[0:05]رجعنا لكم مستمعينا ومشاهدينا الكرام مع الدكتور سلطان بعد الفاصل، الموضوع الثالث اللي كنا رح نحكي فيه اللي هو الفعاليات والمشاريع، دكتور سلطان شو ابرز الفعاليات اللي نفذتوها مؤخرا وكانت تستهدف الشباب وشو اللي كانت اكثر تاثير برايك؟
[0:23]يعني نحن اليوم الساعة 12:30 عندنا افتتاح دورة الكتابة الابداعية بالتعاون مع مكتبة جامعة اليرموك، يعني أنا رح أطلع من هون على افتتاح الدورة، يعني هذا أول افتتاح لل يعني سنوياً بنعقد مجموعة من هي الدورات تقريباً كل شهرين دورة.
[0:45]حضرت أكثر من وحدة منهم. نعم اه ونحن إن شاء الله اليوم رح تنطلق دورة جديدة، إحنا عندنا يوم السبت افتتاح لواء الثقافة على مستوى الشمال لواء بني عبيد واللي هو فاز على مستوى المملكة وراح نوجه جزء كبير من هذه الفعاليات والبرامج اللي بنقدمها من خلال لواء الثقافة إلى قطاع الشباب.
[0:59]ما شاء الله
[1:12]طبعا أجندتنا السنوية حافلة ببرامج موجهة للشباب ودائما الشباب جزء من المجتمع يعني أو أقول لك شغلة ما أنا لما بعمل أي فعالية أنا أصلا تركييزي على الشباب هم هذول الجيل الكبير بيجوا هي يعني خلينا نقول مجاملة بس الأصل الفعالية موجهة للجيل الشاب واللي إحنا بنتأمل فيه دائما إنه يرفع من كفاءة الموجود في هذا الوطن.
[1:49]طيب دكتور شو المشاريع الثقافية القادمة اللي بتقدر تطلعنا عليها اللي مختصة بالشباب؟
[1:57]مختصة بالشباب إحنا يعني في عندنا مهرجان للفن التشكيلي أو خلينا نسميه ملتقى للفن التشكيلي في الصيف وزي ما حكيت لك يعني إحنا بندمج ما بين فنانين كبار وبنحاول نطعم دائما بطاقات شابة يعني يوم السبت بافتتاح لواء الثقافة أنا عندي ثلاث أجيال جيل الشباب صغير يعني بال 20 الفنانين المشاركين وجيل بال 30 وجيل أكبر.
[2:22]صح
[2:29]فيعني حاولنا إنه ندمج هي الأجيال مع بعض حتى يتعلموا من بعض حتى يستفيدوا في عندنا يعني على أنشطة بتتعلق بالقصه القصيرة، هذه تركيزها كامل على هذا الجيل، لأني بلاحظ إنه بالقصه القصيرة أغلب ال يعني الأسماء اللي بتطلع مميزة.
[2:59]الفن دائما طالع من عندنا إحنا البنات.
[3:02]وفي ظاهرة كمان إنهم بنات أكثر أنا بعرف هذا إله علاقة بشهر زاد ولا شو بعرفش بالإضافة لمهرجان الحصاد إحنا بنقدم فيه دائما اللي بيقدموا المهرجان واللي بيشاركوا بالموسيقى معظمهم طاقات شبابية بالمهرجان إربد الشعري اللي يعقد سنوياً بنستضيف جانب للشباب دائما يعني فبقول لك يعني إحنا في عندنا برامج مركزة على الشباب بالتعاون أيضا مع مديرية الشباب بنوجه برامج معينة لتدريبهم وتطويرهم وبدمج مواهب والمميزين منهم في برامجنا الرئيسية يعني.
[3:36]طيب دكتور سلطان بدي أسألك شو أكبر التحديات اللي بتواجهوها بتنظيم هذه الفعاليات؟
[3:42]يعني بصراحة التحديات أحيانا بعض المعيقات الإدارية المتعلقة ب يعني عدم مواكبة التطور عند بعض الدوائر أحيانا الجانب المالي بيلعب دور إنه أنا بدي أوصل للألوية اللي بعيدة شوي أوصل لها تنمية ثقافية يعني في بعض الألوية في إربد مثلا لا يوجد فيها أي هيئة ثقافية.
