Davinci Resolve 17.2 Tutorial | Class 00 | Course Structure | Hindi | Nirdeshak Rao

[0:15]Namaskar, mera naam hai Nirdeshak Rao aur aap dekh rahe hain Drishticone Productions. Toh last video ke upar sab logon ne bahut comments kiye, uske liye bahut bahut shukriya. 95% se zyada comments ye aaye ki complete course karwaiye with editing and everything. Kuch percent comment aise bhi the ki sirf colour grading ke upar focus kijiye, baaki sab jo hai pehle se aata hai. Toh is sab ko maine understand kiya aur uske hisab se maine device kiya hai pura module, pura course jo sab logon ko satisfy kar paye. Toh sabse pehle toh hum ye jante hain ki ye course kis-kis ke liye hai. Agar aapne DaVinci Resolve kabhi is life mein khol ke nahi dekha, bas aap interested hain, first time aap kholne wale hain, toh aapke liye course hai, bilkul beginning se hoga. Agar aapne DaVinci Resolve ke upar kuch kaam kiya hua hai, man lijiye aap colour grading wagera already kar rahe hain, aapko editing ka part jo hai samajh mein nahi aata, aur aap wo seekhna chahte hain toh definitely aapke liye toh ye course hai hi hai. Aur baaki kuch log aise hain jinko editing ke bare mein bhi pata hai, colour grading bhi maloom hai, but wo aur advanced uske bare mein seekhna chahte hain, toh definitely un logon ke liye bhi ye course hai. Isme colour grading ke module ke andar hum thoda deep dive karenge aur pura detail ke andar samjhenge ki ye sare panel kaise kaam karte hain aur colour grading ka process kis tarah ka rehta hai. Toh is tarah ke sab log jo in categories mein aate hain, unke liye course bana hua hai. Toh kind of samajh lijiye isko ye complete hi course hai, zero to hero wala course hai. Toh DaVinci Resolve ka zero se hero course ab hum shuru kar rahe hain. Toh title mein aapne dekha ki ye hai class zero, basically ye aapko batane ke liye course shuru ho raha hai, but main aapko bata deta hun ki iske andar DaVinci Resolve kahan se download karna hai. Kayi logon ko maloom nahi hai aur ye free software hai, iska free version bhi hai, Studio version bhi hai. Toh aap jon sa bhi aap use karenge, dono ke andar jo hai sab almost options same hain. Kuch chhoti-moti chizon ka farak hai, jaise ki aap free version ke andar 4K se upar ka export nahi kar sakte final render. But mujhe lagta nahi hai ki hum jitne bhi user YouTube ke upar hain, wo 4K se upar ka render karte hain aur kisi ko zaroorat bhi padti hai. Even broadcast mein bhi 4K tak ki chizen chalti hain sari. Toh pehle main aapko bata deta hun ki software download kahan se karna hai. Aap download karke isko install karke rakh lijiye. Uske baad hum discuss karenge ki ye pura module kya hoga, kitne lecture rahenge? 20 lecture ki main series bana raha hun, uske andar kya-kya hoga, kis tarah se hoga aur aap kahan se join in kar sakte hain agar aapne already kuch kiya bhi hua hai part, toh aap agar beech mein join karna chahte hain toh kahan se kar sakte hain? Wo sari detail main aapko bata deta hun. Shuru karne se pehle quickly aapko social media ke apne links dikha deta hun. Instagram par /NirdeshakRao pe ja kar ke aap mere Insta page ko follow kar sakte hain. Yahan par jo hai main apni work, life related gears wagera sab kuch chizen dalta rehta hun post. Aap yahan pe mujhe message kar sakte hain, koi bhi question ho, aap puch sakte hain, connect kar sakte hain aap par. Isi tarah se Twitter par bhi /NirdeshakRao pe ja kar ke aap mera Twitter handle follow kar sakte hain. Naya lecture jab bhi aayega is series ka toh sabse pehle main update yahan dalta hun ki aaj ye video aane wali hai, kal aane wali hai. Toh jinko sabse pehle update chahiye wo Twitter ke upar zarur ja kar ke follow karein. YouTube par bhi /NirdeshakRao pe ja kar mera YouTube channel jo hai isko aap jo hai subscribe