[0:05]شويه تبغ ملفوفه بورق طيحت اقتصادات دول ورفعت دول ثانيه. وصراحه دائما ما اسال نفسي اسئله عنه ومين اللي اكتشفه؟ وليه مسمينه نيكوتين؟ ومتى ظهرت الانواع الغريبه هذه؟ فبنسولف اليوم عن الدخان والتبغ بشكل عام ونشوف وين نبحر بقارب السواليف حقنا ذا. نبته التبغ واللي هي اساس السيجاره نفسها طلعت بالبدايه من قاره امريكا قبل الاف السنين. واول من استخدمها هي قبيله المايا وكانوا يستخدمونها كنوع من انواع العباده في ديانتهم. وكانوا اغلب القبيله هذه يدخنون نبته التبغ وبعضهم تحمسوا وقاعدين ياكلونها. وطريقه تدخينه هو انهم يجيبون ورقه شجر ويحطون عليها شويه تبغ ويلفونها ويحرقونها وهذه تعتبر طريقه التدخين حقهم. وعاد بقوا على حالهم الغريب هذا الين ما جاهم شخص ونكبهم ونكبنا برضه معها.
[0:52]كريستوفر كولومبوس كان يبحر بسفينته مع كم شخص واكتشف جزيره جديده ما حد اكتشفها من قبله. واللي ما كان يعرفه ان الجزيره الكيوت هذه هي قاره امريكا بكبرها. وعاد تقابل مع الهنود الحمر اللي كانوا سكان امريكا الاصليين وبدا كولومبوس يمون معهم ويصلح علاقتهم بالاوروبيين. رجع بعدها لدييرته بايطاليا وعلمهم بالسالبه اللي صارت معه. ودرى الباحث جوني كوت بسالفه كولومبوس فقال والله لا اروح اشوف ايش صار هناك. فقرر انه يروح امريكا لعله يكتشف شيء جديد عندهم. قابل الهنود الحمر وبدا ينسجم معهم حبه حبه ومع جوهم الغريب ذا. واكتشف انهم يدخنون شيء غريب واللي هو التبغ. سالهم ليش يسوون زي كذا؟ وقالوا ان التبغ صحي ويبعدكم من الامراض وهذا غير انه عاده دينيه عندنا. عاد هو صدق كلامهم واسمحوا له انه ياخذ له كذا كم بذره عشان يزرعها في فرنسا. اخذها مع لفرنسا وقدمها لاحد الاميرات هناك. وشرح لها وللموجودين ان تدخين التبغ يبعدك عن الامراض ويعتبر علاج مره قوي. وبدا ينتشر التبغ في اوروبا ككل وكان مشهور اكثر شيء عند الناس الاغنياء. وسموا التبغ نيكوتين على اسم خوينا نيكوت اللي راح لامريكا. وبكذا وصل النيكوتين لاوروبا لكن المشكله انه كان للاغنياء بس. فنحتاج نخليه لعامة الناس.
[2:03]بعام 1880 اخترع جيمس البرت اله البونساك ماشين. والاله هذه قادره على انها تلف السيجاره بطريقه مره سريعه. لان قبلها اذا تبغى تسوي لك سيجاره لازم تقعد تلفلف ذا الورق تاخذ لك اقل شيء ربع ساعه. ولقى له جيمس البرت ممول وسعده في انه يفتح شركته الجديده اللي تنتج 120,000 سيجاره ب 10 ساعات بس. ومن بعدها صار الدخان لكل الفئات بعد ما كان بس للاغنياء. وكثره الدخان هذه سببت مشكله وهي ان اغلب المراهقين صاروا يدخنون والموضوع صار ايزي. فصارت خلافات على ان المراهقين ما ينفع لهم التبغ وانه بس للرجال المطاليق. لين ما بعام 1900 اصدروا قرار بمنع المراهقين من الدخان. ومن القرار هذا بدا تخسر شركات الدخان شريحه كبيره من الزباين بحكم انهم اكبر شريحه كانوا. فصاروا مضطرين انهم يجيبون فكره جديده يجيب لهم زباين اكثر. على ايام الحرب العالميه الاولى شركات التدخين سوت واحده من افضل الطرق التسويقيه. وهي