[0:00]السلام عليكم يا صديقي وزي ما انت شايف في عنوان الفيديو كده لو رجع بي ان شاء الله الزمن لورا. واخذت نسخه مني كده حطيتها في 2019 مثلا وقلت انا هبدا ان شاء الله اتعلم انجليزي من الصفر. كنت هنصح نفسي بايه؟ ايه المصادر اللي كنت هتابعها والحاجات اللي ان شاء الله كنت عمري ما هعملها وازاي كنت هتعامل مع الملل والتشتت وكثر المصادر وكل الحاجات اللي احنا بنعاني منها لو بنتعلم اي لغه. كل اللي هقوله لك ان شاء الله في حلقه النهارده هي عصاره العصاره من التجربه العمليه من ارض الميدان كده مع طلابي في ارض الواقع. يلا بينا نبدا اللهم علمنا ما ينفعنا وانفعنا بما علمتنا وزدنا علما اللهم اجعل هذا العمل خالصا لوجهك وسببا في تيسير رزق وعلم كل من يشاهدني اللهم امين يا رب. يلا بينا معكم اسلام اي كي اي سامكس في حلقه جديده من انجلش شوارع.
[0:48]يلا بينا نبدا بسم الله كده على نظافه في اي لغه انت محتاج اربع مهارات. اثنين منهم اساسيين واثنين كده كده ان شاء الله بيجوا معاك. اثنين اساسيين استماع ومحادثه اللي بيجوا كده كده معاك قراءه كتابه. حلو حط دول على جنب هات لي دول ركز لي فيهم امسك بقى في اهم حاجه الاستماع اي لغه تخش الاول وبعد كده تبقى تفكر تتكلم بيها. الاستماع بقى يا جماعه الخير بيقابلك فيها مشكله كبيره جدا. ان عدد المصادر اللي موجوده فيها اكثر من شعر دقني يعني هو مش هتشوفوا بس هو اكثر منه بكثير. اسمع مني بقى الكلام ده ارجوك مش كل فيديو شورت حلو تشوفه تقوم واخذ لك سكرين شوت يا اخي موبايلك اتخنق من كم الصور اللي موجوده عليه وما بتشوفهاش اصلا. اخر فيديوهات الشورت تمدك ب1% معلومه ولو ما استعملتهاش ما لهاش لازمه. فطالب منك تفصل ايوه افصل هدوء خش اوضتك وامسك كده ورقه وقلم وحدد ايه عيوبي في اللغه. اقعد تصالح مع نفسك هو انا دلوقت استماعي حلو ولا وحش طب باعرف اتكلم ولا كلامي ضعيف جدا حدد العيوب ولا اساسا ولا كلام ولا استماع ولا اي حاجه. حدد العيوب حددت العيوب تقدر بعدها تسخر اي مصدر اي مصدر ان شاء الله. بتتفرج عليه تقدر تسخره لمساعدتك في العيب بتاعك ازاي يا عم اسلام الكلام ده انزل معي يا صديقي على ارض الواقع وتعالى اوريك بنفسك ان شاء الله تسخر ازاي اي محتوى لمساعدتك. القناه اللي هنستعملها مصدر قوي جدا اسمها هاي ليفل ليزنج اسمها يخوف ولا هتتهز بص معي واحده واحده. تفتح القناه دي من اجمل القنوات هتطلع لك مدرسه امريكيه وبريطاني الاثنين بيتكلموا مع بعض محادثه مدتها 30 ثانيه في موضوع معين. ويقعدوا يشرحوا ال 30 ثانيه دول في 30 دقيقه يعني لو انت بقى سايق بتعمل حاجه هتقعد تفسر لك انا ليه قلت كل جمله في ال 30 ثانيه دول على مدار نصف ساعه. ف على الهادي قوي زي مثلا هنا بتشرح انا ليه قلت تو هات. لان تو دائما معناها سلبي عشان كده معظم الوقت بنسمع الناس بتقول اي لاف يو سو ماتش فيري ماتش ولكن تو تحس انها مش ضابطه. لان معناها سلبي معناها انا باحبك زياده عن اللزوم انت اساسا ما تستحقش الحب ده كله. The thing is still loaded. It's got a clip in it. Talk too much. Too much. Talk too much. Too much. Talk too much. Too much. That's too much cologne.