karein. Abhi maine yahan pe teen achhi videos dali hain. Halan ki bahut views nahi aa rahe, kyunki aap log subscribe nahi kar rahe ho. Do subscribe to this channel. Iske upar main vlogs wagera aur content lana chahta hun toh aap yahan par subscriber badhayenge, definitely ispe aur content aayega. Filhal agar aapko free stock footage wagera chahiye, color grading ke liye, is series mein bhi jo kaam aane wali hain, wo yahan par aapko mil jayengi aur bhi main yahan par upload karunga is series ke dauran, stock footage. Toh aap definitely is channel ko subscribe kijiye taaki aapko content mil sake, uske upar aap practice kar sakte hain. Last but not least, Facebook par bhi ja kar ke aap mere page ko like kar sakte hain. Aur Google pe aap likhenge download DaVinci Resolve, toh sabse upar link aa jayega ye blackmagicdesign.com ka. Is pe aap click karein. Toh ye Blackmagic ki official website khul jayegi. Theek hai? Yahan par India selected hai already because usko IP se pata lag gaya ki ye India se click kiya gaya hai. Yahan par aap thoda sa scroll karenge toh yahan pe DaVinci Resolve 17 download now ka button hai. Is pe click karna hai. Yahan par teen-char options aa jayengi. Download DaVinci Resolve 17, 17 Studio, 16.2.8, 16.2.8 Studio. Difference kya hai? Ye free version hai aur ye jo hai paid version hai. Aur inmein actually difference aap yahan dekh sakte hain, likha bhi hua hai ki free version plus DaVinci Neural Engine, stereoscopic 3D tools, dozens of extra Resolve effects and Fairlight FX audio plugins plus advanced RGB grading and HDR scopes. Toh basically jo hum cinema mein ja kar ke 3D movie dekhte hain gogals laga kar ke toh lagta hai screen se bahar aa rahi hai. Us process ko bolte hain stereoscopic 3D process, toh wo aap isme create kar sakte ho. Uske liye aapko tools mil jayenge, post isme pro version mein. But basically ye sab chizen wo hain jo aapko actually usage mein aapke hai nahi regularly. Theek hai? Toh aapke liye ye free version more than enough hai. But still kisi ko agar paid version chahiye toh le sakta hai. Aur ek aur chiz hai ki agar aap Blackmagic Design ka koi camera khareedte hain. Jaise Blackmagic Pocket Cinema camera ki series aayi hai 4K 6K mein. Toh agar aap wo camera lete hain ya inka koi aur product lete hain toh unmein bhi bahut chizon ke sath mein ye free hi mil jata hai software. So, abhi main aapko free ke upar hi aapko bata deta hun kyunki mostly sab log toh afford nahi kar payenge ye wala. Yahan par aapke paas option hai Mac, Windows aur Linux ki. Windows pe aap click karenge aur is tarah se aapki details ke liye ek wo aa jayega. Toh iske andar aapko apni details bharni hain. Toh apni sari information yahan par fill karke Register and Download pe aap click karenge. Aur jaise hi aap click karenge yahan par ek aise aapko thanks ka wo aa jayega aur file save karne ka automatically aa jayega. Ise aap OK kar dijiye. Aapka software jo hai download hona shuru ho jayega. Toh agar yahan par apne download bar mein dekhenge toh ye download ho raha hai. Aur yahan par ye 10-15 minute dikha raha hai. Toh download hone ke baad main aapko install karunga sidha us time pe le jata hun. Toh download complete ho gaya hai aur maine unzip kar liya hai isko. Ab isko jo hai double click karke aap install karein. Toh is tarah se installer khul jayega. Aapko bas install pe click karna hai. Options jo bhi default hai isse rehne dijiyega, usse koi aapko aise khas farak padne wala nahi hai. Waise toh hum log keyboard aur mouse ka hi istemal karenge, but agar aap baad mein panel wagera bhi install, matlab use karna chahte hain, jo aapke control panels hain toh wo bhi sath mein hi install ho jate hain iske. Toh ye setup yahan par aa gaya hai, next pe click karte hain. I accept, next. Aapko