[0:00]India, ek aisa khoobsurat desh jiske kan-kan mein Devi-Devtaon ka nivas hai. Ek aisi pavitra bhoomi jo hazaaron varshon se sadhu-santon ki tapobhoomi aur Divine Energies ka kendra rahi hai. Aur isi desh ki pavitra bhoomi par stithit hai India ka crown, the mighty Himalayas. Dekho, Himalayas sirf pahad nahi balki karodon saal purani kahaniyan, itihaas aur aisi spiritual energies ka ghar hai jinhe shabdon mein samajhna toh namumkin hai. Unhe toh sirf mahsus kiya ja sakta hai. Aisa mana jata hai ki Himalayas swayam Bhagwan Shiv ka nivas sthan hai. Aur ussi Divya Urja ko mahsus karne aur Bhagwan Shiv ke sakshat darshan karne ke liye aaj main nikla hoon Bhagwan Shiv ke sabse kathin Kedar kahe jane wale Panch Kedaron mein se ek Shri Rudranath ki yatra par. Kehte hain Rudranath ki yatra aapke shareer, aapke man aur aapki bhakti, teeno ki pariksha leti hai. Aur jab tak aap is kathin yatra ko paar karke Rudranath Mandir mein Bhagwan Shiv ke mukh ke darshan karte ho tab tak aap apna ahankaar, apni seemayein aur apna sab kuch Bholenath ko samarpit kar chuke hote ho.
[1:09]Kyunki kisi bhi adhyatmik yatra mein jab tak hum apne shareer ki seemao se aage badhkar apne ahankaar ko tyagna nahi seekhte tab tak hum us Divine Connection ko praapt hi nahi kar sakte. Aur isiliye Bhagwan Shiv ke darshan karne ke liye, unki Divya Urja ko mahsus karne ke liye humne apni is pavitra yatra ki shuruaat kari Chandigarh se. Pehle Chandigarh se Rishikesh aur phir Maa Ganga ke pavitra darshan karte hue unki Divya Dhara ke saath aage badhte-badhte hum der raat pahunche Sagar Village. Jahan se shuru hoti hai Bhagwan Shiv ke sabse kathin Kedar Shri Rudranath ki yatra. Har har Mahadev.
[1:50]Toh subah kareeban 8:00 baje humne kari apni Rudranath yatra ki shuruaat Sagar Village se. Toh Sagar Village ek bahut hi Sundar aur developed gaon hai jahan par aapko rehne ki suvidha aur parking ki suvidha bahut easily mil jayegi. Aur ye shayad aap logon mein se bahut kam logon ko ye pata hoga ki ye Sagar Village ka naam unhi Maharaja Sagar ke naam par pada hai jo Bhagirath Ji ke purvaj the. Wohi Bhagirath ji jinhone Maa Ganga ko Dharti par lane ke liye kayi hazaaron varsh tak tapasya kari thi.
[2:34]Har har Mahadev sabko. So we just started our Rudranath yatra and trust me if I'm saying this. Ye pehli aisi yatra jiske bare mein maine bilkul research nahi kari sirf shradha leke aaya hoon because main 5 saal pehle Chopta gaya tha tab unhone waha pe mereko bataya tha ki yahan pe Rudranath yatra hai usko aap zarur karna.
[2:57]But yahan pe ek baat aur hai Rudranath is also a part of Panch Kedar, Rudranath ko Panch Kedar mein sabse toughest Kedar mana jata hai. Dekho total distance kya hai mereko bilkul nahi pata because koi keh raha hai aana-jana hai 45 kilometre, koi keh raha hai 50 kilometre, koi keh raha hai 40 kilometres.
[3:17]Accurate kya hai maine apna device proper set kar diya hua hai. Har Har Mahadev. Har Har Mahadev ji.
[4:34]Toh mast abhi pet pooja karke ab waqt hai aage badhne ka. Maine khayi hai Maggi yaar but Paji ka samajh nahi aata.
[4:46]Paji itna apna pet bhar ke kaise chal sakte hain? He literally had teen bade-bade aalu ke parathe with main laada, aada kilo desi ghee to aapne. Nahi pehle do parathon mein hi lagaya tha ghee. Itna-itna ghee yaar. Tenu dekh ke mainu halat aa rahi sigi. Ghar ka bana desi ghee hai. But ya Har Har Mahadev.
[5:14]Toh aap sabko na ek bahut important deta hoon suggestion. Agar aap Rudranath yatra mein aa rahe ho na, agar aap time pe pahunch jaate ho yahan pe I mean 5:00 baje ya 6:00 baje pahunch jaate ho shaam tak, so I would strongly recommend you all ki aap Sagar mein mat ruko, aap seedha yatra shuru kar do because yatra mein na har 500 meter ke baad, 1 kilometre ke baad aapko reh basera milega. Jab logon ne apne matlab proper rehne ki jagah banayi hui hai, wahan pe khaana bhi milta hai and the best part aapki yatra bhi shuru ho jayegi aur kal jo distance cover karna hoga aapko wo kam karna hoga. Aur honestly agar mereko ye baat pata hoti na, main niche bilkul nahi rukta.
[5:57]Toh Paji ne kar diye yahan pe bahut sahi scene abhi apna phone niche bhool aaye hain jahan pe hum khaana kha rahe the. Toh 1 kilometer upar aage the hum abhi, toh fatfat maine kaha Paji baitho aap, fatfat ja ke niche phone le ke aata hoon because isse achi baat thi yahan pe humne fatfat unko phone karke pooch liya ki niche phone hai ya nahi toh phone mil gaya. Fatfat phone pakadte hain ab.
[6:19]Toh aadhe raaste bhaiya aa gaye the wo, aur aadhe raaste main pahunch gaya tha toh le aaya Paji ka phone, ab dobara chalte hain aage. Let's go.
[6:44]Aapko pata hai the best part about doing such yatras ye jo aap awaaz dekh rahe ho piche. Ye hai jangal ke janwaron ki, crickets ki aur ye sirf tab sunayi deti hai aapko jab aap bahut hi ek alag hi yatra mein aa gaye ho jahan pe koi bhi nahi hai sirf aap ho, nature hai aur Mahadev hain. Ye Sagar gaon se lekar Pung Kharak tak ka raasta kafi similar hai Shrikhand Mahadev Kailash ke pehle din mein jahan hume Jaon se lekar Thachru exactly aisa hi trail milta hai. Dekho, exactly same toh nahi bolunga main, but 70 to 80% ekdam milta-julta hai. Dekho, Shrikhand Mahadev Kailash mein toh aapko bilkul bhi proper bana hua rasta nahi milta, aapko jangalon ke beechon-beech trek karna padta hai. Par Rudranath yatra mein scene thoda different hai. Yahan par aapko thodi-thodi der ke baad ek proper bana hua trail mil jayega, chahe wo bade-bade pattharon ka hi kyun na bana ho. Lekin mahaul yahan ekdam wahi hai Shrikhand Mahadev Kailash yatra wala. Charon taraf ghana jangal, shant rasta aur bas lagatar chadhayi.
[7:45]Jo ye maza aata hai na ek lambe stretch ke baad apna bag piche rakhne ka support lene ka, ye sirf ek trekker hi samajh sakta hai. Guys, ek bahut achhi khabar hai, ye dekho. Mere shoes ka sole nikal gaya, ab aapko dikhata hoon ab hoga poore raaste mere left pair ka acupuncture.
