[0:03]Scoring a century with seven stitches in my hand. I don't think any other player could do that. He's a great performance. Fantastic. Leadership impatient. Genius. All wrong. He's a champion. Greatest batsman in the world today. King Kohli. Shayad hi koi aisa record ho jo usne apne naam na kiya ho.
[0:27]Cricket ki history ke lagbhag sabhi living legends ne mana hai ki unhone Virat jaisa mahan player apni poori zindagi mein nahi dekha. One day matches mein sabse zyada run banane wale khiladi bhi Virat hain. Sabse zyada run chase karne wale khiladi bhi wahi hain aur Indian team mein sabse zyada player of the series ka award jeetne wala khiladi aur teeno hi format mein ICC cricketer of the year apne naam kar chuke Virat hain. One Day International mein sabse zyada centuries ka record ab Virat ke naam hai. One of the most mentally and physically strong athlete kaha jata hai. Instagram pe wo most followed Indian hai. 1000 crore se zyada ki worth hai matlab one of the fastest financially grow karne wale khiladi bhi Virat hain. It means kuch toh unique hai unke paas. Kya hai? Maine aur meri team ne pichle saat din mein Virat Kohli ke almost har interview suna, podcast sune, articles pade aur ye samajhne ki koshish kari ki Virat kaise sochte hain? Kaise wo khud ko itna disciplined rakh paate hain? Kya hai unki strategies apne mind ko control karne ki? Kaise problem se ladkar wo come back kar lete hain? Itne utar chadav ke baad bhi kaise bana Virat itna Virat? Toh bina idhar udhar ki baat karte hain unke bachpan se shuru. Chapter one the beginning. King Kohli ke king banne ki shuruaat unke bachpan se hi shuru ho gayi thi. Jab wo teen saal ke the toh bat pakadkar apne papa ko kehte the bowling karwao. Aur jab schooling shuru hui toh doosre bachchon ko cricket khelte dekh unka bhi interest uske andar jaga aur wo cricket mein zyada involve hona shuru ho gaye. Teachers ne aur logo ne unke father Prem Kohli unko bola ke Virat bahut achcha khel lete hain aap isko kisi cricket academy mein join karwa do. Toh 9 saal ki age mein unhone Virat ka admission West Delhi Cricket Academy mein karaya. Khud 13 saal ke the Virat par practice 14-15 saal wale ladko ke saath karte the. Toh pehle toh Under-14 ki team ke selection mein Virat reject ho gaye. Par 2002 mein Delhi Under-15 team mein wo select hue aur unhone apna cricket ka debut kiya. Fir mehnat karte gaye, achha perform karte gaye aur karte karte kuch hi saalo mein Under-19 National Team mein select ho gaye. Fir aaya wo 19th December 2006, jab cricket ne Virat se unka sabse bada sacrifice manga. Just think of his state of mind that his father's body was at home and he was just thinking about the 100. Firoz Shah Kotla Stadium mein Ranji Trophy ke liye Delhi team ki taraf se Virat khel rahe the. Saamne Karnataka ki team thi jo 446 run banakar out ho chuki thi. Ab ye match ka doosra din tha aur Delhi team ke 105 run par paanch wicket gir chuke the. Virat 40 run par continued the. Us din ka match khatam hota hai. Delhi team ka har player pressure mein hai. Sare players apne apne ghar jaate hain. Virat bhi apne ghar pe the aur raat ko takriban dhai se teen baje unke father ko heart attack aa jata hai. Aur kuch hi pal mein apni aankho ke saamne unhe zindagi dene wale ko wo aakhri saans lete dekh lete hain. Sorry about your father. I don't think they would accept me.
[3:38]I loved and I loved and I loved. Virat ne tab apne coach Rajkumar Sharma ko phone milaya, unhe sab bataya aur poocha ke ab kya karoon? I told my coach in the morning I told him this had happened and he was in shock as well. So he asked me what I wanted to do. I said I want to go play because you know, for me not completing a cricket game was was a sin. It came instinctively, instinctively to me that I should go. I should continue.
[4:16]Well done.