[3:06]وتبدا بقى تتعلم حته حته. تتقوى في الاستماع وفي الفهم طيب يلا بينا اسلام نطق وحش اعمل ايه نطقك عايز تحسنه ببساطه اعمل شادوينج هي قالت كده مثلا. I have a really good memory. I have a really good memory. What do you have going on? What do you have going on? الفكره هنا وانت بتتعلم تقلد بالضبط اوعى تبني اساس غلط وكانك بتطلع بعماره الاساس لو غلط هيتعبك جدا تعدله. ما انت كده كده بتتعلم ان شاء الله عدله صح من البدايه فتشوف جمله زي دي تستسهل وتقول ديورنج لا بعد اذنك بطئ بس السرعه كده واسمع كويس. during the week. during the week. during the week. during the week. حلو قوي النمط ده شفت الفرق كمل على كده دقيقتين من الفيديو ولا حاجه حلو انت بطل عملت تظليل كده ما شاء الله الله ينور عليك كمل بقى في يوم ثاني خلاص لا ما تزودش اهم حاجه الاستمراريه بس احنا ايه مصدر واحد. بنسخره لعلاج عيب معين العيب الثاني نفس المحتوى بس عايزين نطور التعبير انا عايز اركب الجمله زيها كده بالضبط. نزل بقى الاداه اللي شرحتها لك في الفيديو اللي انا سايبه لك تحت ده شرحت ان انا احط الترجمتين على بعض لاي فيديو عربي انجليزي. وابص كده على العربي بالمنظر اللي انا جايبه لك ده ابص انا هنا على الترجمه العربي واخمن لو انا مكانها هاقولها. so we can meet people. scheduling and organizing our lives so that we can meet up with people, طب ايه الفرق زمان ما كانش عندك مدرس تساله اما دلوقت انت في عصر الذكاء الاصطناعي خش على طول يا صديقي عليه. جينا مثلا واساله ايه الفرق بين الاثنين دول وتكتشف ان الاجابه بالبساطه دي مي اب وبتستخدم لما يكون في ترتيب مسبق انك تقابل حد. يعني خلينا نتقابل مع ساره الليله ساره. I think I'm gonna meet up with him later. I think I'm gonna meet up with him later. في احلى من كده فعل مركب من قلب الحياه خذ لك دقيقه على هذا الحال دقيقه بس من الفيديو الله ينور تمام كده. اهم حاجه انا طلعت بكلمه جديده فعل مركب واجيب بقى منه امثله كثير جدا هو ده اللي انا عايزه دي المذاكره الفعاله اللي بتطلع بها حته حته من نفس المحتوى عايز اعلى بالاستماع نفس المحتوى غير التكنيك بس هاسمع دقيقه بالترجمتين وافهم كويس جدا جدا جدا السياق. واطلع باي كلمه جديده عليا افسرها واطلع بكل حاجه جديده وبعد كده اقفل الترجمات واسمع خلاص كده ودنك بتتدرب على فهم الكلمات والجمل دي كلها في السياق فانت وصلت للي انت عايزه بنفس المصدر. I really got to start writing things down instead of thinking I have a really good memory. Okay, so don't worry if you didn't catch everything. We are going to go back through it. Let me ask Mark a question for his side of the story. I really got to start writing things down instead of thinking I have a really good memory. Okay, so don't worry if you didn't catch everything. We are going to go back through it. Let me ask Mark a question for his side of the story.