ye kahan install karna hai, yahan pe aap change bhi kar sakte hain location, aapki C Program Files Blackmagic Design DaVinci Resolve. Yahan par next kar dijiye. Install. Aur ye is tarah se installation shuru ho jayegi. Microsoft C++ bhi ye install karega. Uske baad ye bolega to complete the installation you must restart your computer. Toh aap restart kar dijiyega. Yes kar sakte hain yahan par. Main kar deta hun. Toh installation ke baad aap quickly jo DaVinci Resolve hai, aapka install ho gaya, use open karenge. Is tarah se jo hai Resolve ka opening screen yahan par aayegi, load ho raha hoga. Toh jab aap isko open karenge, is tarah ki ek window aa jayegi. Ab yahan par aapka jaise aapko khali nazar aa raha hoga, mere paas jitne bhi maine purane projects mere edit ho rahe the, wo sab nazar aa rahe hain kyunki mere paas already installed tha ye. Yahan par aap untitled project jo hai, yahan par aap new project pe click karke naya project bana sakte hain aur koi purana project open karna chahe toh us pe double click karke usko bhi open kar sakte hain. Filhal main abhi untitled pe hi jo hai new project bana deta hun. Iska naam bhi untitled hi rakh raha hun. Ek bar bas isko window ko fatfat khol lete hain. Is type ka ye khul kar ke aapke samne aa jayega. Iske andar jo bhi panels bane hue hain, yahan par wahi jo maine aapko pehle bhi shayad last video mein bataya tha media page, cut, edit, fusion, alag-alag pages hain. Yahan agar aap help pe ja kar ke idhar likha hoga, welcome to DaVinci Resolve, ispe click karenge toh yahan par aapko ye version dikha dega ki 17.2 hai aapke paas. Toh ab hum 17.2 pe hi kaam karenge. Ye window ho sakta hai ki starting mein bhi aapke paas aaye jab aap first time isko install karke open karenge. Agar tab bhi aapko window dikh chuki hai toh wahan pe aapne continue kar diya hoga. Hum 17.2 pe kaam karenge. Agar kisi ke paas purana version bhi hai toh wo bhi tutorials ko follow kar sakta hai, koi issue nahi hai. Most of the stuff is same. Kuch do char chizen nayi aayi hain wo hum discuss kar lenge iske andar. Toh is tarah se aap software download karke install kar lijiye. Uske baad main aapko batata hun ki kya total structure hai course ka. Around 20 lecture iske andar honge. Kyunki obviously ye software thoda bada hai. After Effects aur Premier ki series mein maine 11 lectures ke andar khatam kar diya tha. Toh in 20 classes ke andar se maine editing ko teen aur teen se char classes editing ke liye rakhi hain. Theek hai? Mainly course ka focus rahega colour grading pe toh aath classes maine colour grading ki rakhi hain. Ek meri audio workflow ki class hai. Baaki ek media page ki class hai, delivery ki class hai ek, ki render wagera kaise hota hai. Toh ye total sara mila-jula kar ke around 20 lectures ke, 20-21 lectures ke andar ye course complete ho jayega. Agar aap sirf colour grading seekhna chahte hain toh jab colour grading ka module shuru hoga, wahan se aap join in kar sakte hain aur aath lecture lagatar colour grading ke chalenge, wo aap dekh sakte hain. Do lectures beech mein maine Fusion ke bhi rakhe hain VFX ke liye, toh jo log VFX mein interested hain wo Fusion wale lecture bhi dekh sakte hain. Baaki module mein kuch chizen jo hoti hain wo systematically aapko lagega dekhne mein ki shayad aage pichhe aa rahi hain. Like sabse pehle main jo hai interface ke baad mein pehli class jo hogi wo editing ki hogi. Aapko dekhne mein cut page pehle nazar aata hai, edit page baad mein aata hai. But hum pehle editing pe jayenge. Reason being, maine ye course is tarah se plan kiya hai ki jo log Premier Pro se, After Effects se aur software se aa rahe hain, un logon ne timeline ke upar kaam kiya hai. Toh wo agar directly kisi aur page ke andar jayenge, kisi node based page mein