انا وزعت الدخان لجنود الحرب على امل انه يسليك يعني في وحشه الحرب الخايسه. فصار الجندي الامريكي كل ما ضاق صدره في الحرب يطلع زجارته ويولعها. فتحول الدخان لعلامه من علامات الجندي الامريكي اللي دافع عن وطنه. والحريم بسبب ان ازواجهم مشاركين في الحرب فصاروا مضطرين انهم يشتغلون اماكن ازواجهم. فاللي صارت حداده واللي نجاره واللي زباله اهم شيء انها تاخذ لقمه العيش حقها. وعاد من وقتها صدقوا نفسهم انهم من جد رجال وبداوا يلبسون حتى ملابس الرجال ولو شدوا امها ودخنوا برضه. وموضوع تدخين الحرمه ما كان مشهور وقتها كان بس التدخين مقصور على الرجال. عاد هنا انفتح باب خير لشركات التبغ وهو ان الحرمه لو صارت تدخن بتحصل رزق كبير من وراها وغالبا بتتدبل ارباحك. لكن المشكله ان تدخيل المراه مربوط بفكره ان المراه مسترجله لانها حركات رجال هذه. فلازم يشوفون لهم حل يغيرون الفكره هذه ويخلون ان الدخان رمز من رموز الانوثه. بعد ما انتهت الحرب العالميه بخيرها وشرها راح رئيس شركه امريكان توباكوا لمستشار اجتماعي معروف اسمه ادوارد بيرنز. طلب منه انه يكثر عليه فكره دعايه يقنع فيها النساء انها عادي ترى تدخنين ما هي مشكله يعني بالعكس انت مستقله وكذا. اقترح عليه ادورد انه يربط موضوع التدخين بفكره حقوق المراه بحكم انها كانت هبه يعني وقتها. وراح رئيس الشركه ودفع لمجموعه نساء وطلب منهم انهم يدخنون ويرفعون لوحه طالب فيها بحقوق المراه. والصحافه وقتها كانت حاضره هناك ووثقت الموضوع كامل ونشرته على الجرائد. وصار تدخين المراه هي رمز لحريتها وانها نفسها نفس الرجال وما بينهم اي فرق. وخوينا ادورد صاحب الفكره نفسه لما رجع لبيته لقى زوجته ماسكه بكه دخان وقاعده تدخن. عاد هو اخذ الباكيت منها وقام يقطع فيه وقال لها ان الدخان مضر وما ينفع ان تدخن. رغم انه قبل كم ساعه ناكب 700 واحده هناك لكن هذا هو الفكره الراس مالي عاد ما عندك شيء. النازيين وعلى راسهم هتلر كانوا اكبر معادين للدخان. بسبب ان الاطباء الالمان كانوا اول من اكتشف ان التبغ يسبب سرطان الرئه. فسوى حملات مكافحه للتدخين ونشر صورها في كل مكان. وضيقوا على المدخنين انهم يدخنون وحتى انهم رفعوا الضرائب على الدخان عشان ما عاد احد يستورده من برا. وشركات الدخان الامريكيه حاولت انها تستغل الموضوع في صالحها. وربطت موضوع كره الدخان بالنازيه وان الشخص اللي ما يدخن يعتبر موالي لهتلر والنازيين. والشخص اللي يدخن هو عباره عن جندي امريكي كويس قاعد يدافع عن وطنه ويحمي ارضه. وهذه فكره معروفه بذاك الوقت وهي اختزال الى هتلر. او الحجه الهتلريه او الحجه النازيه او اللعب بالورقه النازيه. وهو بكل اختصار انك تنكر اي فعل بس لان هتلر كان يسويه. يعني اذا شفت واحد يكره اليهود لازم تكره هذا الشخص عشان هتلر كان يسوي نفس الشيء. او اذا شفت واحد محدد الشنب حقه زي كذا برضه لازم تكرهه بس عشان هتلر كان محدد فكره متخلفه اقسم بالله كل الحركات الغبيه هذه لعانه. لان هتلر بس كان يكره الدخان ما هي جوهم يا شيخ.
