الحلقة 7 - حصن شفاء القلب من المخاوف - الحصن - مصطفى حسني - EPS 7 - ElHesn - Mustafa Hosny

[1:21]السلام عليكم، بسم الله والحمد لله والصلاه والسلام على سيدي رسول الله. بسم الله مكملين الحصن مجموعة الحصون اللي ربنا سبحانه وتعالى علمنا إياها في سورة الكهف. هذه السورة اللي أول 10 آيات منها حصن ضد أكبر فتنة هتعدي على الأرض وهي فتنة المسيح الدجال. وإحنا ماشيين هنلاقي كم من القصص والآيات والوصايا اللي بتحصن قلوبنا ضد الفتن اليومية اللي بنعيشها في حياتنا. خلصنا المرة اللي فاتت قصة أصحاب الكهف وناقص فيها جزئية كأنه تعليق رباني على القصة. ثم مجموعة وصايا ربنا بيوصينا بيها بعد ما سمعنا قصة أصحاب الكهف وتأثرنا وفهمنا حكمة ربنا يوصينا ربنا لمجموعة وصايا. قال سبحانه وتعالى: ولبثوا في كهفهم ثلاثمئة سنين وازدادوا تسعا، قل الله أعلم بما لبثوا. له غيب السماوات والأرض، أبصر به وأسمع، ما لهم من دونه من ولي ولا يشرك في حكمه أحدا. تستفيد إيه أنت من الآيات دي؟ رب العالمين سبحانه وتعالى بيقول المعلومة. إن هم قعدوا في كهفهم 309 سنة، بعض العلماء في التفسير يقولوا 300 سنة بالمقياس أو بالتوقيت الميلادي الشمسي. ويزدادوا تسعا بالتوقيت أو بالتقويم الهجري القمري، وأنت لما تحسبها هتلاقي ال 300 الشمسية تساوي 309 قمرية لفرق الأيام ما بين السنتين. قعدوا نايمين في الكهف 309 سنة، قل الله أعلم بما لبثوا. اللي يقول لك المعلومة دي الله، وهنا في معلومة مهمة جدا، لا يعلم الغيب إلا الله. وبالتالي المعلومات الغيبية لازم لها نص، إما من كلام سيدنا محمد عليه الصلاة والسلام في الأحاديث الصحيحة. اللي هو وحي من الله وما ينطق عن الهوى إن هو إلا وحي يوحى، أو آيات في القرآن من كلام الله تقول لك على الغيب ده. وبالتالي إحنا ما نعرفش قعدوا قد إيه، قال لنا ربنا في القرآن بنص الآية 309 سنة. قل الله أعلم بما لبثوا، له غيب السماوات والأرض، المعلومة الغيبية ما تعرفهاش إلا من الله أو من سيدنا محمد اللي ربنا معلمه. له غيب السماوات والأرض، أبصر به وأسمع، أبصر به وأسمع يعني ما أبصر الله وما أسمع الله لكل شيء. يعني أكثر حد بيبصر ويسمع لكل التفاصيل هو الله، فليس هناك أبصر ولا أسمع من رب العالمين. أبصر به وأسمع، ما لهم من دونه من ولي وده الموضوع، ما لهم من دونه من ولي ولا يشرك في حكمه أحدا. بتختم لنا يا رب القصة إن ما فيش حد تولى أمر فتية الكهف إلا الله. الولي الذي يليك، يكون بجوارك يحبك ويحميك، ده معنى الولي. مين اللي تولى حياتهم وتنفُّسهم ونبضاتهم والحفاظ على جسمهم وتغيير سنن الكون من طلوع الشمس بشكل مختلف عليهم؟ الله سبحانه وتعالى وهم نايمين عاجزين خائفين لا يملكوا من أمرهم شيء. وكأن القصة بتنتهي بحصن ليك أنت، إن وقت عجزك ووقت قوتك لن يتولى أمرك إلا الله. سيدنا النبي صلى الله عليه وسلم أول ما شاف ال 1000 مقاتل وإحنا 300 رفع إيديه في غزوة بدر. وقال اللهم إن تهلك هذه العصابة يعني المجموعة من الصحابة إن تهلك هذه العصابة فلن تعبد في الأرض بعد اليوم. اللهم نصرك الذي وعدت لغاية ما سقط رداء النبي عليه الصلاة والسلام حتى ظهر بياض إبطيه، الكم كان واسع والنبي بيرفع إيديه كده فظهر الحتة دي من ذراع النبي عليه الصلاة والسلام. في غزوة حنين يوم ما انهزم الجيش المسلم في بداية الحرب، زي ما ربنا قال ويوم حنين إذ أعجبتكم كثرتكم فلم تغني عنكم شيئا. ضاقت عليكم الأرض بما رحبت ثم وليتم مدبرين، ربنا جمعهم ثاني إن سيدنا النبي صلى الله عليه وسلم قعد يدعي. ومسك شوية تراب كده ورماه في وش الجيش وقال: شاهت الوجوه، فما من أحد في جيش هوازن المشركين وقتها إلا دخلت في عينه أو فمه أو منخاره فهو يفركها أو يدلكها. وفر الناس من كتر الارتباك اللي حصل بس بمجرد إلقاء النبي صلى الله عليه وسلم ثم انتصر جيش المسلمين بعد كده. سيدنا إبراهيم والبلد كلها بترميه في النار، قالوا كل بلده، قالوا حرقوه وانصروا آلهتكم إن كنتم فاعلين. قلنا الولي الذي يتولى شؤون العباد، الحفيظ الذي يحفظك في منامك واستيقاظك في سفرك وفي إقامتك. قلنا يا نار كوني بردا وسلاما على إبراهيم، سيدنا يونس لما ألقي في بطن الحوت. الدنيا ضلمة بالليل في ظلمات المية في ظلمات بطن الحوت وذو النون إذ ذهب مغاضبا فظن ألن نقدر عليه فنادى في الظلمات. لا إله إلا أنت سبحانك إني كنت من الظالمين فاستجبنا له ونجيناه من الغم وتتختم الآية وكذلك ننجي المؤمنين. ما فيش حد اترمى في أزمة زي نار إبراهيم أو حوت سيدنا يونس ورب العالمين يقول على أهل الكهف اللي كانوا في موقف ضعف ووحدة وغربة ما لهم من دونه من ولي. ولا يشرك في حكمه أحدا وقادر على إن هو يحمي حبايبه وعباده وحده سبحانه وتعالى. وكان ده حصن ليك في نهاية قصة فتية الكهف، اثبت وربك معاك مهما كنت مرمي في دقيقة.