jayenge ya thoda jo unko familiar nahi hai toh wo confuse zyada ho jayenge. DaVinci Resolve thoda confusing software hai, par aapko jo hai sabse pehle ghabrana nahi hai. Aapko tension lene ki bilkul zarurat nahi hai. Hum is tarah se kaam karenge ki aapko sab kuch crystal clear hota jayega aur is course ke end tak aap zero se hero ban jayenge DaVinci Resolve ke andar. So bas follow karna hai aapne. Maine sare software istemal kiye hue hain ye toh mujhe pata hai ki kis tarike se mujhe ye sikhana hai. Toh pehle hum editing karenge. Ho sakta hai baad mein cut page mein aaye. Maybe hum fusion baad mein karein pehle colour page mein aaye. Toh us sab ka mere paas reason hai, kyon main wo aisa karunga. Uski wajah se aapko jo hai sab kuch jaldi samajh mein aayega aur aap easily jo hai pura software aapka uske sath familiar ho jayenge. Aapko end tak aate-aate aisa lagna bilkul band ho jayega ki DaVinci Resolve kuch difficult software hai. Aap uske andar bilkul cruise kar rahe honge, bilkul freely usko use kar rahe honge, like aapko pehle se hi aata tha. Is tarah ka aapko bilkul main karwa dunga course ke end tak. Ek sabse important cheez jo iski system requirement hai DaVinci Resolve ki wo heavy hai. Heavy software hai, zyada hardware mangta hai toh ye main aapko pehle clear kar deta hun ki i7 minimum system requirement hai iski aur 32GB RAM agar ho toh bahut achha hai. At least 16GB RAM toh honi hi chahiye. Ek achha graphic card hona zaroori hai. 4GB VRAM honi chahiye uske andar. 8GB VRAM ho toh aur bhi achhi baat hai. Aur agar SSD drive ke andar aap usko install karte hain, that would be very beneficial. Toh wo bhi ek minimum requirement aap samajh ke chaliye. Toh system configuration zyada chahiye. Balki jo purane version hain, wo thoda low configuration pe bhi chal sakte hain, but main kahunga ki GPU hona bahut zaroori hai kyunki DaVinci Resolve jo hai wo bahut hi extensively GPU ka istemal karta hai sari chizon ko karne ke liye. Is wajah se hang wagera bhi kam hota hai, lekin tabhi agar aapka hardware jo hai is tarah ka bana hua ho. Agar aapke paas graphic card nahi hai toh aapko ye software jo hai bahut heavy ho jayega, chalega nahi, issues aayenge. Toh ye note aap zarur bana ke rakhiye. Agar kisi ka system purana hai toh wo 17.2 download na karein. Wo koi purana version dhundhe, 15, 16, koi purana version dhundhe aur same tutorial same uspe wahi apply honge kyunki principles same hi hain. Kuch tools isme naye aaye hain wo hum discuss karenge. Baaki sara kuch jo hai 16 mein, 15 mein, even 14 ke andar bhi ye sab chizen jo hain similar hi chalengi jo processes hain. Toh aap definitely purane version pe ja sakte hain agar jiska system thoda sa purana hai, koi i5 pe hai toh us tarah ka jo hai wo purana version download kar lein. Main asha karta hun ki aapko ye jaan kar ke achha laga hoga ki ye course shuru ho raha hai ab aur join in kijiye sab log, subscribe kijiye aur mere personal channel ko bhi ja ke subscribe kijiye YouTube ko kyunki wahan par main definitely jaise maine bataya ki main video dalne wala hun jo stock footage wagera hai, main is course ke andar use karunga toh aap practice kar sakte hain unko download karke. Download ke link un videos ke description mein main de dunga. Toh mera personal YouTube channel ja kar zarur join kiye. Aur mere yahan par jo aur bhi social media ke links diye hue hain un par ja kar ke aap definitely mujhe follow kar sakte hain, wahan pe mujhse baat cheet wagera kar sakte hain, Instagram pe, Twitter pe. Aur Facebook par ja kar ke mera page like kar sakte hain. Other than that agar aapko ye video achhi lagi toh ise like kijiye, share kijiye, subscribe kijiye hamare channel Drishticone Productions ko. Milte hain next video mein tab tak ke liye Rao ki aur se namaskar.