شرح مفصل للنزله المعويه ( gastroenteritis )اعراضها وعلاجها بالتفصيل

[0:03]السلام عليكم، لو دخل لك شخص الصيدليه وقال لك يا دكتور انا عندي اسهال مائي جديد، يعني بيشتكي ان عنده اسهال نازل زي الميه، هتتصرف مع الشخص ده ازاي؟ في الحاله دي في ثلاث اسئله مهمين لازم نسالهم للمريض، الاسهال ده معاه اعراض ايه ثاني؟ هل معاه ترجيع او في حراره او في الم في البطن؟ ممكن يقول لك ايوه يا دكتور في ترجيع مع حراره، او ممكن يقول لك لا يا دكتور ما فيش ترجيع ولا في حراره لكن في الم في البطن. وفي بعض الاحيان بلاقي دم او مخاط في البراز. مبدئيا كده لما يقول لك ان في اسهال مع ترجيع وحراره، دي كده نازله معويه جاسترونتيس. والنازله المعويه اللي بيكون معاها ترجيع وحراره، دي حصلت بسبب فيروس او بكتيريا. وهنفرق ما بينهم بحاجات بسيطه هتعرفنا المريض بيشتكي من نازله معويه نتيجه الاصابه بفيروس ولا بكتيريا؟ الفيروس ده اشهر سبب للنازله المعويه ومنتشر اكتر فتره الشتاء. هتلاقي المريض يقول لك ان في اسهال مع ترجيع وحراره لكن الحراره هنا مش هتعدي ال 38.5. وغالبا هتلاقي جاله الاعراض دي بعد دور البرد. اما البكتيريا منتشر اكتر فتره الصيف وهتلاقي المريض يقول لك ان في اسهال وترجيع والحراره هنا هتعدي ال 38.5. كمان هتلاقي التعب باين قوي على المريض وجسمه مكسر ومش قادر يقف. طيب لو قال لك يا دكتور انا بشتكي من اسهال وما فيش ترجيع وما فيش حراره لكن في الم في البطن، دي كده برده نازله معويه. لكن حصلت بسبب بارازيتيك طفيليات. في الحاله دي المريض محتاج يعمل ستول اناليز تحليل براز علشان نشوف نوع الطفيليات اللي عنده والموضوع ده ان شاء الله هنتكلم عنه بالتفصيل في حلقه الديوريا. وهنعرف ازاي نقرا تحليل البراز ونعرف ايه اللي سبب للمريض المشكله. كده احنا شخصنا الحاله من الهيستوري بتاعه المريض. تعالوا بقى نفسر الاعراض اللي حصلت للمريض دي حصلت ليه او ايه سببها علشان نقدر نعالجها. في الاول كده يعني ايه جاسترونتيس؟ الجاسترونتيس دي معناها نازله معويه ومن الاسم نفسه نقدر نطلع ببعض المعلومات عن المشكله. هنقسم الاسم لثلاث مقاطع، جاسترو يعني معده، انترو يعني الامعاء، ومقطع الاي تي اي اس يعني التهاب. فالترجمه الحرفيه ليها التهاب المعده والامعاء. وطبعا احنا عارفين ان الالتهاب طبيعي بيعمل حراره، فهنلاقي من ضمن الاعراض زي ما المريض قال ارتفاع في درجه الحراره. والالتهاب في الحاله دي حصل بسبب انفكشن والانفكشن ده ممكن يكون حصل بسبب فيروس او بكتيريا. او ممكن يكون بسبب تسمم او في بعض الحالات ممكن يحصل بسبب اكل الفسيخ. طيب احنا قلنا التهاب المعده والامعاء وعرفنا ان الالتهاب ده هو اللي عمل حراره وان الالتهاب ده نتيجه انفكشن. طيب وبالنسبه للترجيع والاسهال؟ في الحقيقه التهاب المعده هو اللي عمل للمريض ترجيع والتهاب الامعاء هو اللي عمل للمريض اسهال. تعالوا بقى نتكلم عن اسباب الجاسترونترايتس. مهم جدا تعرف سبب المشكله لان بناء عليها هنحدد العلاج المناسب. في الاول عايزك تعرف ان الجاسترونترايتس دي ممكن تكون برايمري او سكندري. برايمري يعني سبب النزله المعويه مشكله في الجهاز الهضمي نفسه، يعني في انفكشن هو اللي عمل المشكله في الجهاز الهضمي. سواء الانفكشن بقى ده بكتيريا او فيروس او باراسيتيك. سكندري معناها ان حصل مشكله ما وكان من اعراضها مشاكل في الجهاز الهضمي. والمشكله دي ممكن تكون بيتيوليزم تسمم الفسيخ او ممكن تكون اورجانو فوسفراس بويزنج تسمم بالمبيدات الحشريه او ممكن تكون زينك فوسفات اقراس الغله. تعالوا بقى نتكلم عن الكومبلكيشن اللي ممكن تحصل بسبب الجاسترونترايتس. لما اقول لك ان في شخص بيعمل اسهال وترجيع متواصل تتوقع ايه اللي ممكن يحصل له؟ اكيد طبعا هتقول لي ان الشخص ده ممكن يتصفى، يعني هيحصل فقد لنسبه كبيره من السوائل اللي في جسمه. وبالفعل اخطر حاجه واللي بنخاف منها في الحاله دي ان المريض يحصل له دي هيدريشن جفاف. علشان كده لما نتكلم على العلاج اول خطوه هنعملها اننا نعالج الجفاف لو موجود. طيب ايه هي الاعراض اللي هتظهر على مريض وتاكد لنا ان الشخص اللي قدامك ده حصل له جفاف؟ هتلاقي لسانه ناشف يعني ما فيش لعاب، هتلاقي جلده ناشف، هتلاقي عينه داخله لجوه. كمان هتلاقي البول كميته قليله او في بعض الحالات السيفير هيقول لك ان ما فيش بول اصلا يا دكتور. تعالوا بقى نتكلم على علاج النزله المعويه. خطه علاج النزله المعويه بتعتمد على علاج الاعراض اللي ظهرت على المريض. يعني لو حصل جفاف نعالجه، لو في ترجيع نعالجه، ولو في الم في البطن او مغص نعالجه. والمغص هنا بيحصل بسبب الانقباضات المستمره في الامعاء هي اللي هتسبب له مغص وتعمل له الم في بطنه. وطبعا هنعالج الاسهال ولو في حراره نعالجها ونشوف لو سبب الحراره دي انفكشن نعالجه. تعالوا بقى كده نتكلم عن الادويه اللي بتستخدم في علاج النزله المعويه. هنقسم علاج النزله المعويه لحالتين، شخص بيشتكي من نزله معويه وحصل له جفاف. وعرفنا من الاعراض اللي اتكلمنا عليها ازاي نحدد اذا كان حصل له جفاف ولا لا. وشخص بيشتكي برده من نزله معويه لكن ما حصلوش جفاف. في حاله الشخص اللي حصل له جفاف فده اكيد عنده اسهال وترجيع مستمر، فلو اخذ اقراص مش هتجيب معاه نتيجه لانه هيرجعها. كمان مش هيقدر يشرب سوائل علشان يعوض فقد السوائل اللي حصل له. في الحاله دي هتعمل له ريفير المستشفى لانه هيحتاج يركب محلول علشان نلحق مشكله الجفاف والمريض ما يدخلش في قما. مع المحلول هيحتاج ياخذ ادويه علشان المعده والترجيع والمقص. فممكن يدوا له امبول انتودين للمعده وامبول بربران للترجيع وامبول فيسرال جين للمغص. كل حقنه من دول ياخذها عضل او يتضافوا على المحلول ويتاخذ ببطء. وبعد كده هيكمل بقراص علشان يعالج باقي الاعراض زي ما هنشوف كده مع بعض ان شاء الله. طيب لو اللي بيشتكي من نزله معويه ما حصلوش جفاف؟ كده الشخص ده قاعد يشرب علشان يعوض فقد السوائل اللي حصل له وممكن ياخذ اقراص، فهنقول له يعوض بسوائل على قد ما يقدر وهنعالج الاعراض اللي ظهرت على المريض. لو في ترجيع هندي علاج للترجيع زي بربران او موتيليوم. والجرعه بتاعتهم قرص قبل الاكل بنص ساعه ثلاث مرات في اليوم لحد ما يقف الترجيع. ونعالج الاسهال، ممكن ندي مطهر معوي زي الانتينال او فلاجيل او ممكن ندي ستريبتوكين. والجرعه بتاعتهم قرص او كبسوله ثلاث مرات في اليوم لحد ما يوقف الاسهال. ولو في حراره هندي خافض للحراره. ممكن ندي مسكن وخافض حراره ومضاد التهاب زي البروفين او ممكن ندي مسكن وخافض حراره زي البنادول. والجرعه بتاعتهم قرص ثلاث مرات في اليوم. طبعا مع كمادات والكمادات