[4:21]Agle din ek ek run ke liye struggle kar rahi Delhi team ke liye Virat akele 90 run cheze kiye. Man of the match bane. Unko dekhkar kai doosre players ki aankhe bhi nam ho gayi ki ghar mein father ki dead body hai. Aur wo banda yahan team ke liye khada hai. Fir match ke turant baad wo seedha apne father ke funeral ki taraf gaye. Stephen Covey apni is book Seven Habits of Highly Effective People mein Circle of Influence and Circle of Concern ki baat karte hain matlab ki ye samjhna konsi cheeze hamare control mein hain aur konsi hain jo hamare control ke bahar hain. Father ki death ho chuki hai. Ab wo unko wapis nahi la sakte lekin team haar rahi hai wo usko bacha sakte hain. Us din 19 saal ke Virat ne sabko dikha diya ki leadership ka asli matlab kya hota hai. Ownership ka asli matlab kya hota hai. Aur Virat ke father bhi toh yahi chahte the ki Virat apni highest peak par khele. Isliye Virat ke father ki death ke baad cricket unke liye top priority ban gaya. Aur yahi se uski success ki speed aur tez ho gayi lekin Virat ko nahi pata tha ki aage ek speed breaker unka intezar kar raha hai.
[5:38]Indian team ka part banne ke baad Virat ne kai record tode. Lgatar Virat ne achha perform kiya puri duniya ko dikh raha tha ki kitni behtareen innings khel rahe hain. Australia Test Series, Asia Cup usme bhi kai record tode. Aur is wajah se jo unka confidence aaya tha na wo 2012 ke IPL match mein usi khayal se khelne lage ke ab toh main hi dominate karunga. Magar asal mein ekdam se lagatar itni success dekhne ke baad, kai records todne ke baad unka jo confidence boost nahi hua tha, wo overconfidence se replace ho chuka tha. Aur is cheez ko Virat ne tab realize kiya jab wo 2012 ke IPL mein buri tarah haar gaye aur puri tarah se mentally wo hil gaye. Unhe laga ki unke saath ye kaise ho sakta hai, wo accept hi nahi kar pa rahe the. Magar match ke baad jab wo wapis apne room mein laute aur sheeshe ke saamne baithe toh unhe sab kuch saaf saaf dikhne laga. Unhe apne haar ki wajah saaf saaf nazar aayi. Unko dikhai diya ki asal mein lagatar itni success ki wajah se na wo khud ko for granted le rahe the, egoistic ho rahe the. Aur match se pehle hi unki aadte bigad rahi thi matlab training se lekar diet tak kuch bhi kha rahe the. Junk food ki aadat lag gayi thi. Char-panch dino mein 40 toffiyon ka packet khatam kar dete the. Aur wo fir ek aisa moment tha jab Virat ne realization ke zariye apne failures ko samjha. Accept and act. Accept karo aur act karo. Kamiya hone mein problem nahi hai. Lekin time to time apni kamiyon ko samjhna zaroori hai, unpe kaam karna zaroori hai.
[7:16]Ab kaise Virat ne in kamiyon pe kaam kiya. Virat ne is cheez ko samjha ke cricket ki duniya mein ab overall dynamics change ho rahe hain. Aur specially fitness ke mamle mein wo aur unki team duniya bhar ki kai team se peeche hai. Toh unhone soch liya ki agar cricket mein dominate karna hai toh fitness pe kaam kiye bina ye possible nahi hai. 2013 mein wo Indian cricket team ke former head of strength and conditioning coach Basu Shankar se mile. Aur unki batai fitness regime ko follow kiya. Virat kehte hain ki do teen hafto mein unhone realize kiya ki ab wo zyada fast hain, zyada light hain aur zyada focused hain. Aur iska benefit sirf cricket mein nahi ho raha unko life mein bhi ho raha hai. Aur ek aisa discipline bana ki aaj Virat duniya ke sabse fit cricketer hain. Hamari body jo hai na wo car ke engine ki tarah hai jis ko hum jitna achha maintain karenge utna hi hume saath degi aur utna rukne ke chances kam honge. Aur engine mein agar fuel milawat wala jaayega toh engine baith jayega. Virat bhi yahi kehte hain ke gym toh koi bhi ja sakta hai lekin asli game is food. Because everyone can kind of you can go to the gym and work hard. Vegan diet follow karte hain. 90% diet sirf steamed aur boiled lekar wo apne andar ki clarity ko ensure karte hain. Aur haan Punjabi hain toh kabhi kabhi rajma aur lobia chalta hai. Fitness Virat ke liye wo tool bani jisne unki will power ko aur badha diya, unke discipline ko bana diya. Ab aap ye dekho ke mohalle ke jab char log ya rishtedar saamne khade ho jaaye na toh log pressure mein aa jaate hain. Ye socho ke ek player pe kitna pressure hota hai. Karodo log aapse ummeed rakh rahe hote hain. Achhe khelne pe toh aapko hero bana dete hain aur bura khelne pe aapko villain bana dete hain. Aise mein Virat ne apne mind pe kaise kaam kiya. 2012 mein hi jab India Australia ke against do test haar chuki thi, Virat ne char innings mein sirf 43 run banaye the. Virat ne dekha ki unpar bhi aur poori team par pressure aur tension bahut zyada hai. Aise mein Virat sochna shuru hue ki main kya alag kar sakta hoon. Tab Virat ne affirmations and visualizations karne shuru kari. Wo kehte hain ki main khud ko yaad karwata gaya ki main ek achha player hoon, main ek achha player hoon. Jab bhi wo practice nahi kar rahe hote the, wo apne headphones mein music lagate the aur apne mind mein khud ko achha khelte hue dekhte the. Wo poora visualize karte the ke kaise wo bowler ko dominate kar rahe hain. Unhone affirmations ke saath matlab khud ko positive statements deke confidence diya aur visualizations ke saath matlab imagine karke apne mind ko prepare kiya.