[7:43]وبعد ما خلصت قصة أصحاب الكهف في قصة تانية بعدها بس قبل القصة التانية. جاءت أوامر من ربنا سبحانه وتعالى، ثلاث أوامر من ربنا. أنت دايما لما تتتبع القرآن كده وتتدبر فيه تلاقي إن القصة بتحطك في حالة نفسية معينة يأتي بعدها بعض الأوامر اللي أنت جاهز ليها دلوقتي. فرب العالمين بعد ما خلصت قصة فتية الكهف يقول: واتل ما أوحي إليك من كتاب ربك. لا مبدل لكلماته ولن تجد من دونه ملتحدا، معاني الكلمات الأول. اتل يعني اقرأ بتتبع، التلاوة عارف لما حاجة تيجي تلوى الشيء فالتلاوة هي القراءة بتتبع. كأني بقرأ وببحث عن المعاني، بقرأ وببحث عن الإجابة في القرآن لأسئلتي. بقرأ وبتتبع الآيات عشان أدور على هدايتي وأتعرف على ربي ودنيتي وآخرتي، وتل ما أوحي إليك من كتاب ربك. لا مبدل لكلماته، يعني ما ينفعش ربنا يقول في القرآن حاجة وبعدين الواقع يخالفها، مستحيل. ربنا يقول كلمة وما تحصلش في الدنيا، يوعد وعده وما يتحققش في الدنيا، يطمن إنسان وبعدين يخاف في الدنيا، مستحيل. لا مبدل لكلماته ولن تجد من دونه ملتحدا، أنت عارف إيه ملتحدا؟ يعني ملجأ تحتمي به، عارف اللحد القبر اللي بيتفن فيه الجثمان الشريف بيبقى شق كده وبعدين في حفرة، فأنت بتنزل الجثمان الشريف وتدخله كده إيه لجوه كأنك بتداريه. بتحميه في الحتة اللي عاملة زي الـ L دي كده، فالملتحد هو الملجأ، لن تجد ملجأ يحميك من وساوسك ومن مخاوفك. ويرد على أسئلتك وحيرتك زي القرآن، اقرأ في كل العلوم، أي علم نافع للبشرية هو علم شريف. لكن لا يغنيك إطلاقا عن اللجوء لكلام ربنا سبحانه وتعالى. وفعلا بس المهم تخش عليه بحسن ظن كأنك داخل على دواء، شوف ربنا يقول: وننزل من القرآن ما هو شفاء ورحمة للمؤمنين. ولا يزيد الظالمين إلا خسارا، ادخل وأنت عارف إن شفائك في كلام ربنا وصدق سيدنا عثمان لما قال: لو طهرت قلوبنا. ما شبعت من كلام ربنا، لو الواحد فعلا قلبه طاهر بحسن الظن في القرآن. وعارف إن هو هيلاقي بغيته وحمايته وثباته والإجابة على حيرته والله ما يشبع أبدا من كلام ربنا. شوف لما ربنا يتكلم عن القرآن يقول: إنه لقول رسول كريم، ده سيدنا جبريل. إنه لقول رسول كريم، ذي قوة عند ذي العرش مكين ممكن يعني، مطاع في السماء ثم أمين وكمان صاحب أمانة ربنا مستأمنه على الوحي. مطاع ثم أمين وما صاحبكم صلى الله عليه وسلم وما صاحبكم بمجنون ولقد رآه بالأفق المبين سيدنا محمد شاف سيدنا جبريل. وما هو على الغيب بضنين، سيدنا النبي صلى الله عليه وسلم لن يبخل عنكم بأي معلومة غيبية ربنا يقولهاله. وما هو على الغيب بضنين، وما هو بقول شيطان رجيم، فأين تذهبون؟ سايب المصحف ورايح فين؟ سايب صفحتين في اليوم على الأقل تقرأهم، شوف ربنا بيقول لك إيه النهاردة ورايح فين؟ فأين تذهبون؟ إن هو إلا ذكر للعالمين لمن شاء منكم أن يستقيم وما تشاؤون إلا أن يشاء الله رب العالمين. سيدنا عبد الله بن المبارك واحد بيقول له: إني لأعلم رجلا ختم القرآن أمس في ركعة، بيقول له أنا قدرت أعمل كده إمبارح. قال: وأنا أعلم رجلا ما استطاع أن يتجاوز الآية ألهاكم التكاثر حتى زرتم المقابر لم يتجاوزها في ليلة، بيتكلم عن نفسه. الله أكبر، الدنيا بتلهيكم لغاية ما تقابلوا ربنا في القبر، لغاية ما تقابلوا ربنا وتموتوا، ألهاكم التكاثر. التكثر من الأشياء والنعم لغاية ما قابلت ربنا، عمال يقرأ فيها ومش قادر يتجاوزها. ستنا عائشة تصلي طول الليل بالآية اللي في سورة الطور: وأقبل بعضهم على بعض يتساءلون. قالوا إنا كنا قبل في أهلنا مشفقين، فمن الله علينا ووقانا عذاب السموم. إنا كنا من قبل ندعوه إنه هو البر الرحيم، كنا بنقول له يا رب استرنا من عذاب النار. ولما دخلنا الجنة افتكرنا إن إحنا كنا بندعي إنه هو البر الرحيم، فرب العالمين بعد قصة فتية الكهف بيقول: واتل ما أوحي إليك من كتاب ربك. أي اقرأ قراءة المتتبع، الباحث عن المعنى والهداية، الباحث عن التعرف على الله في القرآن. وتل ما أوحي إليك من كتاب ربك، لا مبدل لكلماته، اللي هيقوله في القرآن هيتحقق في الواقع. ولن تجد من دونه ملتحدا، ما فيش حماية ولا حصن من فتن الدنيا زي القرآن الكريم.