دي لازم تبقى بين الرقبه والباط والفخد زي ما شايفين في الصوره اللي قدامنا دي كده. الكمادات لا تقل اهميه عن خافض الحراره ليها دور اساسي لان خافض الحراره مش هيشتغل لو الحراره اعلى من 38. فلازم تنزل الحراره الاول بالكمادات والكمادات لازم تتعمل بطريقه صح علشان تجيب نتيجه. وزي ما قلنا المريض ممكن يحس بالم في البطن على هيئه مغص، فهو ممكن نديله فيسرال جين قرص ثلاث مرات في اليوم لحد برده ما يوقف المغص. اخر حاجه بقى في خطه العلاج لو في بكتيريا هنستخدم مضاد حيوي. يعني المضاد الحيوي بيستخدم في حاله البكتيريال جاسترونتراتس. النزله المعويه اللي بتحصل بسبب البكتيريا غالبا المسبب ليها جرام نيجاتيف بكتيريا. فممكن نستخدم حاجه من عيله الكينولونز زي السبروفلوكساسين او السبروفار او السبروباي. اي حاجه من دول يستخدمهم مرتين في اليوم يعني قرص كل 12 ساعه قبل الاكل بساعه او بعد الاكل بساعتين لمده خمس ايام. وانبه على المريض ان المضاد الحيوي ده بيتاثر امتصاصه باللبن والاكل الغني بالكالسيوم. فيفضل طبعا تناول الاثنين بعاد عن بعض، وهتنصح المريض انه يشرب سوائل كثير وياكل حاجات تقلل الاسهال زي الموز، رز، تفاح او كمثرى، يشرب شاي مع توست، ياكل عيش. ويبعد طبعا عن الاكل المسبك او الاكل المحمر. علشان نثبت المعلومات اللي اتكلمنا عليها دي تعالوا ناخد مثال لروشته نزله معويه ونفسرها مع بعض. هنلاقي هنا في الروشته ان الطبيب كاتب رقم 39 ودي غالبا كده درجه حراره المريض. ومن درجه الحراره دي نقدر نستنتج ان المشكله عند المريض بسبب البكتيريا واللي هياكد لنا الكلام ده وجود مضاد حيوي زي ما ذكرنا قبل كده. فدي كده رشطه بكتيريال جاسترونترايتس، مريض حصل له نزله معويه بسبب البكتيريا. رشطه النزله المعويه اللي حصلت بسبب بكتيريا لازم تلاقي فيها مضاد حيوي حاجه بتشتغل على الجرام نيجاتيف بكتيريا مطهر معوي مضاد للترجيع مضاد للتقلصات خافض للحراره. فاول حاجه هنلاقي مضاد حيوي زي السيبرو والجرعه بتاعته قرص كل 12 ساعه لمده خمس ايام. والسيبرو زي ما قلنا قبل كده شغال على الجرام نيجاتيف بكتيريا اللي مسبب النزله المعويه للمريض. كمان هنلاقي مكتوب انتينال كبسوله ثلاث مرات في اليوم. الانتينال مطهر معوي كويس جدا لان فيه ماده النيتروكسيد ودي تبع ماده النيتروفورز. ودي بروت سبيك انتي بيوتك وشرحنا الكلام ده بالتفصيل في حلقه الانتينال هسيب لكم اللينك ان شاء الله في التعليقات. وهنلاقي كمان مكتوب موتيليوم قرص ثلاث مرات في اليوم ده انتي ايتيك حاجه مضاده للقيء. ومكتوب فيسرال جين قرص ثلاث مرات في اليوم وده انتي بازيك مضاد للتقلصات. والحراره طبعا هيعمل كمادات الاول لان زي ما قلنا خافض الحراره مش هيشتغل لو الحراره اعلى من 38. وياخذ باراستامول قرص ثلاث مرات في اليوم. وطبعا هتنصح المريض انه يشرب سوائل كثير وياكل حاجات تقلل الاسهال زي الموز، رز، تفاح او كمثره، يشرب شاي مع توست، ياكل عيش. ويبعد عن الاكل المسبك والاكل المحمر. كده خلصنا حلقه النهارده، لو حابين نعمل حلقه مختصره برده عن النزله المعويه للاطفال سببها واعراضها وعلاجها وايه النصائح اللي هنقولها للام ان الطفل ياكل ايه ويبعد عن ايه؟ سيبوا لي في التعليقات وان شاء الله نعمل حلقه مختصره زي كده، والسلام عليكم ورحمه الله وبركاته.