[4:09]صح بينما في ألوية أخرى فيها 15 و 20 هيئة ثقافية وهي الهيئات هي أذرع للمديرية الثقافة بتساعدها بالوصول إلى الشباب الموهوبين للفنانين للستات اللي بيشتغلوا بالتراث وبالعمل اليدوي هي الصناعات الثقافية. فيعني في بعض التحديات لكن إحنا دائما طموحاتنا كبيرة.
[4:38]اها تمام دكتور رح نحكي بالمحور الرابع اللي هو الثقافة والتكنولوجيا تمام؟ كيف بتنظر لتأثير وسائل التواصل الاجتماعي على الذوق الثقافي للشباب إيجابيا وسلبيا؟
[4:51]يعني هو لا يعني إذا إنه النهر توقف عن الجريان بيكون مات. دائما في تطور وفي مواكبة للأشياء. يعني أنا من جيل مثلا عشت إنه الكتاب هو كل شيء وبعدين كنا نستخدم التليفون الأرضي وما والتلفزيون هذا وما في أي شيء ثاني وسيلة تواصل.
[5:20]صح بعدين تطورت الحياة وصل النت وصار في تليفونات خلوية وبلشنا نتطور وندخل الآن التليفون تحول من أداة تواصل لأداة لاكتشاف العالم. فنحن دائما بدنا نحاول يمكن إحنا حكينا حتى خلال حوارنا عن هذا الجانب نوعا ما ما بدنا نعيد ونكرر نفس الكلام لكن أنا يعني إحنا لازم نواكب ونتطور مع تطور حقول هذا الجيل الشاب ونحاول نوصل له بالوسائل اللي هو بيرتاح لها وبيشوف نفسه فيها.
[5:52]دكتور بدي أسألك هل لدى المديرية حضور رقمي فاعل؟
[5:56]يعني حضور رقمي محدود هو إحنا إجمالا في عندنا خلينا نقول إحنا جزء لا يتجزأ من وزارة الثقافة ففي عندنا منصة ثقافة اللي بتستقطب أي إبداع شو ما كان سواء صناعات يدوية حرفية جمعيات ثقافية بتعنى بالعمل الثقافي موسيقيين فنانين كتاب شعراء هي المنصة بتحوي جميع المواهب على مستوى الوطن وطبعا لأربت حضور ضخم في هذه المنصة تمام ما شاء الله
[6:31]تمام ما شاء الله في عندنا أيضا منصة تراثي اللي هي بتركز على الجانب التراثي في عندنا الموقع الرئيسي لوزارة الثقافة وبنحاول نوصل عن طريق صفحات التواصل الاجتماعي على فيسبوك وغيرها للشباب بندعيهم لفعالياتنا نتفاعل معهم نوصل لهم لكن أنا بقول مقصرين لازم نلاقي حلول مبتكرة أكثر فإحنا إن شاء الله بمساعدتكم أنتم الجيل الشاب اطرحوا لنا أفكار جديدة خلينا نحاول نتطور أكثر.
[6:57]صح صح
[7:01]إن شاء الله
[7:05]إن شاء الله طب دكتور كيف بتوظفوا التكنولوجيا في نشر الثقافة بعيدا عن الكتب؟
[7:11]يعني دائما إحنا احتفالاتنا بنحاول نصور ريلات وفيديوهات ونبثها في على مستوى حتى خارج الأردن يعني منصة ثقافة لما تبث أي حفل أو أي مهرجان مسرحي أو بيوصل لكل من يدخل إلى الموقع سواء في أي مكان كان داخل الأردن أو خارج الأردن بنحاول نوصل عبر هي المنصات وفي عندنا برنامج بودكاست بتنتجه وزارة الثقافة مكلفين فيه أحد الكتاب المميزين إنه يلتقي بقامات ثقافية وبتعرفي هذه البرنامج البودكاست مرغوب يعني عند ناس كثير فيعني بنحاول نواكب نتطور بس بعدنا بأول الطريق يعني
[7:49]صح
[7:58]بالتوفيق يا رب طيب دكتور سلطان هل ترى إنه الكتاب الورقي لسه إله حضوره في الواقع الرقمي؟
[8:05]هو لا يعني ما بنقدر نقول إنه ألغي تماما لكن يعني أنا من تجربتي الشخصية بالبحث كنت زمان أروح على المكتبة وأحمل 10 مراجع كل مرة وابلش أقرأ الآن بصراحة آخر أبحاثي بكتبها باستعانة بكتب إلكترونية يعني لما بطلت استخدم القلم بكتابة النقد أو هذا مباشرة على اللابتوب.
