worms ova & worms larvae

[0:18]ومكملين في الفحص الميكروسكوبي، فاكر الحلقة دي؟ فيها قسمنا الطفيليات إلى هيلمنتولوجي، بروتوزولوجي، إنتمولوجي. الحلقة اللي فاتت اتكلمنا عن البروتوزولوجي بالأطوار المختلفة لها زي البروتوزوال سيست والبروتوزوال تروفوزويد. النهاردة هنتكلم عن الهيلمنتولوجي، الديدان، وورمس، والأطوار اللي ممكن أشوفها تحت الميكروسكوب في عينة البراز. قبل ما أبدأ تعالى برضه أحكي لك قصة جميلة. دي دودة بسميها الدودة البالغة كبيرة وبتتحمل المسئولية. الديدان دي ممكن تكون حاجة من الاثنين، يا إما منفصلة الجنس يعني ده ذكر مع نفسه عنده أعضاء تناسلية ذكرية بينتج أمشاج ذكرية. ودي أنثى عندها أعضاء تناسلية أنثوية وبتنتج أمشاج أنثوية. أو النوع الثاني إنها تكون مخنثه يعني هي دودة واحدة بتحتوي جواها على الأعضاء التناسلية الذكرية والأنثوية. الديدان دي إما حجمها كبير أشوفه بعيني أو صغير محتاج ميكروسكوب. الطور الثاني وهو لما الدودة ربنا يكرمها وتتخصب ويبقى جواها بويضات. أوفا لحظة يا محمد سليم هي أوفا ولا إيجز؟ حلو السؤال. تعالى أقول لك إيج جمعها إيجز يعني بيضة أو بيض. دي أقولها لما تكون مخصبة أو فيها جنين أوفم جمعها أوفا يعني بويضة أو بويضات. دي أقولها لما تكون مش مخصبة تمام؟ ده أحد الآراء فيها. اشطى عليك الطور الثالث وهو اليرقة في بعض الديدان بنلاقي جوه بويضاتها طور اليرقة. لارفا يعني يرقة أما جمعها يرقات لارفي إيه ده صعبة قوي أحفظها إزاي دي؟ هأقول لك. لارفا ها ها ها ها واحدة ها ها يرقة. أما لارفي يا أختي كتير يرقات تمام؟ يبقى لارفا يرقة. أما لارفي يرقات بتكون موجودة جوه البويضة أو ممكن البويضة تفقس وتخرج منها اليرقة دي. يلا بسرعة نبدأ في البند السادس في الفحص الميكروسكوبي ال وورم أوفا أو الهلمنس أوفا بويضات الديدان. وركز قوي بعدسة عشرة وعدسة أربعين كلمتين خلاصة حطهم حلقة في ودانك إزاي اتعرف على البويضة؟ أربع حاجات بتميز أي بويضة يا باشا. رقم واحد حجمها رقم اثنين لونها رقم ثلاثة الجدار بتاعها رقم أربعة المحتوى بتاعها. ومن دول أقول دي بويضة ولا أشباه بويضة يلا مع أول بويضة الإنتيروبياس فيرميكيوليريس أو الأوكسيوريس. ولو لقيتها هنا اسمها أوكسيورياسيس أو إنتيروبياسيس قدامك أهيه دي الدودة البالغة بتاعتها فاكرها طولها واحد سنتي وممكن تاخدها كده وتحطها تحت الميكروسكوب. وتشوفها وتشوف البويضات بتاعتها جواها وممكن تشوفها وهي بتضع بويضاتها من فتحة في جنبها كده. تعالى نقرب أكثر على البويضات بتاعتها الله شكلها تحفة حجم البويضة الواحدة حوالي خمسين في عشرين مايكروليتر. شكلها شبه حرف الدي دائرية من جنب ومستقيمة شوية من جنب لها ثلاث أغلفة اثنين أساسيين وواحد رقيق لزج شفافة طبعًا جواها يرقا ناضجة. وأحيانًا تلاقي اليرقة بتتحرك جواها على فكرة نادر لما هتشوفها في البراز إلا لو رحم الدودة إنفجر ونازل منه البويضات أثناء هجرتها لمنطقة الشرج. ملحوظة رفيعة أحيانًا بعض الزملاء بيختلط عليها الإوكسيوريس من الستارتش النشا طيب أفرق ما بينهم إزاي؟ سهلة بالأربع حاجات اللي قلت لك عليهم من شوية ولو ما قدرتش يبقى حط يود. النشا هتتصبغ باللون البنفسجي أما الإوكسيوريس هتتصبغ باللون الأصفر إلى البني سهلة سهلة تعالى ندخل على البويضة الثانية الإسكاريس لامبريكويدس أو ثعبان البطن. الإصابة بها اسمها أسكارياسيز دي الدودة البالغة فاكرها؟ الذكر تقريبًا عشرين سنتي والأنثى خمسة وعشرين سنتي. لونها أبيض أو كريمي أو وردي كده بويضتها بقى بص يا سيدي هم أربع أنواع من البويضات. النوع الأول بويضة متخصبة ولها قشرة كورتيكيتد فيرتيلايزد إيج. حجمها تقريبًا ستين في خمسة وأربعين مايكرووليتر دائرية أو شبه بيضاوية شوية. ولها غطين الخارجي متموج متعرق كده والداخلي سميك وتخين لونها بني وجواها جنين غير ناضج خلية واحدة وأحيانًا ممكن يرقة. النوع الثاني من البويضات وهي بيضة مخصبة بس منزوعة القشرة دي كورتيكيتد فيرتيلايزد إيج. تمام حجمها أقل شوية من النوع الأولاني وشكلها بيضاوي شوية أو دائري ولها غطاء واحد فقط وهو الداخلي السميك. تمام لونها شفاف أما الجنين ممكن تلاقيه بني جواها جنين غير ناضج. النوع الثالث وهو بويضة غير مخصبة وجدارها مموج كورتيكيتد أنفيرتيلايزد أوفوم. نزلت من الدودة وما اتخصبتش حجمها تقريبًا تسعين في خمسة وأربعين مايكروليتر شكلها طويلة تمام بيضاوية كده ومن جوه ضيقة ولها غطين الخارجي مموج زي ما أنت شايف والداخلي رفيع. لونها بني وجواها حبيبات كده النوع الرابع دي بويضة غير مخصبة برضه ولكن منزوعة القشرة. دي كورتيكيتد أنفيرتيلايزد أوفوم تمام برضه نزلت من الدودة وما اتخصبتش حجمها أقل شوية من النوع الثالث شكلها طويلة زي ما أنت شايف كده ولها غطاء واحد داخلي رفيع. لونها بني وجواها حبيبات خد بالك غالبًا هتلاقي عسر هضم مع الإسكاريس وخذ بالك برضه في حاجات كتير جدًا شبهها زي الفيجيتابول سيل. طب أفرق إزاي؟ من الأربع حاجات اللي أنا كنت قلت لهم لك في الأول. ندخل على ثالث بويضة وهي الهيمينوليبس نانا وهأقول لما ألاقيها هيمينوليبس نانا دي الدودة البالغة تحت الميكروسكوب زي ما أنت شايفها كده شايف الحراشيف بتاعتها ومليانة بويضات. تعالى نقرب للبويضة بتاعتها حجمها تقريبًا ثلاثين في خمسين مايكرووليتر شكلها دائري زي ما أنت شايف ولها قشرتين الخارجية وده الغطاء بتاعها. والداخلي طالع منه خيوط على الجنبين كده من المنطقتين دول لونها شفاف وجواها جنين سداسي الشكل. ممكن تلاقيه بيتحرك كمان زي ما أنت شايفه كده شكله جميل وتحفة. رابع بويضة وهي الشيستوسوما مانسوني والإصابة بها بسميها شيستوسومياسيس أو إنتستاينال بلهارزيسيس. دي الدودة البالغة مش مهم قوي خلينا في البويضة بتاعتها حجمها كبير مئة وخمسين في ستين مايكرووليتر شكلها بيضاوي ولها شوكة على الجنب كده. لااترال سباين وجدارها رفيع لونها شفاف جواها ميرسيديوم. خامس بويضة وهي التينيا ساجيناتا حجمها تقريبًا ثلاثين في خمسين مايكرووليتر دائرية زي ما أنت شايف وجدارها مخطط ركز جدارها مخطط لونها بني مصفر جواها جنين سداسي الشكل. في بويضات غيرها بقى زي الفاشيولا جيجانتي كا والهيتروفيس هيتروفيس انكلوستوما ديودينال تريكوسيفالاس تريكيورا. آخر حاجة وهو التسجيل إزاي أسجل؟ والله يا إما كيفيًا كواليتيف هأقول ما فيش وده الطبيعي أو فيه وليكن مثلًا إسكاريس لامبريكويدس. أو كميًا والطبيعي أن ما يكونش فيه ما فيش أبسنت أو فيه وليكن اسكارس لامبريكويدس وهاأدي تقدير بالبلس بلس واحد اثنين ثلاثة. ندخل بقى على البند السابع وهو ال وورم لارفي أو الهلمنس لارفي يرقات الديدان اليرقات اللي ممكن تشوفها كتير. ولكن أنا هأختصرهم لك في الآتي ثلاثة بس من الأصغر للأكبر أصغر واحدة ممكن تشوفها وهي بتاعت الأوكسيوريس ممكن البويضة دي تفقس وتطلع اليرقة بتاعتها تلاقيها صغيرة خالص. أكبر منها شوية بتاعت الإسكاريس ممكن البويضة اللي أنت شايفها دي تفقس وتطلع منها اليرقة دي بتبقى أكبر شوية من بتاعت الإوكسيوريس. اليرقة الكبيرة بقى اللي أنت شايفها قدامك دي سترونجيلويدس ستيركوراليس. الدودة الخيطية القزمة بتسبب مرض اسمه سترونجيلويدسيس أو كوشين تشاينا دياريا. اليرقة دي حجمها حوالي تقريبًا ميتين مايكروليتر في الطول بتاعها. تجويفها الفموي قصير المريء بتاعها عند تلت طول اليرقة. النهاية بتاعتها تيلمة مش حادة حركتها مميزة جدًا خد بالك. أفرق بينها وبين البلانط فايبر من المحتوى اللي جواها والحركة طبعًا. نيجي لآخر حاجة وهو التسجيل الطبيعي إني ما فيش أبسنت تمام ولو فيه بأذكر اسم اليرقة وأقول مثلًا وليكن سترونجيلويدس ستيركوراليس ولو حابب تقول هي فايابول أو موتايل حية أو بتتحرك أو تقول ديد. براحتك أنا هأفتح المايك علشان تعمل لايك ولو فيك الخير هتعمل شير. وهنتقابل ذات مومنت وأشكرك على الكومنت.