[9:56]Aur is sabka result pata hai kya hua. Jo baki ke do test match bache the usmein Virat ne akele 257 run banaye. Us series mein wo Indian team ke highest run scorer bane. Jab aap kisi cheez ko mind mein bhi practice karte ho na toh aap ek tarah se uske liye rehearsal kar rahe ho. Uske liye prepare ho jaate ho, aapka pressure kam ho jaata hai aur aapka mind poori tarah se us result ke liye aapko saath deta hai. So ek badi acceptance ke baad Virat ne apni physical aur mental strength pe act karna shuru kiya. Wo usko improve karte gaye aur apni game ko improve karte gaye aur apni game ke saath lakho karoro logo ko hairan karte gaye. Ye wahi time hai jab Virat ke humne do roop dekhe, ek dekha ek shandar player aur doosra ek aggressive player, emotional player. Lekin aaj hum dekhte hain ki Virat bahut stable hain. Ek aggressive player itne stable player mein kaise badla? Ladki ka chakkar hai babu bhaiya. Virat jinhone apne interview mein haste hue bola tha ki kya main aapko paath pooja type lagta hoon? Wahi Virat Anushka ke saath, kabhi Neem Karoli Baba ke Ashram, kabhi Swami Dayanand Giri Ji ke Ashram, kabhi Mahakaleshwar Mandir mein nazar aate hain. Virat ne apne kai interviews mein bola hai ki Anushka ne unko spirituality ki duniya dikhai, jisse unki life mein bahut sare changes aaye, wo aur kaam hue, unka cheezo ko dekhne ka nazariya badla. Virat kehte hain ki Anushka ki wajah se unhone apne sach ke saath tab bhi khade rehna seekha jab duniya unke against thi. My wife. Ye changes isliye aa paaye kyuki wo open minded the. Bahut si shadion mein isliye roz kalesh hote hain ki koi zindagi mein toh aaya hai par hum nahi badlege, hum toh jaise hain waise hi rahenge. Pyaar ka matlab hi yehi hai ki zid se upar rishte. Ye sochna ki hum ek doosre se kya seekh sakte hain. Kyuki do taare hain agar sahi se jud jaaye toh roshni ho jaati hai. Aur yehi do taare agar galat jud jaaye toh short circuit ho jaata hai. 2020 mein duniya mein corona aaya aur Virat ke career ka lowest point aaya. Dhai saal mein run machine kahe jane wale Virat ne ek century tak nahi mari. Average score 20 se bhi kam tha. Kai baar zero par out hue aur jis tarah se ghayal sher par mauka samjhkar har koi humla karne ki koshish karta hai usi tarah se charo taraf se har koi khule mein Virat ko criticize karne laga. Kisi ne kaha zyada hi ghamand ho gaya hai, ye toh tootna hi tha. Kisi ne unki selection ko hi galat bata diya. Kisi ne kaha ki cricket unke liye bana hi nahi hai, ab Virat ko sanyas le lena chahiye. Sabko lag chuka tha ki ab na king ka waqt khatam ho chuka hai, ab shayad kisi aur ki bari hai. Magar wo King Kohli hain King. Aur King itni jaldi haar maan jaaye toh ye King shabd ki hi insult hai. Virat ka ek bahut strong aur simple tool hai Self Talk. Khud ke saath baithkar baat karna. Virat, suna hai bahut gussa aata hai tujhe? Kar gussa, aur gussa kar. Jab body thak jaye us pe gussa kar. Jab dimag focus na kar paye us pe gussa kar. July 2022 mein England tour se wapis aakar unhone swadhyay kiya, self talk kari. Aur is baar bahut si aisi cheeze realize unko hui jo pehle kabhi nahi hui. Unhone samjha ki unki body unse ab break mang rahi hai, dimag pause lekar relax karne ke liye keh raha hai. Aur isi point par unko ye realize hua ki intense discipline, focus, strength sab kuch theek hai. Magar apni limit ko identify karna usse bhi zyada important hai. Virat ne ek mahine ki break li aur pichle 10 saal mein ye pehla mauka tha jab unhone ek mahine apne bat ko haath nahi lagaya. Toh is well deserved break ke baad agle hi match mein 8 September 2022 ki sham