لو كسرتها انت اللي هاتقع.. عارفين ايه اللي بيوجع ؟ اسمعوا باقي الحكاية مع #حنان_موج #اكسبلور

[0:00]عارفين ايه اللي بيوجع؟ اننا بنعامل امهاتنا كانهم اعداء في معركه. مين اللي يكسر التين؟ مين اللي يفرض كلمته؟ الام مش خصم في مناظره، الام دي الارض اللي انت واقف عليها لو كسرتها انت اللي هتقع. احنا بنفتكر ان الاعتذار اهانه وان النقاش معاها اثبات شخصيه والحقيقه ان الاعتذار للام هو ارقى درجات القوه. انك تعترف بغلطك قدامها ده مش ضعف، ده دليل انك تربيتك اصيله وان قلبك لسه فيه حته بيضاء ما لوثتهاش الغرور. لو في يوم جرحتها بكلمه او قسيت عليها في موقف ومستنيها هي اللي تبدا او مستنيها تنسى من غير ما تطلب السماح انت واهم. الجرح اللي بتسيبه في قلبها مش بيلم هو بيفضل ينزف حتى لو هي ابتسمت في وشك، هي بتعمل كده عشان هي ام مش عشان هي نسيت النهارده. التحدي مش في الكلام التحدي في كسر انا اللي جواك. وقف معاركك الوهميه معاها. بطل دور القاضي اللي بيحاكمها وابدا دور الابن اللي بيسمعها، قوم دلوقتي لو هي جنبك روح لها ما تتكلمش بس بوس ايدها وهمس بكلمه انا اسف سامحيني انا كنت غلطان. ولو هي مش جنبك اتصل بيها ما تستناش اللحظه المناسبه، اللحظه المناسبه هي دلوقتي. الايام بتسرق بننا اعمارهم، ما تضيعش يوم كمان في عناد ما لوش لازمه ولا في نقاشات عقيمه بتسجل عليك عقوق. روح لها قبل ما يجي يوم تدور فيه على ايد تبوسها وتلاقي نفسك بتبوس ذكريات.