[13:59]ما تستغربش إن بعد ذكر فتية الكهف اللي اتحصنوا ببعض وشجعوا بعض وثبتوا على عقيدتهم بسبب إن هم كانوا جنب بعض وعندهم حسن ظن بربنا إن تيجي الآية. اثبت مع أهل الدين، واصبر نفسك مع الذين يدعون ربهم بالغداة والعشي يريدون وجهه.

[14:57]أولا صحبة الناس النظيفة الصالحين، الذين إذا رأيتهم ذكرت الله، محتاجة صبر. لأن هؤلاء الناس بيجاهدوا نفسهم وبيختاروا رضا ربنا اللي فيه سلام وفيه قرب من ربنا. عن اللذة اللي ممكن يكون فيها معصية وغضب ربنا سبحانه وتعالى، وده عكس مراد النفس محتاج صبر. ساعات كتير بيسيبوا حاجات ممتعة عشان حاجات نافعة فيقوم في وسط الخروجة عشان يصلي. ويقوم من وسط حاجة إحنا مستمتعين بيها عشان يستمع ويجيب نداء ربنا سبحانه وتعالى. إذا نودي للصلاة من يوم الجمعة دي عبادة فاسعوا إلى ذكر الله وذروا البيع دي منافع، بيسيب ده ويروح لده، ما بنحتاج صبر. فوجودك في وسطهم محتاج إنك تبقى فاهم إن ده أحد الأشياء اللي محتاج تصبر عليها. ووجودك في وسطهم دي نعمة محتاج إنك أنت تشكر ربنا بالصبر على إكرامهم وخدمتهم وحسن الأدب معاهم. واصبر نفسك مع الذين يدعون ربهم بالغداة والعشي، يريدون وجهه. الغداة والعشي يعني الصبح وبالليل، يدعون ربهم يعني يعبدون ربهم مش بيصلوا ليل نهار. هو مش ناسي مسمى العبد ليل نهار، مش الصبح مع ربنا وبالليل سهران في حتة فيها معصية، كأنه الصبح بتاع ربنا وبالليل بقى دي ساعة القلب. هو ليل نهار مش ناسي إنه عبد، ده معنى يدعون ربهم بالغداة والعشي وهو بيصيف هو مع الله، مش لازم يبقى مكان معصية. وهو بيشتغل من حلال مع الله، مش لازم القرش الحرام عشان يبقى كتير، يدعون ربهم بالغداة والعشي يريدون وجهه. أي لقائه والنظر إلى وجهه ورضاه، ممكن يبقوا فقراء بسطاء وممكن يبقوا أغنياء، الله أعلم. وقتها كان قاعد مع سيدنا محمد سيدنا أبو ذر وسيدنا عمار وسيدنا بلال وكانوا فقراء بسطاء. مرة سيدنا النبي صلى الله عليه وسلم شاف واحد معدي كده أُبهة أوي بس مش قريب من ربنا. فقال: ما تقولون في هذا؟ قالوا هذا حري يعني ده أكيد يعني حري إن تكلم أن يسمع وإن نكح أن ينكح لو اتقدم لواحدة تقبله وإن شفع أن يشفع. لو قال يا جماعة الراجل ده تبعي، الكل يقول حاضر مش هنقرب له عشان تبعك. ثم نظر صلى الله عليه وسلم لواحد بسيط معدي كده اسم من أولياء الله. فقال: وما تقولون في هذا؟ قالوا: يا رسول الله هذا حري ده أكيد هذا حري إن تكلم ألا يسمع. وإن خطب ألا ينكح وإن شفع ألا يشفع، ده ما حدش هيبص له ولا يسمع كلامه ولا يسلده في أي موقف. فقال صلى الله عليه وسلم والذي نفسي بيده إن هذا الغلبان ده لخير من ملء الأرض من هذا. إملأ الأرض بده ده أحسن يوزن أتقل منهم كلهم عند ربنا سبحانه وتعالى. فالقضية ليست بالفقر ولا بالغنى، القضية باختيار ربنا سبحانه وتعالى وبالقرب منه ومراعاة إن أنا عبد. وده اللي تصحبه الذي لا تستطيع أن تعصي في حضرته إن هو موجود يعظك بفعله ولا يعظك بقوله كما قال الصالحين. وزي ما اتسأل لذي النون المصري: من نصحب؟ فقال: اصحب من لا تستطيع أن تعصي وأنت في قربه. يعظك بلسان فعله ولا يعظك بلسان قوله، لما تكون جنبه ما تقدرش تعصي ليه؟ حاله بيفكرك بربنا، حاله بيخلي عندك حياء وإحساس بلذة القرب من ربنا. لما بتشوفه بتطمن إن الدنيا بخير، ما بينصحش بلسانه كتير فعله هو الهادي والواعظ. عشان كده الموضوع محتاج صبر فكانت الوصية واصبر نفسك مع الذين يدعون ربهم بالغداة والعشي يريدون وجهه.

[19:21]وبعدين قال ربنا: ولا تعدو عيناك عنهم تريد زينة الحياة الدنيا. أنت عارف العين هي اللي بتشكل رغبات القلب، سيدنا محمد عليه الصلاة والسلام قال كده. قال: العينان تزنيان وزناهما النظر والقلب يشتهي ويتمنى والفرج يصدق ذلك أو يكذبه، عايز أشرح لك معنى الحديث ده. الإنسان لما ما يغضش بصره بالنظر الشهواني على المحرمات العين تملأ القلب بالرغبات الشهوانية. إما يؤدي ذلك إلى الفاحشة وإما إن الإنسان يمسك نفسه ويتوب لربنا وما يكملش الدايرة المظلمة دي. فخذ من الحديث ده وتعال للآية، ولا تعدوا عيناك عنهم ما تشغلش بصرك بمن في يده زينة الحياة الدنيا المحرمة. لأن زينة الحياة الدنيا الحلال ليست حرام، ممكن تبص عليها علشان تنبسط، ربنا بيقول: قل من حرم زينة الله التي أخرج لعباده والطيبات من الرزق. قل هي للذين آمنوا في الحياة الدنيا خالصة يوم القيامة، يعني زينة الدنيا الحلال ممكن تشتهيها وتستمتع بها. إن الله يحب أن يرى أثر نعمته على عبده، لكن الإشكالية مش هنا، الإشكالية إن زينة الحلال مع أهل الحلال. وزينة الحرام مع اللي بيرتكب الحرام، فربنا بيقول لسيدنا محمد والكلام لينا: واصبر نفسك مع الذين يدعون ربهم بالغداة والعشي خليك معاهم دول يريدون وجهه. ولا تعدو عيناك عنهم تريد زينة الحياة الدنيا، يعني مع الناس اللي بتعصي. وده يخليك تراجع نفسك بتتابع إيه على السوشيال ميديا، وما تستقلش بتأثير كم صور المحرمات اللي بتشوفها على السوشيال ميديا. العين لما بتعتاد على حاجة بتربط اللذة بالحاجة دي، العلم بيقول كده. لو فضلت أشوف صور لسهرات مش كويسة وناس بتضحك ومتصورة وهم مع بعض في حتت ربنا ما يرضاش عنها أو حد بيتفاخر بمعصية ومنزل صور بيها. أنا هعتاد على ده، إحنا أمرنا بغض البصر عن ده، ليه؟ حتى لا يشتهي القلب ويرى إن ده الطبيعي وكأني عارف الـ fear of missing out. تحس إنك أنت فاقد لمتعة من متع الحياة، فقال له: ولا تعدو عيناك عنهم تريد زينة الحياة الدنيا. غض بصرك ولا تطع من أغفلنا قلبه، أنا مش هعرف أطيع من أغفلنا قلبه إلا لما عيني الأول تتشغل بيه. عشان كده الصالحين عبر العصور كانوا بيمسكوا في بعض وعينيهم مش بتفارق بعض. كان سيدنا عبد الله بن رواحة يقول لأصحابه كده: هيا بنا نؤمن ساعة، تعالوا نصلي ركعتين مع بعض. بدل ما الليل ياخدنا في أماكن غلط، تعالوا يبقى من ضمن الجدول بتاعنا بنشتغل الصبح ومش عارف بنلعب رياضة في المسا بعد ما نخلص شغلنا. طيب وبالليل هنعمل إيه؟ نخرج نشرب حاجة مع بعض لو خارجين وتعالوا نصلي ركعتين قبل ما ننام ونفكر بعض ونبعت رسايل لبعض. تعالوا نبعت على بعض لبعض كده على جروب القرآن الصفحتين ولا الأربعة اللي بنقراهم كل يوم: هيا بنا نؤمن ساعة. وكان سيدنا عمر بن الخطاب يقول كده: كان أخويا من الأنصار أنا وهو بنشتغل مع بعض وبنحضر دروس النبي بالتناوب مع بعض. كنت أنا سيدنا عمر يقول كده: أنا وجار لي من الأنصار كان عندهم الاثنين بستان، كنت أنا وجار لي من الأنصار نتعاقب على رسول الله. ينزل يوما وأنزل يوما، فإذا نزلت جئته بخبر الوحي، وإذا نزل فاعلم مثلما فعلت. اقعد أنت في البستان يا صاحبي وأنا هنزل للنبي عليه الصلاة والسلام وهحفظ كويس الآيات والأحاديث وأجي أقول لك. وأنت تكون خلصت شغل في البستان تنزل أنت ثاني يوم وأنا أخذ بالي من الشغل ولما ترجع تقول لي برضه النبي قال إيه النهاردة عليه الصلاة والسلام. وهكذا فضلوا جنب بعض لغاية ما يروحوا عند ربنا، بسم الله الرحمن الرحيم: الأخلاء يومئذ بعضهم لبعض عدو إلا المتقين. ولا تعدوا عيناك عنهم تريد زينة الحياة الدنيا، إذا أكرمك الله بصديق صالح لو ربنا أكرمك بصحبة صالحة لما تشوفيها كده تفتكر الخير وتفتكر ربنا. فاستمسك بهذا الود لأنه ما من إنسان أنعم عليه بعد التوحيد والعافية خير من أخ صالح.

[24:09]سبحان من جعل من ذكره حياة لأرواحنا ومن طاعته نورا لدروبنا لا يزيغ معها قلب ولا يضل معها عقل. اللهم يا نصير من تولاك ويا حافظا من احتمى بحماك، تولى أمرنا ودبر لنا ولا تكلنا إلى أنفسنا طرفة عين. اللهم ارزقنا هداية تصلح بها ظاهرنا وباطننا ورشدا يدبر أمرنا إلى ما تحب وترضى. اللهم اكتب لنا مرافقة الصالحين في الدنيا على طريق الطاعة وفي الآخرة صحبة الأنبياء والصديقين تحت لواء نبينا صاحب الشفاعة.