ko Asia Cup mein unhone apne run machine wale avatar ki wapsi ki. Highest scorer bane aur wahi form abhi bhi is World Cup mein maintained hai. Aur Brand Kohli aur bada hota ja raha hai. Kya hai Brand Kohli? MSD kehte hain ki Kohli ki ek baat unko bahut achhi lagti hai ki wo 8-10 saal aage ka sochte hain. Virat ne in fact apne ek interview mein kaha tha ki Indian cricket team duniya mein kaise dominate karegi. Ye kuch din ya mahino ka nahi 8-10 saal ki planning lekar chalna hoga. Apne brand ke liye bhi wo yahi karte hain, apni life ke liye bhi wo yahi karte hain. Ek cricketer ka career limited hota hai lekin cricket ke baad ka plan abhi se set hai. Unki restaurant chain hai One8. Unka clothing brand hai Wrong aur kai startups mein Virat investor hain. Duniya ke most followed cricketer hain. Agar world level ki baat kare na toh aap dekhoge ki football aur basketball players top earners hote hain. Cricketers nahi hote. Lekin Virat Kohli akele cricketer hain aur akele Indian hain jo top 100 highest paid athletes mein hain. Virat ki jo salary hai unki total earning ka 9% hai aur baki sari earning hai unke businesses se, shoots, brand deals, in cheezo se. BCCI se 7 crore per year milta hai aur har test ka 15 lakh, har one day ka 6 lakh, har T-20 ka 3 lakh aur iske alawa 15 crore IPL se. 18 se zyada brands ke wo brand ambassador hain. So ek achhe player hone ke saath Virat ek visionary bhi hain, ek entrepreneur bhi hain. So Virat ke mind ko decode karne pe kya nikla? Ownership mentality apne circle of control ko samjho aur uske upar kaam karo. Accept and act. Jitna jaldi accept karoge utna jaldi act karoge. Physical strength, car ka engine car ko sahi chalayega aur fuel car ko power dega. Visualizations and affirmations, kyuki jitna mind strong utni life strong. Openness, tu jeete ya main jeetun isse important hai relation jeete aur hum khud ko behtar banaye. Self talk ek simple and strong tool jo hume aaina dikhata hai aur long term vision, door ki soch rakhenge toh door tak jayenge. Last mein main aapke 60 seconds lena chahunga aur aapko apne training program ke bare mein batana chahunga. Agar aap ek proper step by step training chahte hain jiske andar hum aapko tools dete hain, sheets dete hain, khud ko janne ke liye, apne goals banane ke liye, apni confusions ko clarity mein badalne ke liye, apne fear ko confidence mein badalne ke liye. Teen ghante ki ye workshop hai jitne mein aap ek movie dekhte ho utne time mein aap apni life ko badal sakte ho. Jab aap isme enroll karte ho toh aapko monthly Q&A session milta hai, ek positive logo ki surrounding community milti hai and agar aapko lage ki nahi ye training aapke kaam ki nahi hai toh money back guarantee hai. Neeche description mein link mil jayega. Screen pe aapko QR code nazar aa raha hai ispe click karke aap khud ko is training program mein enroll kar sakte ho aur apni life ko kismat ke bharose nahi, apne hisab se chala sakte ho. Dosto main ye samjhta hoon ki success ki speed tab tez ho jati hai jab hum doosro ki achievement se aur failure se seekhte hain. Is video ke saath meri aur meri team ki yehi koshish thi ki Virat ki life ko hum decode kare, unke success aur failure se kuch pointers aapko nikal ke dein jo aap apni zindagi mein implement kar pao. Aur kin topics pe aapko videos chahiye neeche comments mein zarur batana. Main pichle 13 saal se ek hi koshish mein hoon ke apni videos, books aur trainings ke through apne desh ki mental aur financial growth mein contribute kar pao. Fir milenge agle video mein tab tak khush rahiye, khushiyan baante rahiye. I love you all.
