. Toh woh saat sifaat ko kehte hain Ummul Sifaat. Baqi us ke tahat aati hain. Hakeem kaun hoga jo Aleem ho. Woh hi hoga na? Hakeem kaun hoga jo Aleem ho. Ilm nahi hoga toh Hakeem kaise hoga? Toh Sifat-e-Aleem ke sath aa jayegi na? Meri baat samajh aa gayi? Aur Sifaat-e-Mutashabihat is ki do qismein hain. Number ek Ghair Ma'lumul Ma'na Ghair Ma'lumul Murad. Ghair Ma'lumul Ma'na Ghair Ma'lumul Murad. Yeh jo ilmi alfaz aate hain, is se khud ko ma'nus karein. Is ko sunne ki aadat daalen. Is ko samajhne ki aadat daalen. Hamara ek aam mizaaj bana hua hai ke yeh awam ka majma hai is mein ilmi baat na karein. Toh maine kaha phir is mein jahalat ki baaten karein. Ya'ni woh pehle hi jahil hai. Upar aur jahalat daalen in ko, double jahil bana len. Bhai jo aalim nahi hai us ko ilmi baat karenge toh us ke andar ilm aayega na? Toh hamein pattiyan kya padhai jati hain? Bhai yeh Ulema nahi hain. Is mein ilmi baat na karein. Bhai ilmi baat karenge toh ilm aayega na? Sahaba-e-Kiram Radiyallahu 'anhum Ajma'een Rasool-e-Akram Sallallahu 'alaihi Wasallam kalma padh kar aap ke Sahabi bane toh un ke paas ilm nahi tha. Jab ilm nahi tha toh Allah ke Nabi ne baaten kaun si farmayi? Ilm ki. Nateeja kya nikla? Aalim ban gaye. Subhanallah. Toh main aap mein ilmi baaten karunga toh aap aalim banenge na? Aur agar aap ilmi baat hi nahi karunga toh aap aalim kaise banenge? Is ka nuqsan kya hoga? Main aap ke darmiyan ilmi baat karunga nahi. Aap kisi aur se baat sun lenge. Hogi ilmi ta'alluq. Hamare mukhalif hogi. Aap us aqeede ko bana kar baith jayenge. Ab jab aap aayenge ki samjhao, woh aisi darmiyan mein ghusi padi hogi us ko nikalna mushkil ho jayega. Isliye main awaami ijtim'aat mein aalimana baaten karta hoon. Aur us se ilmi zauq banta hai. Logon ko log baat samajh aati hai. Lekin jo baat main keh raha hoon yeh toh ho sakta hai aap is ko bayan itni jaldi na kar saken. Lekin yeh toh nahi ke aap ko samajh mein nahi aa rahi. Samajh toh aa rahi hai. Baqi record ho rahi hai baat, aap is ko ghar ja kar phir sunen. Aap is ko phir sunen. Aap is ko phir sunen. Toh phir aap ko bayan karna bhi aayega. Aap ka ta'alluq Tablighi Jamaat se hai. Toh aap chhe number bayan karte hain. Saal mein ek martaba ya har roz? Ji? Har roz kyun karte hain?