[5:54]في حال انك شفت اي مشهد سينمائي غالبا ان بطل المشهد الرهيب هذا بتلاقيه يكون مدخن. فبتلاقي البطل كده شكله هيبه ورهيب ويطلع لك السيجاره كده سللو موشن ويولعها عشان تتتدبل الهيبه عنده. وفي الحقيقه اغلب شركات الانتاج هذه تكون متعاقده مع شركات التبغ انها تروج لهم بالافلام. وما يحتاج انه يسوي لك امبوكسينج الباكيت الدخان ويقول لك وش يجي معه وش ما يجي معه. كل اللي يسويه انه بس في اللحظات الرهيبه هذه يطلع السيجاره حقه ويدخنها. وطلعت احصائيه بالتسعينات ان 66% من ممثلين هوليوود كانوا متعاقدين مع شركات التبغ. فلا تستغرب ليه الشايب ذا ما ينزل زجاره من فمه او خوينا اله هذا شارل هولمز ما يجيه الكيف الا وقت التحقيق. والله وطحت من عيني والله يا ابو هولمز ما عاد عاد في حلقات هولمز. التبغ له انواع واشكال جدا كثيره وتقريبا في كل منطقه بتلاقيهم يضيفون شيء كده مع التبغ ويحولون نسبه وتركيبه الى شيء ثاني. ولكن في حاجات مشهوره يعني واولها هي الشيشه والفرق اللي احس بينها وبين الدخان هي ان الشيشه كيف تحسها اجتماعيه شوي يعني يكونوا في مجموعه ناس. وفيها خرطوم كذا يتبادلون الخرطوم هذا مع كل شخص كل واحد يلصق فمه فيه يا اخوي العمال يا قرف. وفي برضه النشوق وهذه احس انها حق الوراعين كذا حق الحواري. وهذه مشهوره عند اهل الحجاز وهي اللي حكر يا ابو ايش اللي ما حد يعرف النشوق. والنشوق بكل اختصار هي عباره عن تبغ مع رماد اللي هو الفحم. ايوه رماد فحم زي ما سمعت ويحطون كم شيء ثاني كذا مقرف معه عشان تموت على طول. والله لو يبصقون في الكيس هذا ما حد درى ورب المصحف ما تدري ليه والمشكله اعرف ناس انا للاسف للاسف يعني انه ياخذ هذا الشيء. ياكلها كده على طول على المعده يعني ما هو اللي يحطها كده على الجنب ويكيف لا لا على طول ياكلها. هو غلط ترى ما اقول ان الشيء صح هو غلط اكبر غلط. وفي شيء اللي هو قاضيه كده اللي هو النوره هذا النوره انا كنت احسبها اسم بنت لكن في الواقع طلع مكون من التبغ. والرماد يلا خمن الثالثه سيف لا لا مو سيف اصبر. عباره عن لمبه تعرف اللمبه هذه حقه اللمبه اللي في البيت ايش اللي وش؟ لمبه البيت هذه يفككونها ويطحنونها كذا طحنه جدا خفيفه ويحطونها مع التبغ والرماد وكذا طول اعمار واحلى كيف. تموت ما تموت هذا مو شغلي وفي بعضهم معليش انا بقرفكم يعني لكن بعطيكم الوصف اللي يوصفونه هم. يقول انه اطلق شيء فيها انها تقطع الجلد او تقطع البرطم فلما تقطع البرطم. تجيك سرطان هذا اللي يصير لما تقطع البرطم فهنا ام القرف يا شيخ انا ليش قاعد اجيب ليه كل موضوع اسوا من الموضوع اللي قبله؟ يعني انا ما شاء الله قاعد انافس نفسي في سوء الموضوع المهم يا شباب التمباك ترى ما ينفع ولا هو بحق مرجله ولا شيء بالذات حقين ال 15 16 هذول. شوف عمي كبير انا ايوه كبير ايش تبغى بعد شهر بدخل 20 ما تبغاني اقعد اذلكم. المهم ان تر ما هي مرجله يا شباب انا عارف ان في بعضكم مدمن عارف متفاهم هذا الموضوع. لكن الحق عمرك يعني ايش قاعد تسوي 20 سنه مدخن ما امدك 20 سنه تبطل معقوله هذه الورقه هذه هي اقوى منك اقوى من انا مسوي تحفيز وكذا عشان يا اخي ودي واحد كذا يتوب من شيء بسبب انا احس اني احس اني اثرت.
[9:44]ما هو زي كذا المهم كثرنا كلام وصل المقطع 10 دقائق خلاص الضمير ارتاح يعطيكم العافيه على المشاهده جميعا اشكر جميع ال. ما ادري اشكر المهم اشكر اي شخص رجال يبطل من الاشياء هذه ويمشي سيده مع السلامه يا شباب.