[6:25]وسيبك بقى الله يكرمك من اكبر نصبه زهقت من كثر ما باسمعها في تاريخ الانجليزي اديني ثلاث ساعات من يومك وتوصل للمستوى ده. وثلاث ساعات كمان وهتكسر مستوى الوحش وهتبقى محترف شغل تجاري لان ببساطه الانجليزي عضله زيه زي الجيم. روح اتمرن 10 ساعات في الجيم هتطلع هتلاقي نفسك خاسس روح اتمرن 10 دقائق لمده ثلاث شهور. بامر الله تعالى هتلاقي جسمك ظهر وهو ده نفس الشيء اللي بيحصل في اللغه مش بتاعه سنين تماما بتاعه مين اللي موزع الجهد الصح في المكان الصح بيوصل في اسرع وقت ممكن. يبقى لحد الجزئيه دي استفدت من الفيديو ما فيش تشتت مصادر هو مصدر واحد بس همسكه واسخره لمساعده العيب اللي انا عايز اساعد نفسي فيه وكفى. لو عايز اعمل لك حلقه ان شاء الله اكتب لي كده تحت في التعليقات اعمل لنا حلقه مصادر او اديني حبه دلع بامر الله لو لقيت فيه اجبار كثير واديني لايكات كده ضبط لي الدنيا بامر الله هنزل لك بحلقه مصادر قويه جدا لكل مستويات. لو حد لسه مبتدئ حد تحت الصفر خالص مصادر قويه جدا ونقعد نشرح ازاي تتعلم منها بامر الله عيني ليك بس اكتب لي في التعليقات نخش على الجزئيه الثانيه ازاي اعالج الملل. ازاي اتعامل مع الملل للاسف يا صديقي وبقولها لك اكبر مشكله بتواجه طلابي وكل الناس مهما كانت الاسلوب اللي انت بتتعلم بيه ممتع الملل هيصيبك وهيصيبك الا من رحم ربي ليه انت بشر. اجل يك وقت تزهق مهما كان متعه اللي انت بتعمله بس في حاجه حطها كده مشبك في ودنك من حلقه النهارده اياك توقف. اياك توقف غير المصدر اسال نفسك انا دماغي رايحه على ايه النهارده ما ليش مزاج اذاكر النهارده طب اعمل ايه. افتح مثلا شات واقول له باقول لك ايه ما تسالني كده مثلا 50 سؤال مشهورين في الانجليزي وشوفني هاعرف اجيبهم ولا لا ايه رايك يلا نبدا. طبعا يلا بنا ازاي تقول امتى الوقت المناسب بالانجليزي خذ وقتك لما تفكر في الاجابه رد علي. ممكن اقول وينز جوت تايم. بالضبط وين ذا رايت تايم او وين ذا بيست تايم برده تعبيرات ممتازه اجابتك مضبوطه جدا. مثلا تخيل انك بتقابل حد في الصبح بتساله عن حاله الطقس. قول ازاي هتساله ايه اخبار الجو النهارده. لا لا لا هي جمل بسيطه قوي انا عايز حاجه متقدمه شويه عايز حاجه متقدمه. تمام السؤال هو ازاي تقول الدنيا بتندي وبتنزل قطرات بالانجليزي فكر فيها ولما تكون جاهز قول الاجابه. ممتاز اجابتك صحيحه جدا اتز هو تعبير دقيق جدا لوصف رداد خفيف شاطر جدا هاكمل معك واحده واحده لحد ما نوصل للعدد اللي طلبته. ما تنزل يا ابني خلاص في ولا يهمك هوقف هنا لو عايز تسال اي يا عم وقف كمل يا عم في يا عم الحاج. ولا يهمك انا معك تمام مش هاكمل في عدد الجمل دلوقت لو عايز تسال عن اي حاجه ثانيه في الطقس او اي موضوع ثاني بعد كده انا.
[9:20]ازاي اقول عاملين ايه على الغداء بالانجليزي.
[9:25]Hey what's for dinner? Hey what's for dinner? Hey what's for dinner? هو ده التغيير اعمل حاجه مختلفه اعمل كده بس اوعى توقف شهر مثلا وتجيء تقول لي مش عايز اسمع العذر خلي العذر عندك انت بس هي قاعده ومعروفه اللي بيوقف في اول ثلاث اربع شهور ليه. يلا ارجع بقى ارجع من الصفر من الوقت ما بدات ارجع للاساس اللي انت بنيته من 10 سنين فاتوا من ايام المدرسه هترجع له ثاني وهتفضل ماشي في الدائره دي الى ما لا نهايه وفي الاخر تقول الانجليزي دي عقدتي لا انت اللي عامل العقده لنفسك.