[13:39]Bas ek martaba bol ke chhod den. Jab un ko aap har roz bayan kar rahe hain. Toh is ilmi baton ko bhi har roz bayan karen na? Phir na aaye toh mujhe kehna ji mujhe nahi aa rahi. Aap kaun hain? Kisi Peer Sahab ke mureed hain. Aap Peer Sahab ki baaten rozana karte hain. Toh aap rozana na karen. Toh jab aap Peer Sahab ki baat rozana karte hain, aap ko Peer Sahab ki baat samajh aa gayi hai. Toh jab ilmi baaten rozana karenge toh yeh bhi aa jayegi. Hum ilmi baaton ke muzakare ka mizaaj hi nahi bana rahe. Us ilmi baaton ke muzakare ka mizaaj na banane ka nateeja kya hai? Ke ji mere paas toh ilm nahi hai. Bhai nahi hai ilm toh seekho. Ilm nahi hai toh ilm seekhe na. Chalo jis ke paas ilm hai woh na seekhe toh samajh aati hai. Jis ke paas ilm nahi hai woh kyun nahi seekh raha? Woh bhi ada hua hai ji main ne nahi seekhna. Aap bhi ada hain nahi seekhna. Main bhi ada hoon nahi sikhana. Chalo yeh jang aap jeetenge ya hum jeetenge? Koi toh jeetega na. Dono talne wale nahi hain. Aalim ko apni baat pe khada rehna chahiye. Allah Ta'ala phir afraad tayyar farmate hain. Phir us ka mizaaj banta hai. Toh Mutashabihat ki do qismein hain. Ghair Ma'lumul Ma'na aur Ghair Ma'lumul Murad. Number ek. Number do. Ma'lumul Ma'na Ghair Ma'lumul Murad. Hum ne Mutashabih ka ma'na bayan kya kiya tha? Jis ka ma'na kisi ko na aaye. Jis ka ma'na kisi ko na aaye. Ab is ki do qismein hain. Number ek Ghair Ma'lumul Ma'na Ghair Ma'lumul Murad. Ya'ni us ka Arbi mein ma'na kya hai woh bhi samajh na aaye. Aur yahan Allah kya chahte hain yeh bhi samajh na aaye.
[15:34]Alif Lam Mim. Aap dunya jahan ki sari Arbi lughat ki kitaben utha len. Aur us mein poochen ke Alif ka ma'na kya hai? Koi ma'na nahi hai. Lam ka ma'na kya hai? Mim ka ma'na kya hai? Alif Lam Mim Huruf-e-Muqatta'at. In ka ma'na kya hai? Kaf Ha Ya 'Ain Sad ka ma'na kya hai? Nun ka ma'na kya hai? Yasin ka ma'na kya hai? Arbi lughat mein nahi hai. Isse kehte hain Ghair Ma'lumul Ma'na. Ya'ni lughwi ma'na bhi ma'lum nahi. Aur yahan shariat ki muraad kya hai? Yeh bhi ma'lum nahi. Wo kehte hain Alif Lam Mim Allahu A'lam bi Muradih. Is ka ma'na Allah hi jante hain. Toh isse kehte hain Ghair Ma'lumul Ma'na Ghair Ma'lumul Murad. Kya ma'na? Ke lughwi ma'na bhi ma'lum na ho. Aur muraad-e-shar'i bhi ma'lum na ho. Aap ko samajh aa gayi ke nahi? Log kehte hain ji Aqeeda bahut mushkil hai. Ya'ni kitna mushkil hai jo mazdoor ko bhi samajh aa rahi hai. Woh ji aap batayen Iman har bande ke zimme hai ya nahi? Ji? Toh Allah bande ke zimme mushkil kaam lagate hain jo banda kar hi na sake? Allah bande ko us baat ka mukallaf nahi banate jo bande ki ikhtiyar mein na ho. Toh agar yeh aqeedah itna mushkil hota ke samajhna bande ki ikhtiyar bhi na hota toh Allah aqeede ka mukallaf kyun banate? Mukallaf isliye banaya hai ke banda is ko samajh tak sakta hai. Isliye bataya ke banda is ko samjha sakta hai. Lekin yeh tab jab banda samajhna chahe, jab banda samjhana chahe. Main is ki bahut sari misalen diya karta hoon. Aap kisi bande se poochho.
[17:27]Jo jahaz chalana nahi janta. Bhai jahaz chalana mushkil hai ya asan hai? Maine kaha ji bahut mushkil hai. Aur jo chalana janta hai, kehta hai bahut asan hai. Achha jo cycle chalana nahi janta, us se poochho cycle, keh raha bahut mushkil hai main nahi chala sakta. Aur chalana janta hai, kehta hai koi baat hi nahi hai. Toh jo us ne seekha hai, us ke liye jahaz chalana bhi asan hai. Aur jis ne nahi seekha, us ke liye cycle chalana hi mushkil hai.
