رحلة بولس الرسول التبشيرية الاولي . الحلقة الاولي

[0:00]الحلقه الاولى بولس الرسول من اعظم رسل العهد الجديد واللي بشروا العالم كله وكتب حوالي نص العهد الجديد. لكن الحكايه بدات ازاي؟ اتولد بولس في مدينه اسمها طرسوس ودي كانت تابعه للامبراطوريه الرومانيه فعلشان كده بولس كان معاه الجنسيه الرومانيه واللي ساعدته في حاجات كثيره. بولس كانت عائلته شريفه ومعروفه، وتعلم على ايد اشهر معلمين الناموس في الوقت ده وهو غمالائيل. بدا بولس يضطهد كل حد بيعترف باسم يسوع وكان واحد من اللي مبسوطين برجم استفانوس. لكن التغيير حصل ازاي؟ في يوم من الايام شاوي قبل ما يتغير اسمه لبولس طلب من رئيس الكهنه رسائل لدمشق. علشان اول لما يلاقي مسيحيين يقبض عليهم ويجرهم لاورشليم، وهو في السكه ظهر نور من السماء وسمع صوت بيقول له شاوي شاوي لماذا تضطهدني؟ فقال: من انت يا سيد؟ فرد عليه: انا يسوع الذي انت تضطهده. ومن اللحظه دي ربنا اتقابل معاه وغير حياته وبقى شخص مختلف تماما، وتغير اسمه لبولس. ومن ساعتها قرر يبشر كل حد يشوفه عن ربنا. بولس عمل ثلاث رحلات تبشيريه حوالين العالم، واتعرض في الفتره دي لمخاطر رهيبه عشان يوصل رساله الانجيل للعالم كله. هنعرف عن كل الكلام ده في الحلقات اللي جايه، استنونا.