What is Astral Travel Ep. 01

[0:00]Aaj hum karne wale hain astral travel aur astral travel karne se pehle humein pata hona chahiye astral travel hota kya hai. Ab aapki body ke andar se aapki astral body ka ye do kism ki body hoti hain, gaur se samjhna isko. Ek hoti hai hamari physical body ye, ye meri physical body hai aur ek hoti hai astral body jisko soul keh sakte hain ya phir jisko consciousness khas taur pe keh sakte hain. Ab is body ka is astral body ka aapki physical body se bahar nikal jaana aur bahar nikal ke woh puri duniya ke andar agar phire aur uski information direct aapki physical body aapke dimag tak pahunch jaaye. Isko astral travel kehte hain. Ab iske andar jinhone astral travel kiya hai unhone ye bataya hai ke woh apne dimag se upar chale gaye the. Kuch ne bataya woh apne kamre se bahar chale gaye the. Kuch ne bataya woh apne dimension se hi door chale gaye the. Aur jinhone pehli dafa astral travel ka suna hai unko shayad lag raha hoga ye jhoot hai ya phir farzi baaten hain. Lekin jab hum CIA ke topic pe aayenge ke unhone kis tarah apne agents ko sikhaya astral travel taaki woh apne mukhtalif agendas pe kaam kar saken to aapko ye pseudo science nahi lagegi. Theek hai. Ab ye astral travel ki history na humein bahut purani mil jati hai. 3000 BC before Christ humein Egyptians ke andar ye concept mil jata hai unke hieroglyphs. Hieroglyphs usko kehte hain jo pyramids ke upar woh ajeeb se woh nahi likhe hote the unko hieroglyphs kehte hain. Main picture laga dunga. Ab un Egyptians ke andar concept hota hai Ka ka. Astral body ko woh kehte hain Ka. Jis tarah hum soul kehte hain ya phir consciousness kehte hain woh Ka kehte the aur isi liye pyramids ke andar jab woh apni mummies ko rakh dete the mummy bana ke to saath mein khane peene ki cheezein dete the us Ka ke liye ke iski jo rooh hai na iski jo astral body hai woh yahin pe phiregi aur woh khana shana khaegi. Toh ye aapko connect ho gaya hoga. Dusra ahem point jo Plato tha na Plato ne apni ek text ke andar jiska naam tha Phaedo uske andar bataya ki meri ek physical body hai ek meri alag body hai jisse main puri duniya mein travel karta hoon. Coincidence keh lo ya phir kuch bhi lekin Hinduism ke andar aapko concept milega Sukshma Sharira ka matlab two bodies. Ab iske andar ye hota hai ke subtle body hoti hai jo ke alag hoti hai physical body se aur ye travel karti hai poori duniya ke andar aur even dusri dimensions ke andar. Iska hum proper zikr karne wale hain dusri dimension ka mujhe yaad karwana comments mein. 19th century ke andar Helena Blavatsky mujhe sahi se naam nahi aa raha. Ye Theosophical Society ki founder thi aur isne concept diya tha astral plane ka. Jis tarah timelines hoti hain na mukhtalif timelines isi tarah astral ki bhi timelines ki plane hoti hain. Ek hamara physical plane chal raha hai aur uske parallel hamari astral body ka ek physical uske liye physical plane chal raha hai. Abhi shayad ye cheezein thodi si mushkil lagen lekin aage jaake ye sab easy ho jayega. Ab agar aap iska reference koi padhna chahte ho matlab apne liye agar koi book padhna chahte ho to aap Robert Monroe ki book Journeys Out of the Body ye padh sakte ho background ke andar taaki aapko thoda sa context samajh aa jaye. Aur next mein hum samajhne wale hain kis tarah FIA, CIA ye sare kaam karti rahi hai, theek hai.