[10:02]القاعده بتقول وانا باقولها دائما لطلابي هتوقف في اول ثلاث اربع شهور لا يعني اقل شيء سبعه ثمان شهور وساعتها تكون بنيت اساس الاسمنت اللي بنيته نشف كده بقى اساس ثابت الى حد كبير لو وقفت مثلا اسبوعين ثلاثه مستواك مش هيتهز. قد ما تكون وقفت في اول ثلاث اربع شهور الموضوع جدا حساس في البدايه زي الجيم بالضبط في ناس سنه عماله توقف وتشتغل وتوقف وتشتغل تبص تحس انها ما اتمرنتش وفي ناس خذتها بالضبط سبع ثمان شهور مره واحده الله اكبر تلاقي جسمهم متغير انا باربطها لك دائما بالجيم لان هي علاقه جدا جدا مرتبطه ببعض. الكلام ده انا باشوفه على الواقع من طلابي اللي بين ما شاء الله مستمر سبعه ثمان شهور معي في المحادثه ولا حاجه ووقف اسبوعين ما شاء الله باحس ان هو ما تاثرش. لكن اللي وقف في البدايه غير غير خالص باحسه انه راجع ابيض مش عارف ايه اللي حصل له. يعني الكلام ده بيفكرني بواحد من طلابي دون عن ذكر اسمه كل مره يجي لي بعذر شكل ياخذ اسبوع ويغيب اسبوعين. في كل مره مثلا بتكلم معاه واقول له ان ف سمعتها قبل كده بس والله مش فاكر. اعيدها في المحاضره ال 40 المحاضره ال 50 هي هي وهو ما شاء الله مستمر وعنده اصرار ان هو يكمل. بس مش قادر يتخلص من العاده السلبيه دي يبدا ويوقف ضيع فلوس ضيع وقت وفي الاخر عارف باذن الله تعالى لما يجيء يتكلم انجليزي يقول لك انا اخذتها في اربع سنين ولا حاجه. يعني ليه لان هي لا هي مش في اربع سنين ده انت لو كنت ركزت بس ست شهور ولا حاجه كنت عملت تقدم ان شاء الله. وعشان كده بلخصها لك لو الروتين بتاعك مش مرن مع التغيرات اللي هتحصل لك عندك امتحانات بقى بتذاكر مش عارف لايه لو اتاسرت ما تتوقعش انك توصل لمكان بعيد باللغه. هتقعد سنين تقعد تعافر وتلعب لعبه شد الحبل كده مع اللغه تاخذك شويه وانت تاخذها شويه وفي الاخر المحصله تقريبا انت لسه في نفس المنطقه. في ايام بتجيء علينا كثير ايام ضايعه فلو حسيت ان اليوم ضايع خمس دقائق خمس دقائق بس اسمع فيديو قديم انت ذاكرته اعمل حاجه قديمه انت ذاكرتها اصلا هو ده بس خلي ودنك بس تلمس اللغه وده اللي هيحافظ على نشفه متانه الاسمنت كده اللي انت بنيته في البناء بتاعك. واللي هيقول لي طب ما انا بنسى النسيان مش عدوك الانقطاع هو العدو الحقيقي وازي ما شبهتها لك اللغه عضله والعضله اللي ما بتستخدمهاش بتدمر هي نفس الشيء ف هتنسى بس خلاص. اتمنى يكون الفيديو ده جاوبك على اهم اسئلتك النسيان مش عدوك الانقطاع هو اللي عدوك المصادر هو واحد بس سخره للعيب اللي انت عايز تتخلص منه. الملل غير الوسيله واياك توقف ملخص الفيديو كله في 10 ثواني. ما تنساش اللايك لو الفيديو عجبك وما تنساش لو عايز فيديو المصادر برده قل لي ان شاء الله اللهم انفعنا بما علمتنا وبارك لنا في وقتنا وافتح علينا فتوح العارفين واجعل لساننا عامرا بذكرك وقلوبنا بخشيتك اللهم امين السلام عليكم.