[8:33]صح فبصراحة شوي شوي رح يستبدل هذه الكتب رقميا لأنه أسهل يعني أنا بيكون معي تليفوني وعليه آلاف الكتب غير إني أحمل كتب وأروح على البيت و بس بظل الكتاب الورقي رائحة الورق ورونقه أو الحنين لما بتذكر وأنا صغير بالمدرسة كيف كنا ندخل على مكتبة المدرسة ونعش ونقضي فيها ساعات طويلة من المعرفة وال وما كان شيء يشغلنا ثاني الآن في مليون شيء يشغلنا غير القراءة.
[8:53]إله جو خاص صح
[9:10]صح تمام دكتور سلطان رح نحكي بالمحور الخامس بس بعد الفاصل
[9:52]رجعنا لكم مستمعينا ومشاهدينا الكرام بعد الفاصل وحكينا رح نحكي بالمحور الخامس اللي هو رسائل وطموحات. دكتور سلطان ما رسالتك لشاب أو شابة عندهم إبداع وموهبة أدبية أو فنية وما بيعرفوا كيف يبلشوا أو من وين يبلشوا اصلا؟
[10:14]يعني أول شيء إنه لا تستعجل تأن وحاول إنه تكتسب معرفة أكبر. يعني أنا مثلا بعرف بعض الأطفال الموهوبين في الرسم لكن بيستعجلوا في مح التدريب فنون مثلا عندنا في إربد هذا يعنى باستقبال أي مواهب فنية سواء بالرسم بالموسيقى بالتمثيل.
[10:52]صح ليش ما هذول الطلاب ما يجوا ياخدوا هي الدورات ويطوروا مواهبهم بدل ما يستعجلوا إنه يبلش يرسموا بفككر حاله صار فنان بسرعة مشكلة جيلكم إنه مستعجل.
[10:54]تعودنا على السرعة دكتور اه بس يعني أنا عشان أصير مبدع لازم أكتسب كمية كبيرة من المعرفة فما تستعجلوا بس.
[11:03]صح ما شاء الله تمام دكتور لو كان عندك صلاحية إضافية واحدة لتطوير ثقافة إربد شو ممكن تختار شو ممكن تعمل دكتور؟
[11:13]يعني أنا ممكن لو عندي صلاحية وقدرة بعطي الناس ساعة من التأمل بالطبيعة انهم يصمتوا ما يستمعوا ل لبعضهم وينصتوا لصوت الأشجار لموسيقى الحجر للطبيعة الموجودة هي بتعطيك صفاء ذهني وتطور روحي وبتخليك تشحني نفسيا للأمام يعني.
[11:38]صح تمام دكتور شو حلمك الثقافي الأكبر لربد خلال الخمس سنوات القادمة؟
[11:44]يعني أنا حلمي إنه دائما تكون إربد بالأول وانها تكون على مستوى عالمي أنا بعرف إنه في مواهب مهمة جدا بالشعر من خلال يعني احتكاكي ومن خلال اطلاعي على مستوى نقدي وأدبي عندنا مواهب مميزة جدا على مستوى عالمي بالشعر بالموسيقى بالرسم بالفن التشكيلي يعني لكن ما بتاخذ حقها ما بعرف كيف ممكن نروج لها ونخليها توصل عالميا أنا يعني طموحي إنه هي المواهب الهائلة انها تطلع وتوصل.
[12:23]تمام دكتور شكرا لك كانت هون نهاية حلقتنا الثقافية أشكر ضيفنا الدكتور الكريم الدكتور سلطان الزغول كانت معكم رنيم العزام من الحلقة الثانية من برنامج أوراق الثقافة يعطيكم العافية.
[12:37]شكرا لك شكرا لهي الفرصة
